Luke 7:16 - Hawa Naga Bible 2001

¹⁶ Miq lotlaz muinz hiyaz kawc yawc wuez vtueq Tishox muex tvtsvmc kvmc wuez tueq. Tsuingshiq rueq, “Shvmmax yungx nuiyshiq kox nuex dung kaz ruex ngoz tueq muinz, Tishox rueq vpiq miqsaz htenc palc wvnc muex kaz ruex ngoz tueq muinz!” tsuingshiq rueq rvjungc wuez tueq.

ASII LAKDAP Bible (BSI)

¹⁶ Kra chhi raüta, tsangshiq tarü ka kai awang riito. Kiimaq ahai lam maq, “Nashiq ma shammi ajong pinthum ashi she saüto. Shiikeawe raq asenginok, nashiq ara chhiikai she saükito,” nguta tsangshiq raq Shiikeawe ka tiitsam kamto.

Muklom

¹⁶ Eshiwang miqtang tha ucho rong ang eq Shkewa tha tasapsey ta. Ning aa batta, “Hiqtang jaktung na ajong rangsamal thutapha! Shkewa piq miqtang tha nong ma thutapha!”

Luke 7:16 Referencias Cruzadas

Tvtsvmc 65:9

Mnoz rueq ghaq tvkoc raungx tvyunc kuq vshuiux nuiyc mungkawx kuex tvwungx vshuiux lvmx tvkhic vshuiux; mnoz rueq kvruex tvrungx wanx vtueq nuiyc ghaq tvbur vshuiux. Yuix warc htenc nuex yuix tvmvrc kuq toq; ghaq nuex pulx thuey waqthuimx htenc tvdung sung taq toq. Mnoz rueq kvkhoc tvhungx shuimx wvnc toq rvtueq:

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

JEREMIA 33:9

Yerusalem kuex ngvy tvkoc kokez, tvtsanc nganc nuiyc kvsomc parc juing baung yuix dungc juing yaungx tuex; Yerusalem ghaq jix nuiyc vruex ghaqyungx rungx vwanx tvkoc ngaz rueq shuimx vshaungx vhvlx phvnx htenc tsuingshiq rueq tay ruiux yuq, mungkawx wawc miqphvnx htenc lotlaz hiyaz kv-khuirc wuez tuex,” ngoz tueq.

Matthew 15:31

Nuix tuingx jix muinz vbomc dauz tueq, shauk vgvnz nuex hungx htaungx muq jix muinz tvhvlc kuq tueq, hukkuix jix muinz lvmx khuemx yaq, muik mawz jix muinz muik kalc wuez tueq kuex nuk miqsaz rueq khiz vtueq pinhtumc wangc ruiux, Israel Tishox muex tvtsvmc kvmc wuez tueq.

Matthew 21:11

Nuk miqsaz htenc rueq, “Vruex waz kuex Galile mungx Nazaret wawc Yesu ngoz yaq shvmmax waz rvtueq,” ngoz tueq tvralc wuez tueq.

Matthew 28:8

Kvkaq tsuingnueyc kuex luip kvwawc htat htat waung wvnc vtueq, hiyaz kawc yawc ruiux muinz vkoz vkez thuinz vmvrx maq vpiq sangac hez muex jungc waungc tvkoc yuz wvnc tueq.

Matthew 9:8

Kvruex khic jix miq vkung vdaungx htenc kuex hiyaz vtueq, mungkawx miqsaz muex vkhoc vrangx vpangx kuy jix Tishox muex tvtsvmc wuez tueq.

Luke 1:65

Yuimx phic yuimx phaungx jix htenc muinz hiyaz wuez tueq, kvkhoc yaungx wvnc tueq lvmx htenc kuex Yuda mungx kuz vkanx ghaq ruip saz nuex thaungbaungx jungphvnx wvnc tueq.

Luke 1:68

“Taungjix Israel Tishox muex tvtsvmc wuez ix! Vpiq miqsaz Israel muex romc kuy httuiuc kaz vtueq tsuingshiq kuex palc tvdung wvnc tueq.

Luke 19:44

Tsuingshiq rueq mnoz muex muinz mpalx ruk htenc mungx nuex httax yaq miqsaz htenc tvsawc ric tvbac gay vkhing kuex mnoz kox nuex dung wvnc tuex; mnoz nuex lung poshiz htauk nuex poshiz kvdaungc muq laz juing yaungx wvnc tuex, yvmx khoc lac ngoz ruiux lec mnoz kuex Tishox rueq mnoz palc kay tvkoc httuiuc kaz tueq vkhing kuex helc muq tuiuz muq,” ngoz tueq.

Luke 2:20

Khelbuenx remc jix hez muinz yek waung vtueq, tsuinghez muex raungkamx bix rueq jungx kuq tueq rulc rv-ngvlc tay wvnc tueq, khiz wvnc tueq lvmx lotlaz kvmac Tishox muex tvtsvmc kvmc shix wuez tueq.

Luke 24:19

Vpiq rueq, “Yvmx lvmx htenc lac?” ngoz tueq wiz tueq. Kvkaq tsuingnueyc rueq tvralc tueq kuex, “Nazaret ghaq jix Yesu lvmx ngoc nauz, vpiq kuex Tishox khaungkac nuex muinz, nuk miqsaz lotlaz htumc nuex muinz, jungphvnx shuimx wvnc tueq nuiyc yauk shuimc htauk nuex muinz, vpiq kuex luimc vkawc vhttax shvmmax washiz rvtueq.

Luke 5:26

Miq lotlaz kuex pinhtumc wangc wuez vtueq, “Vwangc juing kuex naungshiq rueq majuiuc raungnuiyq khiz wvnc tiq!” ngoz tueq Tishox muex tvtsvmc kvmc wuez tueq!

Luke 5:8

Kvruex Simon Peter rueq khiz vtueq Yesu yaz phaungx nuex bumx ruiux, “Taungjix lex, ngvy kox wawc kvyenc wvnc kuiuz!” Ngaz kuex mvrax vhttax miqsaz rvtauk! ngoz tueq.

Luke 7:15

Vthueyc vruez kaz waz muinz kvtenc ngaungc vtueq kvjak phaungc wvnc tueq, Yesu rueq kvruex waz kuex vnyuiuz muex lekuq tueq.

Luke 7:39

Yesu gvlc jix Pharise waz rueq kvruex khiz vtueq, “Vruex waz kuex shvmmax ngoz ruiux yuq vpiq yaz shuimx yaq nyuiuz kuex yvmx khoc miq lac rvtvnx, yvmx mvrax httaz jix nyuiuz lac rvtvnx vpiq rueq tuiuz shuex!” ngoz tueq tvmaung tueq.

Luke 8:37

Kvkaq mungx hong tvroz wawc miq htenc lotlaz kuex pinhtumc hiyaz wuez vtueq tsuingshiq kox wawc rv-phvlc kay wvnc tvkoc Yesu muex jungx kuq tueq. Kvkhoc rvtueq Yesu kuex lix htauk nuex duiz vtueq kvruex maq kaz wvnc tueq.

Luke 9:19

Tsuinghez rueq, “Wvyvmc rueq yuix luip Yohan ngoz yaq, wvyvmc rueq Elia ngoz yaq, vbez rueq mvnnuex jauz wawc shvmmax washiz shiz yuing kvtenc wvnc tueq rvtueq, ngoz tueq rvjungc yaq,” ngoz tueq.

John 1:21

Kvkaq tsuingshiq rueq, “Ngoz ruiux mnoz kuex ukhaq lac? Elia haz?” ngoz tueq wiz tueq, Yohan rueq, “Ngaz kuex rvmuq,” ngoz tueq tvralc tueq. Tsuingshiq rueq, “Mnoz kuex shvmmax haz?” ngoz tueq wiz yek tueq. “Ngaz kuex shvmmax muinz rvmuq,” ngoz tueq tvralc tueq.

John 1:25

kvmaq tsuinghez rueq, “Mnoz kuex Mesia muinz rvmuq, Elia muinz rvmuq, shvmmax muinz rvmuq ngoz ruiux kuex yvmx ruemc lac yuix luip kuq vshuiux?” ngoz tueq Yohan muex wiz tueq.

John 4:19

Yalxjuik nyuiuz rueq, “Taungjix lex, mnoz kuex shvmmax rvtoq lvmx ngaz rueq tuiuz lvp tauk.

John 6:14

Kvkhoc vpiq rueq tvkhic tueq vwangc juing romzyac kuex khic jix htenc rueq, “Vruex waz kuex mungkawx nuex httuiuc kaz tuex ngoz yaq shvmmax waz rvtueq!” ngoz tueq.

John 9:17

Kvkhoc rvtueq Pharise nuk rueq muik mawz waz muex, “Mmuik tvhvlc kuq kv-phux waz kuex mkhoc lix miq lac rvtvnx?” ngoz tueq laukshiz wiz yek tueq. Kvruex waz rueq, “Vpiq kuex shvmmax rvtueq,” ngoz tueq tvralc tueq.

Acts 5:5

Anania rueq kvruex kvjaz kuex tay rac dvyx kvlak rul vtueq thueyc kaz tueq. Kvruex tay jix lotlaz muinz pinhtumc hiyaz wuez tueq.

Acts 7:37

‘Nuimshiq suiuz vsaz kvwawc ngaz vkhoc shvmmax washiz kuex Tishox rueq nuimshiq tvkoc tvdung shuex,’ ngoz tueq Israel miqsaz muex jungc kuy jix waz muinz Moshe rvtueq.

Galatians 1:24

Kvkhoc rvtueq nuimshiq rueq ngvy ningkhvnc nuex Tishox ngauz vngax kuex tvtsvmc wuez vshuinx.

TRI CHONGKE 18:15

Yehowa rueq nuimshiq phvnx vmaq kvwawc ngaz vkhoc shvmmax washiz tvkaz shuex ningkhvnc nuex piq kvjaz kuex tay wuez shuinz.