Romaned 9:18 - Bibl Koad 21: Ar Bibl e Brezhoneg evit ar Vretoned

¹⁸ Evel-se eta, e ra trugarez d’an neb a fell dezhañ hag e kaleta an neb a fell dezhañ.

Testamant Nevez 1897 (Jenkins)

¹⁸ Ober a ra eta trugarez d’an neb ma plij dezhan, hag e laka da galedi an neb a fell dezhan.

Romaned 9:18 Referencias Cruzadas

Ermaeziadeg 10:1

An AOTROU a lavaras da Voizez: Kae da gavout Faraon, rak kaletaet em eus e galon ha kalon e servijerien evit lakaat va sinoù en o zouez

Ermaeziadeg 10:20

An AOTROU a galetaas kalon Faraon, ne lezas ket mibien Israel da vont kuit.

Ermaeziadeg 10:27

An AOTROU a galetaas kalon Faraon, ne fellas ket dezhañ o lezel da vont kuit.

Ermaeziadeg 11:10

Moizez hag Aaron a reas an holl virakloù-se dirak Faraon. Hag an AOTROU a galetaas kalon Faraon, ne lezas ket mibien Israel da vont kuit eus e vro.

Ermaeziadeg 14:17

Setu, mont a ran da galetaat kalon an Ejipsianed hag ez aint war ho lerc'h. Hag e vin enoret war-bouez Faraon hag e holl armead, war-bouez e girri hag e varc'hegerien.

Ermaeziadeg 14:4

Hag e kaletain kalon Faraon hag ez aio war o lerc'h, met me a vo enoret war-bouez Faraon ha war-bouez e holl armead; an Ejipsianed a anavezo ez on-me an AOTROU . Hag e rejont evel-se.

Ermaeziadeg 4:21

An AOTROU a lavaras da Voizez: En ur vont en-dro d'an Ejipt, evesha ouzh an holl vurzhudoù am eus lakaet ez torn hag a ri dirak Faraon. Met me a galetaio e galon, ha ne lezo ket ar bobl da vont kuit.

Ermaeziadeg 7:13

Kalon Faraon a galetaas, ne selaouas ket anezho evel m'en doa lavaret an AOTROU .

Ermaeziadeg 7:3

Me a galetaio kalon Faraon hag a gresko va sinoù ha va burzhudoù e bro Ejipt.

Ermaeziadeg 9:12

An AOTROU a galetaas kalon Faraon, n'o selaouas ket evel m'en doa lavaret an AOTROU da Voizez.

Ermaeziadeg 9:7

Faraon a gasas da welout ha setu, ne oa marvet loen ebet eus loened Israel. Met kalon Faraon a galetaas, ne lezas ket ar bobl da vont kuit.

Izaia 63:17

Perak, o AOTROU, ec'h eus lezet ac'hanomp da ziankañ er-maez eus da hentoù? Perak ec'h eus kaletaet hor c'halon a-ziwar da zoujañs? Abalamour da'z servijerien, distro da veuriadoù da hêrezh.

Sant Ian 12:40

Dallet en deus o daoulagad ha kaletaet o c’halon, gant aon na zeufe o daoulagad da welout, o c’halon da gompren, na zistrofent, ha na yac’hafen anezho.

Romaned 11:25

Rak ne fell ket din, breudeur, na oufec’h ket ar mister-mañ, evit na viot ket fur d’ho taoulagad hoc’h-unan, penaos ul lodenn eus Israel a zo kouezhet er galeted betek ma vo holl bobl ar baganed deuet e-barzh;

Efeziz 1:6

da veuleudigezh gloar e c’hras, en deus roet deomp drezi da vezañ degemeret er C’haret-mat.

Adlezenn 2:30

Sihon, roue Hesbon, ne fellas ket dezhañ hol lezel da dremen dre e vro, rak an AOTROU da Zoue en doa kaletaet e spered ha reudet e galon, evit lakaat anezhañ etre da zaouarn, evel m'emañ hiziv.

Jozue 11:20

ha kement-se a zeue a-berzh an AOTROU , en doa kaletaet o c'halon evit mont d'ar brezel a-enep Israel hag evit bezañ lakaet da verz hep ma vije trugarez evito, hag evit ma vefent distrujet evel m'en doa gourc'hemennet an AOTROU da Voizez.