Luke 21:8 - Muklom

⁸ Jesu aa batta, “Thaji kowang rangtun eq tong inn; dipkup raaq battan phin jo nak han inn, imiing som eq daqhan miq rong thu eq batphanin, ‘Nga raa piq tha!’ Etho, ‘Rangham tha thuk ma arelna sey!’ Etharin ning ji nak phan inn.

ASII LAKDAP Bible (BSI)

⁸ Kiijiishe, Jesuq raq treto, “Namshiq ka honkam shat maq sirong laq. Maiq ma naq tlao rongkiq. Maiq pahea ka i mang shaphaq raüta, misaüho. Raüta, tsangshiq raq, ‘Ngi ahata Khristo!’ nguta mitiitsaki. Kiimaq, ‘Phangthum akhing ka saü wato she!’ nguta mingu. Shatmaq, tsangshiq jai ka naq phan rongkiq.

Hawa Naga Bible 2001

⁸ Yesu rueq, “Nuimshiq kuex tvshonx bawx rvhumc muit tvkoc honc lvmz wuez shuinz, yvmx khoc lac ngoz ruiux lec miq htenc kuex ngaz vkhoc kvshvmx vtueq, ‘Ngaz kuex vpiq rvtauk! Vkhing kuex httuiuc wvnc yaq shex!’ ngoz tueq jungx shuex. Tsuingshiq yix nuex nauk phvnx kaz.

Luke 21:8 Referencias Cruzadas

Matthew 24:11

Ahut alik rangsamal tang ahan tunshat na, etho miq daqhan sha athom ma hunna.

Matthew 3:2

“Ngarey wang wel inn, chammatakoi rangmungtan rapney arelna.”

Matthew 4:17

Ethi rangham wang, Jesu aa phang phanchan ta, “Ngarey wang wel inn, chammatakoi rangmungtan rapney arelna!”

Luke 17:23

Irimal miqtang tho atha angna barey nim ma bat phanin, ‘Eshináng siin inn!’ Etha ang moq ang ajo ‘Irináng siin inn!’ Etharin nim aa ubi eq ma nak ka inn.

Luke 21:7

Ning aa pitta, “Tatalteywa, iri baluk o angna? Etho irimal raaq raa tahom ang ajo chamal eq sam ni?”

Luke 21:9

Takhat jaan tang etho thamol hit tang raaq tat inn jo nak cho inn; phang o irimal hun angna, etharin ira uthun rangham ta nak tathin inn.”

John 5:43

Nga Iwa miing o kataphang, etho nim aa nga tháng phamin. Etharin adak piq ni piq miing o kapha jo utháng eq nin.

John 8:24

Ethirangma nga nim ma batphang, nim ngarey o ti nin, chammatakoi esha nga raa hun ta nim aa han min ang inn jo nim ngarey o nim hun ti nin.”

John 8:28

Jesu aa batta, “Nim aa Miqna Sa aluk náng sey taqhung inn jo nim aa sam nin, nga raa piq tha hun; i tarong wang chamtho somlo mong etharin chammal Iwa aa nga ma tatal phang ethimal hun nga raaq ang.

1 Corinthians 6:9

Nim aa jaqhal eq sam inn, jashit miqtang Shkewa rangmungtan náng jin nop moq. Nim ni nim shi nak dip inn; ngarey miqtang, shila shumnuk tey miqtang, sathuk miqwa miqnu tang, miqwa ni miqwa jaktung na sathuk jaksomtey tang etho miqnu ni miqnu jaktung na sathuk jaksomtey tang,

Ephesians 5:6

Chamtey eq nim thanghung raaq wang nak cham dip phin; chammatakoi irimal jaksom tang tungkang o Shkewa tinqhat raaqkhat tat moqtey tang ma kha aa.

2 Thessalonians 2:3

Utang eq tho nim chamlang raaq ma tho nakcham dip phin, chammatakoi Shkewa miiksuk thun wey moq nángduk etho miqshit miqwa takhi moq nángduk ethi saal sha thupha moq angna, piq sha tashit eq chak ma hun shing ta.

2 Timothy 3:13

Etharin jashit miqtang etho udiptey tang aa dip eq etho dip kap eq, jashit o chan chey na.

1 John 4:1

I tinmat nok nu wa tang, thaji tsija shi nak han inn, etharin eshi tsija sha Shkewa wang ang moq tia ang aa ta thak tari inn. Chammatakoi alik rangsamal tang daqhan mingkang na thalat aa.

2 John 1:7

Daqhan miqtang barey dip eq taqhat tey mingkang náng ka tapha, ning aa Jesu Khristo miqna ang eq ka tapha ta han moq; irimal ning sha udip eq taqhat tey tang nia Khristo ralwa tang.

Revelation 1:3

Utang eq iri raaqtóng raaq raa phat aa, etho irina bat aa sha tat aa ning sha sunmaan, chammatakoi rangham sha arelna.

Revelation 12:9

Ajong puchapak tha urangkamwa tang jamoq mingkang náng bichak ta. Piq aking pu bara thangwa tha etho Satan ta thaming ta, etho piq aa thaji mingkang sha dipkup ta.