A Pas ane Pol tetek a tarai Rom 7:1 - Label

¹ A tastasikla, ar warwara tetek mulo ning mulo tasman ot a Warkuraila. Mangasa, belot mulo tasmani mang la ka ning la laun ot la kes nahai a Warkuraila?

A Pas ane Pol tetek a tarai Rom 7:1 Referencias Cruzadas

A Pas ane Pol tetek a tarai Rom 1:13

Na tastasikla, a mang sur mulor tasmani mang, a galis a taem, a mang sur ar oroi mulo, sur ar nangan mulo par oroi a wana nuka titol ting na numulo a lalaun, larning a oroi ting na lalaun ana maskan a tarai, ning la otleng bel na tarai Juda. Ika, tuk onone, bel a han lar pas.

A Pas ane Pol tetek a tarai Rom 10:1

Na tastasikla, a mang kol sur e God ir alaun pas anuka tarai, a tarai Israel, pa sira nunung otleng larne.

A Pas ane Pol tetek a tarai Rom 10:4

E Karisito i tolsot pas a Warkuraila ane Moses. I maining la ning la tortorot o e Karisito lar tostos namatana e God.

A Pas ane Pol tetek a tarai Rom 6:14

Anasa bel mulor kes nahai a rakrakai ana toltol laulau, anasa bel mulo kes nahai a Warkuraila. Onone mulo ka kes nahai a marmaris ane God.

A Pas ane Pol tetek a tarai Rom 6:3

Mangasa, bel mulo tasmani mang, dala rop ning di baptais dala o e Karisito Iesu, dala mat taum onoi ana baptais ning?

A Pas ane Pol tetek a tarai Rom 7:6

Ika onone, dala mat kusun a Warkuraila ning nating i dot akes dala. Pa di ka alangolango pas dala kusun a rakrakai ana Warkuraila, pa dala titol tetek e God ana tona ngas, ning a Talngan Tabu i saran tari tan dala. Bel i arlar ana ningnigo na ngas, ning dala mur ka a Warkuraila ning di tumus tari.

A Pas ane Pol tetek a tarai Rom 9:3

Ngandek ning ar tolsot pasi, a mang sur ar tur keles anuka tarai, a tarai Israel, pa dir suah tar anunla warkurai na arkeles hok, pa dir kepsen iau kusun e Karisito, sur dir alaun pas la.

1 Korin 9:8

A warwara ne a atongi, bel ana nuknuk a taraila. Na Warkurai ane Moses otleng i atongi.

Galesia 4:21

Ning mulo mang sur mulor mur a Warkuraila, mulor keles iau: Mulo tasman ot a kamkama Warkuraila?