Nehemia 9:19 - Bibl Koad 21: Ar Bibl e Brezhoneg evit ar Vretoned

¹⁹ te, hervez da drugarez vras, ne'c'h eus ket o dilezet er gouelec'h. Ar golonenn a goabrenn ne baouezas ket da vezañ dreisto war an deiz evit o ren dre an hent, hag ar golonenn a dan en noz evit sklêrijennañ an hent a dleent kerzhout warnañ.

Nehemia 9:19 Referencias Cruzadas

Nehemia 9:12

O renet ec'h eus war an deiz dre ur golonenn a goabrenn, hag en noz dre ur ar golonenn a dan, evit sklêrijennañ an hent a dleent kerzhout warnañ.

Nehemia 9:27

Neuze ec'h eus o lakaet etre daouarn o enebourien o deus gwasket anezho. En amzer o enkrez e klemmjont war-zu ennout, hag eus an neñvoù ec'h eus o c'hlevet, ha te, hervez da drugarez vras, ec'h eus roet dezho dieuberien o deus o saveteet diouzh daouarn o enebourien.

Nehemia 9:31

Koulskoude, hervez da drugarez vras, ne'c'h eus ket o c'haset da netra, ha ne'c'h eus ket o dilezet, rak te a zo un Doue trugarezus ha truezus.

Salmoù 106:45

Soñj en deus bet en o c'heñver eus e emglev, hag en deus bet keuz hervez braster e drugarez.

Salmoù 136:16

An hini en deus renet e bobl er gouelec'h, rak e drugarez a bad da viken,

Ermaeziadeg 40:36

A-hed o c'herzhadegoù, pa save ar goabrenn a-ziwar gorre an tabernakl, mibien Israel a yae kuit;

Ermaeziadeg 40:38

Koabrenn an AOTROU a oa war an tabernakl e-pad an deiz, hag an tan a oa e-pad an noz, dirak holl di Israel a-hed o c'herzhadegoù.

Izaia 44:21

O Jakob, o Israel, az pez soñj a gement-mañ! Rak va servijer ez out. Da stummet em eus evit bezañ va servijer, o Israel! Ne vi ket ankounac’haet ganin.

Klemmganoù 3:22

Madelezhioù an AOTROU eo ned omp ket aet da get, e drugarezioù n'int ket echuet.

Ezekiel 20:14

Koulskoude em eus graet abalamour da'm anv, evit na vefe ket disakret dirak daoulagad ar broadoù em boa o zennet dirazo.

Ezekiel 20:17

Met va lagad a espernas anezho evit tremen hep o distrujañ, ha ne'm eus ket o c'haset da netra er gouelec'h.

Ezekiel 20:22

Koulskoude em eus tennet va dorn, ha graet em eus-se abalamour da'm anv, evit na vefe ket disakret dirak daoulagad ar broadoù, em boa o zennet dirak o daoulagad.

Daniel 9:18

Va Doue, ro da skouarn ha selaou, digor da zaoulagad ha sell ouzh hor glac'har hag ouzh ar gêr ma'z eo galvet da anv warni. Rak n'eo ket abalamour d'hor reizhder e kinnigomp hor goulennoù dirak da zremm, met abalamour da'z trugarezioù bras.

Daniel 9:9

D'an Aotrou hon Doue eo an drugarez hag ar pardon, rak ni a zo en em savet a-enep dezhañ.

Malaki 3:6

Dre ma'z on an AOTROU ne gemman ket, abalamour da-se c'hwi, mibien Jakob, n'oc'h ket bet kuzumet.

Niveroù 14:14

hag e lavarint-se da annezidi ar vro-mañ. Klevet o deus lavarout penaos out, o AOTROU, e-kreiz ar bobl-mañ, penaos en em ziskouezez lagad ouzh lagad, o AOTROU, penaos da goabrenn en em zalc'h a-us dezho, penaos e kerzhez a-raok dezho en ur golonenn a goabrenn e-pad an deiz hag en ur golonenn a dan e-pad an noz.

Adlezenn 8:2

Az pez soñj eus an hent en deus lakaet ac'hanout da gerzhout ennañ an AOTROU da Zoue e-pad daou-ugent vloaz er gouelec'h, evit da izelaat ha da amprouiñ, evit gouzout petra a oa ez kalon ha ma virfes e c'hourc'hemennoù.

1 Samuel 12:22

Rak an AOTROU ne zilezo ket e bobl, abalamour d'e anv bras, dre ma fellas d'an AOTROU ober ganeoc'h e bobl.