Zakaria 10:3 - Bibl Koad 21: Ar Bibl e Brezhoneg evit ar Vretoned

³ Entanet eo va c'hounnar a-enep ar vêsaerien, hag e kastizin ar bouc'hed. Rak AOTROU an armeoù en deus gweladennet e dropell, ti Juda, hag e raio anezho evel e varc'h a enor er brezel.

Zakaria 10:3 Referencias Cruzadas

Levr Job 39:25

Pa glev ar shofar, e lavar: War-raok! A-bell e c’hwesha an emgann, mouezh kreñv ar pennoù hag ar c'harmadeg.

Ermaeziadeg 4:31

Ar bobl a gredas, hag ec'h anavezjont penaos en doa gweladennet an AOTROU mibien Israel ha penaos en doa gwelet o glac'har. Hag e soubljont o fenn hag e stoujont.

Krennlavarioù 21:31

Ar marc'h a zo prest evit deiz an emgann, met dont a ra an dieubidigezh a-berzh an AOTROU.

Kanenn ar C’hanennoù 1:9

Va c'haredig, da lakaat a ran heñvel ouzh va c'hazeg staget ouzh kirri Faraon.

Izaia 10:12

Met p'en devo an AOTROU peurc'hraet e holl oberenn war Venez Sion hag e Jeruzalem, ec'h ensellin frouezh kalon ourgouilhus roue Asiria ha rogentez e zaoulagad otus.

Izaia 24:21

En deiz-se an AOTROU a gastizo arme an nec'h, a zo en nec'h, ha rouaned an douar, a zo war an douar.

Jeremiaz 10:21

Rak ar vêsaerien a zo bet diboell, n'o deus ket klasket an AOTROU, en abeg da-se n'o deus ket graet berzh, hag o holl loened a zo bet stlabezet.

Jeremiaz 11:22

setu perak eta evel-henn e komz an AOTROU: Setu ez an da gastizañ anezho: an dud yaouank a varvo dre ar c'hleze, o mibien hag o merc'hed a varvo dre an naonegezh,

Jeremiaz 25:12

Hag e c'hoarvezo, pa vo sevenet an dek vloaz ha tri-ugent, ma kastizin roue Babilon hag ar vroad-se, eme an AOTROU, en abeg d'o direizhder. Me a gastizo bro ar Galdeiz, hag e rin anezhi ur gouelec'h peurbadus.

Jeremiaz 25:34

Youc'hit, mêsaerien, ha garmit! Torimellit, renerien an tropell! Rak deuet eo an deizioù ma viot lazhet, hag ez an d'ho stlabezañ, hag e kouezhot evel ul lestr prizius.

Jeremiaz 50:6

Va fobl a zo bet evel deñved dianket, o mesaerien o deus kollet anezho, hag o deus graet dezho kantren dre ar menezioù. Aet int eus ur menez d'ur c'hrec'h, hag o deus disoñjet o c'hraou.

Ezekiel 34:11

Evel-henn e komz an Aotrou AOTROU: Setu me amañ! Adc'houlenn a rin va deñved, hag o c'herc'hin.

Ezekiel 34:12

Evel ma klask ar mêsaer e dropell en deiz ma'z emañ e-kreiz e zeñved stlabezet, evel-se e klaskin va deñved, dastum a rin anezho eus an holl lec'hioù ma vint bet strewet en devezh a goumoul hag a deñvalijenn.

Ezekiel 34:2

Mab an den, profediñ a ri a-enep mêsaerien Israel, profediñ a ri hag e lavari d'ar vêsaerien-se: Evel-henn e komz an Aotrou AOTROU: Gwalleur da vêsaerien Israel na beuront nemeto o-unan! Ha ne vefe ket ret d'ar vêsaerien peuriñ an tropell?

Daniel 11:32

Hag e touello ar re a dorr an emglev en ur lubaniñ anezho. Met pobl ar re a anavez o Doue a vo kalonek hag a oberio.

Sofonia 1:8

En deiz aberzh an AOTROU, e kastizin ar briñsed ha mibien ar roue, hag an holl re a wisk dilhad estren.

Sofonia 2:7

Hag e vo an aodoù-mañ evit nemorant ti Juda, eno e peurint. D'an abardaez e tiskuizhint e tiez Askelon, rak an AOTROU o Doue o gweladenno hag a zegaso en-dro o sklaved.

Zakaria 11:17

Gwalleur d'ar mêsaer dizellezek, a zilez an tropell! Ra gouezho ar c'hleze war e vrec'h ha war e lagad dehou! Ra zisec'ho e vrec'h, ha ra vo dall-mik e lagad dehou!

Sant Lucas 1:68

Benniget ra vo an Aotrou, Doue Israel, dre m’en deus gweladennet ha dasprenet e bobl,

1 Pêr 2:12

oc’h en em ren en un doare onest e-touez ar baganed, evit ma teuint da reiñ gloar da Zoue e deiz ar weladenn, o welout hoc’h oberoù mat e-lec’h droukkomz diwar ho penn evel pa vefec’h torfedourien.

Levr Rud 1:6

Hag e savas gant he merc'hed-kaer evit distreiñ eus maezioù Moab, rak klevet he doa e maezioù Moab penaos en doa an AOTROU gweladennet e bobl en ur reiñ dezho bara.