Ozea 13:2 - Bibl Koad 21: Ar Bibl e Brezhoneg evit ar Vretoned

² Ha bremañ e kendalc'hont da bec'hiñ, gant o arc'hant o deus graet skeudennoù teuzet, idoloù hervez o ijin ha n'int nemet labour a vicherourien. Diwar o fenn e lavaront: Ra boko d'al leueoù ar re a aberzh!

Ozea 13:2 Referencias Cruzadas

1 Rouaned 19:18

Met miret em eus seizh mil den en Israel, an holl c'hlinoù n'o deus ket pleget dirak Baal, hag an holl c'henaouioù n'o deus ket poket outañ.

2 Danevelloù 28:13

hag a lavarjont dezho: Ne lakaiot ket ar brizonidi da zont amañ, rak kablus ez omp dirak an AOTROU. Fellout a ra deoc'h c'hoazh lakaat kement-se war hor pec'hedoù hag hor fazioù, pa'z omp dija gwall gablus, hag ez eo kounnar entanet an AOTROU war Israel.

2 Danevelloù 33:23

N'en em izelaas ket dirak an AOTROU evel m'en doa en em izelaet Manase e dad, rak eñ, Amon, en em lakaas kablusoc'h-kablusañ.

Salmoù 2:12

Enorit ar mab, gant aon na zeufe droug ennañ ha na marvfec'h en hoc'h hent, pa entano e gounnar a-greiz-holl. Eürus eo an holl re a laka o fiziañs ennañ!

Izaia 1:5

Perak c'hoazh skeiñ ganeoc'h pa gendalc'hit hoc'h emsavadeg? Ar penn holl a zo klañv, ar galon holl a zo diyac'h.

Izaia 30:1

Gwalleur d'ar vibien disent, eme an AOTROU, ar re a gemer kuzul met n'eo ket diganin, ar re a ra emglevioù met n'eo ket gant va Spered, evit daspugn pec'hed war bec'hed,

Izaia 44:11

Setu ma vo mezhek e holl genlabourerien, rak an oberourien-se n'int nemet tud. Ra en em zastumint ha ra en em ziskouezint holl, spouronet ha mezhekaet e vint holl!

Izaia 45:20

En em zastumit ha deuit, tostait a-unvan, c'hwi hag a zo en em dennet eus ar broadoù. N'anavezont netra ar re a zoug koad o skeudenn gizellet, hag a gas o fedenn d'un doue na savete ket.

Izaia 46:6

Skuilhañ a reont aour eus o yalc'h hag e pouezont arc'hant gant ar valañs, paeañ a reont un orfebour d'ober un doue, hag ec'h azeulont anezhañ hag e stouont dirazañ.

Izaia 46:8

Ho pet soñj eus an traoù-mañ ha bezit gwazed! Degasit anezho da soñj d'ho kalonoù, pec'herien!

Jeremiaz 10:4

kaeraet eo gant arc'hant ha gant aour, staget eo gant tachoù ha morzhol evit na fiñvo ket.

Jeremiaz 10:8

Holl int a-gevret fall ha diboell. Ar c'hoad ne gelenn nemet mogidelloù.

Jeremiaz 8:5

Perak he deus adfeilhet ar bobl-se eus Jeruzalem en un adfeilh padus? Kenderc'hel a reont en douellerezh, dinac'hañ a reont distreiñ.

Ozea 10:1

Israel a zo ur winienn c'houllo a zoug kalz a frouezh evitañ e-unan. Hervez fonnuster e frouezh en deus lieskementet an aoterioù, hervez madelezh e zouar en deus kaeraet e beulioù.

Ozea 10:5

Tud Samaria a vo spouronet abalamour da leueoù Betaven. Rak ar bobl a raio kañv warno, hag o aberzhourien a greno evit o gloar a ya da vont kuit eus o c'hreiz.

Ozea 11:2

Pa'z int bet galvet, ez int aet a-zirak ar re o galve. Aberzhet o deus d'ar Baaloù, lakaet o deus da vogediñ d'ar skeudennoù kizellet.

Ozea 11:6

Ar c'hleze a gouezho war o c'hêrioù, a zistrujo o difennerien hag a lonko anezho, en abeg d'o mennozhioù.

Ozea 14:3

Asiria ne saveteo ket ac'hanomp, ne bignimp ken war gezeg, ne lavarimp ken da labour hon daouarn: Hon doueoù! Rak ennout eo e kav trugarez an emzivad.

Ozea 2:8

N'he deus ket anavezet e oa me a roe dezhi ar gwinizh hag ar gwin hag an eoul, hag a greske dezhi an arc'hant hag an aour, o deus graet ur Baal ganto.

Ozea 4:17

Efraim a zo en em roet d'an idoloù, dilez eñ!

Ozea 8:4

Graet o deus rouaned, met nann eus va ferzh, pennoù, met hep gouzout din. Graet o deus doueoù gant o arc'hant hag o aour, setu perak e vint lamet kuit.

Ozea 8:5

Samaria, da leue en deus da daolet kuit. Va c'hounnar a zo entanet a-enep dezho. Betek pegeit ne c'hellint ket bezañ glanaet?

Ozea 8:6

Rak dont a ra eus Israel. Ur micherour en deus e c'hraet, n'eo ket Doue, setu perak e vo lakaet a-dammoù leue Samaria.

Niveroù 32:14

Ha setu e savit war-lerc'h ho tadoù evel broustennoù tud pec'herien, evit kreskiñ c'hoazh gwrez kounnar an AOTROU a-enep Israel.

Romaned 11:4

Met peseurt respont a reas Doue dezhañ? Miret em eus din seizh mil den n’o deus ket pleget o glin dirak Baal.

Romaned 2:5

Met dre da galeted ha da galon dibened, e tastumez un teñzor a fulor evit deiz fulor ha diskuliadur barnedigezh reizh Doue,

2 Timote 3:13

Met an dud fall hag an douellerien a yelo en ur washaat, o touellañ hag o vezañ touellet.

1 Samuel 10:1

Samuel a gemeras ur vured eoul, a skuilhas war benn Saül, hag e pokas dezhañ, hag e lavaras: An AOTROU , ha n'en deus ket da olevet evit bezañ rener war e hêrezh?