Zakaria 10:7 - Bibl Koad 21: Ar Bibl e Brezhoneg evit ar Vretoned

⁷ Efraim a vo evel un den kadarn; o c'halon a vo laouen evel dre ar gwin. O mibien en gwelo hag a laouenaio, o c'halon a sartaio en AOTROU.

Zakaria 10:7 Referencias Cruzadas

Geneliezh 18:19

E anavezet em eus evit ma c'hourc'hemenno d'e vibien ha d'e diegezh war e lerc'h mirout hent an AOTROU, en ur ober kement a zo reizh hag eeun, evit ma lakaio an AOTROU da zont war Abraham ar pezh en deus lavaret anezhañ.

Geneliezh 43:34

Hag e kasas meuzioù dezho azirazañ, met lodenn Benjamin a oa pemp gwech vrasoc'h eget al lodennoù all. Evañ a rejont, hag e laouenajont gantañ.

Salmoù 102:28

met te a zo bepred an hevelep hini, ha da vloavezhioù n'echuint ket.

Salmoù 104:15

hag ar gwin a laouena kalon an den hag a laka e zremm da lugerniñ muioc'h eget an eoul, hag ar bara a ro nerzh da galon an den.

Salmoù 13:5

gant aon na lavarfe va enebour: Trec'het em eus warnañ! Ra ne laouenaio ket an drubuilherien, ma vefen brañsellet.

Salmoù 28:7

An AOTROU a zo va nerzh ha va skoed. Va c'halon en deus fiziet ennañ hag on bet sikouret. Va c'halon ivez a zo laouenaet, hag e veulan anezhañ dre va c'hanennoù.

Salmoù 33:21

Rak hor c'halon a laouena ennañ, rak fiziañs hon eus en e anv santel.

Salmoù 90:16

Ra vo diskouezet da oberenn da'z servijerien, ha da c'hloar war da vibien!

Izaia 25:9

En deiz-se e vo lavaret: Setu, hon Doue eo, esperet hon eus ennañ, hag e saveteo ac'hanomp. An AOTROU eo, esperet hon eus ennañ, tridomp a levenez ha laouenaomp eus e silvidigezh.

Izaia 38:19

An hini bev, an hini bev, a veulo ac'hanout, evel ma ran hiziv; an tad a roio da anavezout da fealded d'e vibien.

Izaia 54:13

Da holl vibien a vo kelennet gant an AOTROU, ha peoc'h da vibien a vo bras.

Izaia 66:14

Gwelout a reot kement-se, hag ho kalon a laouenaio, hoc'h eskern a vleunio evel ar geot, dorn an AOTROU a vo anavezet gant e servijerien, hag e gounnar gant e enebourien.

Jeremiaz 32:39

Reiñ a rin dezho un hevelep kalon hag un hevelep hent, evit ma toujint da viken ac'hanon, evit o mad hag hini o mibien war o lerc'h.

Ezekiel 37:25

Hag e vint o chom er vro am eus roet da Jakob va servijer, ma'z eo bet o chom enni ho tadoù. Bez' e vint o chom enni, int, o mibien ha mibien o mibien, da viken, ha David va servijer a vo o friñs da viken.

Joel 2:23

Ha c'hwi, mibien Sion, tridit ha laouenait en AOTROU ho Toue, rak e ro deoc'h glav ar c'hentañ amzer hervez an direizhder, hag e kas deoc'h ur glav fonnus eus ar c'hentañ hag eus an diwezhañ amzer, evel gwechall.

Habakuk 3:18

Koulskoude me a vo laouen en AOTROU, me a drido e Doue eus va silvidigezh.

Sofonia 3:14

Kan a levenez, merc'h Sion! Laosk kriadennoù a eürusted, Israel! Bez laouen ha laouena da galon, merc'h Jeruzalem!

Zakaria 12:8

En deiz-se, an AOTROU a ziwallo tud Jeruzalem, hag an hini dinerzhañ en o zouez a vo en deiz-se evel David, ha ti David a vo evel Doue, evel ael an AOTROU dirazo.

Zakaria 9:15

AOTROU an armeoù a vo o diwaller, lonkañ ha mac'hañ a raint ar vein-batalm. Hag evañ a raint oc'h ober trouz evel everien-win, leun e vint evel listri-aberzh, evel kerniel an aoter.

Zakaria 9:17

Pegen bras e vo o c'haerder hag o sked! Ar gwinizh a raio d'an dud yaouank kreskiñ, hag ar gwin nevez d'ar plac'hed yaouank.

Sant Lucas 1:47

ha va spered en em laouena e Doue va Salver,

Sant Ian 16:22

Evel-se c’hwi a zo bremañ en dristidigezh, met me ho kwelo a-nevez hag ho kalon en em laouenaio, ha den ne lamo diganeoc’h ho levenez.

Actou an Ebestel 13:33

Doue en deus peurc’hraet anezhi evidomp-ni o bugale, pa en deus adsavet Jezuz a varv, hervez ma’z eo skrivet en eil Salm: Te eo va Mab, hiziv em eus da c’hanet.

Actou an Ebestel 2:26

dre-se va c’halon a zo en em laouenaet ha va zeod en deus tridet gant levenez; ha va c’hig ivez a ziskuizho en esperañs,

Actou an Ebestel 2:39

Rak ar bromesa a zo evidoc’h, evit ho pugale hag evit ar re holl a zo pell, e-keit ha ma c’halvo an Aotrou hon Doue anezho.

Filipiz 4:4

En em laouenait bepred en Aotrou, henn lavarout a ran adarre, en em laouenait.

1 Pêr 1:8

Karout a rit anezhañ hep bezañ e welet, krediñ a rit ennañ hep bezañ e welet c’hoazh, hag en em laouenait gant ul levenez dilavarus ha glorius,

1 Samuel 2:1

Neuze Anna a bedas hag a lavaras: Va c'halon a laouena en AOTROU , va c'horn a zo savet gant an AOTROU , va genoù a zigor a-enep va enebourien, dre ma'z on laouen ez silvidigezh.