Luke 21:8 - Hawa Naga Bible 2001

⁸ Yesu rueq, “Nuimshiq kuex tvshonx bawx rvhumc muit tvkoc honc lvmz wuez shuinz, yvmx khoc lac ngoz ruiux lec miq htenc kuex ngaz vkhoc kvshvmx vtueq, ‘Ngaz kuex vpiq rvtauk! Vkhing kuex httuiuc wvnc yaq shex!’ ngoz tueq jungx shuex. Tsuingshiq yix nuex nauk phvnx kaz.

ASII LAKDAP Bible (BSI)

⁸ Kiijiishe, Jesuq raq treto, “Namshiq ka honkam shat maq sirong laq. Maiq ma naq tlao rongkiq. Maiq pahea ka i mang shaphaq raüta, misaüho. Raüta, tsangshiq raq, ‘Ngi ahata Khristo!’ nguta mitiitsaki. Kiimaq, ‘Phangthum akhing ka saü wato she!’ nguta mingu. Shatmaq, tsangshiq jai ka naq phan rongkiq.

Muklom

⁸ Jesu aa batta, “Thaji kowang rangtun eq tong inn; dipkup raaq battan phin jo nak han inn, imiing som eq daqhan miq rong thu eq batphanin, ‘Nga raa piq tha!’ Etho, ‘Rangham tha thuk ma arelna sey!’ Etharin ning ji nak phan inn.

Luke 21:8 Referencias Cruzadas

JEREMIA 29:8

Nuimshiq nuex httax naungx yaq shvmmax bix nuiyc tsuingshiq rueq dvyx max kox nuex httuiuc wvnc yaq lvmz jungx lot yaq ngoz tueq, vganc miq htenc rueq ruezruez, nuimshiq shauk pumz laulawc gay kuex nauk rvhumc kaz, ngaz, Tvphaungc Tvsuip Yehowa Israel Tishox rueq honc tvsvmz vphaungx,. Tsuingshiq maung muex nauk luimx wuez kaz.

Matthew 24:11

Vrot vkaq shvmmax paunghvlc dung vtueq miq paunghvlc muex lvmx tvmawc shuex.

Matthew 3:2

Piq rueq, “Nuimshiq mvrax kvwawc thuinz kvlayc wuez kuinz, yvmx khoc lac ngoz ruiux lec Raungx Mungtan kuex httuiuc wvnc yaq!” ngoz tueq jungphvnx tueq.

Matthew 4:17

Kvruex baunglaung maq phaungc vtueq Yesu rueq bomjungc jungphvnx wvnc tueq kuex: “Raungx Mungtan kuex httuiuc wvnc yaq shex, nuimshiq mvrax wawc thuinz kvlayc wuez vtueq yek waung wuez luit!” ngoz tueq.

Luke 17:23

Kvruex raungnuiyq miq rueq, ‘Lawc shuinz, nuex kvyuq httax yaq! rvmuq ngoz ruiux, vruex yuq httax yaq!’ ngoz tueq jungx ruiux yuq muinz nauk thuiyx kaz.

Luke 21:7

Tsuingshiq rueq, “Tvluingc waz lex, kvruex kuex mtanc jauz yaungc wvnc juing lac? Kvruex yaungx wvnc vkhing nuex vtuiuz wvnc juing kuex yvmx lac yaungx wvnc tvnx?” ngoz tueq wiz tueq.

Luke 21:9

Ralx rvkhvt lvmx nuiyc ralx dung wvnc yaq thaungc tay ruiux yuq nauk hiyaz kaz; kvruex phvnx htenc kuex kungkhux yaungx wvnc tuex, yuq muinz mungkawx htumx wvnc vkhing kuex max httuiuc dvyx doc,” ngoz tueq jungx tueq.

John 5:43

Ngaz kuex Iwaz vrangx vpangx maq httuiuc kaz phaungx muinz nuimshiq rueq ngaz lvp wvnc muit, vganc jix miq washiz shiz kuex piq vrangx vpangx maq httuiuc kaz ruiux yuq nuimshiq rueq piq kuex lvp wvnc shuinx.

John 8:24

Kvkhoc rvtueq nuimshiq kuex miqmac mvrax nuex thueyc tuinx ngoz tueq ngaz rueq jungx vphaungx, ‘Ngaz kuex ngaz ngoz vshaungx waz rvtauk,’ kuex nuimshiq kvmluimx muit ngoz ruiux yuq nuimshiq miqmac mvrax nuex dvyx thueyc tuinx,” ngoz tueq.

John 8:28

Kvkhoc rvtueq Yesu rueq, “Nuimshiq rueq Miq Saz vruex raungx nuex tsomz gay ruiux jix, ‘Ngaz kuex ngaz ngoz vshaungx waz rvtauk,’ kvmuinz, ngaz kuex ngvy vrangx vpangx maq yvmx muinz shuimx mauk, Iwaz rueq ngaz muex tvluing kuq yaq kvrulc rv-ngvlc dvyx jungx vshaungx lvmz kuex nuimshiq rueq tuiuz wvnc shuinx.

1 Corinthians 6:9

Layx bac jix htenc kuex Tishox Mungtan guimz lvp wvnc shuex rvmuq, nuimshiq rueq tuiuz vshuinx. Miqmac shauk vgvnz kuex nauk tvrot kaq kaz, sahtok sapawx yaungc jix, yac yuimx nawk jix, miqjuik senc jix, miqwaz vdvmz dvmz, rvmuq ngoz ruiux yalxjuik vdvmz dvmz rvhtok pawx jix htenc,

Ephesians 5:6

Ukhaq muinz khuec guez lvmx guez kvjaz maq nuimshiq kuex nauk kvlauc lawc kaz; kvkhoc yauk shuimc ningkhvnc nuex Tishox thuinkhvy kuex tay phvnx muq jix htenc htauk nuex httuiuc tuex.

2 Thessalonians 2:3

Vruex lvmx nuex seng vtueq nuimshiq kuex ukhaq muex muinz nauk kvlauc lawc kaz. Yvmx khoc lac ngoz ruiux lec vtvsuip khawc lvlc jix waz max dung wvnc nuex nuiyc ngarvyx mungx nuex kay jix waz rvtueq Layx Bac Waz max dung shauk nuex kvruex Raungnuiyq kuex httuiuc wvnc tuex rvmuq.

2 Timothy 3:13

honc vbac jix htenc nuiyc tvrot kaq laulawc jix htenc kuex vbac htauk kvyuq muinz pinhtumc bac hvlc shuimx kaz wvnc shuex, tsuingshiq rueq miq laulawc shuex kvkhoc tsuingshiq muinz vlauc lawc rvhumc tuex.

1 John 4:1

Lungwawc kungjix bix lex, Siyac lvp wvnc tiq ngoz tueq jungc jix miq lotlaz muex nauk kvmx kaz, tsuingshiq rueq lvp wvnc tiq ngoz yaq siyac kuex Tishox kox wawc vkaz shuex rvmuq lac kuex wisoz lawc shuinz. Yvmx khoc lac ngoz ruiux lec vrot vkaq shvmmax paunghvlc kuex baung ruip saz nuex httuiuc wvnc tueq.

2 John 1:7

Yesu Christu kuex miqsaz gvnngvmx muex yaungx vtueq httuiuc kaz tueq kuex khawx gay ruiux laulawc jix miq paunghvlc mungkawx baung ruip saz nuex kaz wvnc tuex. Kvkhoc jix miq rueq vlauc vlawc nuiyc Christu muex ralx rvtueq.

Revelation 1:3

Vruex tvkhic luik dvp vruex wvllawc jix htenc nuiyc shvmmax bomjungc kuex tay phvnx vtueq, vruex luik dvp vyuq wuiyq shec tueq htenc phvnc jix kuex thuinhvlx yaq! Yvmx khoc lac ngoz ruiux lec vhtenc vruex yaungc wvnc tvkoc vkhing httuiuc wvnc muex nyek wvnc yaq shex rvtueq.

Revelation 12:9

Mungkawx tvlot laz rot kaq tvshonx jix Htaungc rvmuq ngoz ruiux Satan ngoz yaq mvnnuex wawc yungrex kuiux kuex, piq mangx bix rulc vdvmz nuex ghaq nuex tuip gay rvhumc tueq.