A Pas ane Pol tetek a tarai Rom 7:2 - Label

² Manglarning ar warwara larlar ana warkurai a tinaulai: Ning ta hane i taulai, a warkurai a tinaulai i dot taum diau mana nuna barsan, ning a barsan kaning ot i laun. Ika ning anuna barsan ka mat, a hane ning i langolango kusun a warkurai a tinaulai.

A Pas ane Pol tetek a tarai Rom 7:2 Referencias Cruzadas

A Pas ane Pol tetek a tarai Rom 7:3

I maining, ning a hane ir taulai ulak ta barsan, pa anuna barsan kaning ot i laun, a hane ning i tol a laulauna. Ika ning anuna barsan ka mat, a hane ning i langolango kusun a warkurai a tinaulai, pa ning ir taulai ulak ana ta barsan bel i tol a laulauna.

A Pas ane Pol tetek a tarai Rom 7:6

Ika onone, dala mat kusun a Warkuraila ning nating i dot akes dala. Pa di ka alangolango pas dala kusun a rakrakai ana Warkuraila, pa dala titol tetek e God ana tona ngas, ning a Talngan Tabu i saran tari tan dala. Bel i arlar ana ningnigo na ngas, ning dala mur ka a Warkuraila ning di tumus tari.

1 Korin 7:39

A hane ning ka taulai, a warkurai i kes onoi ning i dot taum diau mana nuna barsan, ning anuna barsan kaning i laun. Ika, ning anuna barsan ir mat, a hane ning ir langolango sur ir taulai ulak on tik ning i mang suri, ika ir taulai ot on tik ning i tortorot ana Leklek.

1 Korin 7:4

A hane ning i taulai, bel i warkurai sur a palaona. Anuna barsan i warkurai suri. Pa lar otleng ning, a barsan ning i taulai, bel i warkurai sur a palaona. Anuna hane i warkurai suri.