Sofonia 3:16 - Bibl Koad 21: Ar Bibl e Brezhoneg evit ar Vretoned

¹⁶ En deiz-se e vo lavaret e Jeruzalem: Na'z pez ket aon! Sion, arabat da'z taouarn dinerzhañ.

Sofonia 3:16 Referencias Cruzadas

Levr Job 4:3

Setu, kelennet ec'h eus kalz, ha kreñvaet ec'h eus an daouarn dinerzhet.

Izaia 25:9

En deiz-se e vo lavaret: Setu, hon Doue eo, esperet hon eus ennañ, hag e saveteo ac'hanomp. An AOTROU eo, esperet hon eus ennañ, tridomp a levenez ha laouenaomp eus e silvidigezh.

Izaia 40:9

Pign war ur menez uhel, te hag a embann keloù mat da Sion, sav da vouezh gant nerzh, te hag a embann keloù mat da Jeruzalem, sav anezhi, na'z pez ket aon, lavar da gêrioù Juda: Setu ho Toue!

Izaia 41:10

Na'z pez ket aon, rak me a zo ganit, na sellez ket nec'het, rak me eo da Zoue; da nerzhañ a rin, da sikour a rin, da zerc'hel a rin gant dorn dehou va reizhder.

Izaia 44:2

Evel-henn e komz an AOTROU, an hini en deus da graet ha stummet adalek kof da vamm, an hini a zo da sikour: Na'z pez ket aon, o Jakob va servijer, ha Jeshurun am eus dibabet!

Izaia 54:4

Na'z pez ket aon, ne vi ket dismegañset ha ne vi ket mezhekaet, rak ne vi ken displetaet, met ec'h ankounac'hai mezh da yaouankiz, ne'z po ken a soñj eus dismegañs da intañvelezh.

Joel 2:21

Na'z pez ket aon, douar! Trid ha laouena, rak an AOTROU a raio traoù bras.

Zakaria 8:13

Hag evel ma oac'h ur vallozh e-touez ar broadoù, ti Juda hag Israel, evel-se e savetein ac'hanoc'h hag e viot ur vennozh. N'ho pet ket aon, ha ra gennerzho ho taouarn!

Zakaria 8:15

evel-se em eus divizet er c'hontrol, en deizioù-mañ, ober vad da Jeruzalem ha da di Juda. N'ho pet ket aon!

Sant Ian 12:12

An deiz war-lerc’h, ul lod bras a dud deuet evit ar gouel, o klevout e teue Jezuz da Jeruzalem,

2 Korintiz 4:1

Dre-se, o kaout ar ministrerezh-mañ hervez an drugarez a zo bet graet deomp, ne gollomp ket kalon.

Galated 6:9

N’en em skuizhomp ket oc’h ober ar mad, rak e vedimp en amzer dereat, ma n’en em zistardomp ket.

Efeziz 3:13

Dre-se eo e c’houlennan diganeoc’h na gollot ket kalon abalamour d’ar poanioù a c’houzañvan evidoc’h, ar pezh a ra ho kloar.

Hebreed 12:12

Kreñvait eta ho taouarn dinerzhet hag ho taoulin semplaet,

Apocalyps 2:3

Gouzañvet ec’h eus, bet ec’h eus pasianted, labouret ec’h eus evit va anv ha ne’c’h eus ket kollet kalon.