Nehemia 9:13 - Bibl Koad 21: Ar Bibl e Brezhoneg evit ar Vretoned

¹³ Diskennet ec'h eus war Venez Sinai, ha komzet outo eus an neñv, ha roet dezho barnedigezhioù reizh, lezennoù gwir, reolennoù ha gourc'hemennoù mat.

Nehemia 9:13 Referencias Cruzadas

2 Rouned 17:37

Ar reolennoù, ar barnedigezhioù, al lezenn hag ar gourc'hemennoù en deus skrivet evidoc'h, a virot, hag e reot diouto da viken, ha ne zoujot ket doueoù all.

Ezdra 7:6

an Ezdra-mañ a bignas eus Babilon. Bez' e oa ur skrib desket e lezenn Moizez, en doa roet an AOTROU, Doue Israel. Hag ar roue a roas dezhañ an holl draoù en doa goulennet, dre ma oa dorn an AOTROU e Zoue warnañ.

Salmoù 119:137

Te a zo reizh, o AOTROU, hag eeun ez parnedigezhioù.

Salmoù 119:160

Diazez da gomz eo ar wirionez, ha da varnedigezhioù reizh a zo peurbadus.

Salmoù 119:4

Urzhiet ec'h eus da gemennadurioù, evit ma vint miret gant evezh.

Ermaeziadeg 16:23

Hag eñ a respontas: Kement-se eo en deus lavaret an AOTROU: Warc’hoazh emañ diskuizh ar sabad santelaet evit an AOTROU . Lakait da boazhañ ar pezh hoc'h eus da lakaat da boazhañ, lakait da virviñ ar pezh hoc'h eus da lakaat da virviñ, ha dastumit an nemorant evit e virout betek ar beure.

Ermaeziadeg 19:11

Ra vint prest evit an trede deiz, rak d'an trede deiz an AOTROU a ziskenno dirak daoulagad an holl bobl war Venez Sinai.

Ermaeziadeg 20:1

Neuze Doue a zisklêrias an holl gomzoù-mañ o lavarout:

Ermaeziadeg 20:22

An AOTROU a lavaras da Voizez: Kement-se a lavari da vibien Israel: Gwelet hoc'h eus em eus komzet ouzhoc’h eus an neñvoù.

Izaia 64:1

O! Ma tigorfes an neñvoù ha ma tiskennfes, ar menezioù a vrañsellfe dirazout,

Izaia 64:3

Pa rejout traoù spontus na c'hortozemp ket, te a ziskennas hag ar menezioù a vrañsellas dirazout.

Habakuk 3:3

Dont a ra Doue eus Teman, dont a ra ar Sant eus Menez Paran.  Ehan  E Veurded a c'holo an neñvoù, hag e veuleudi a leugn an douar.

Romaned 7:16

Hogen, mar gran ar pezh na fell ket din, ec’h anavezan ez eo mat al lezenn.

Adlezenn 33:2

Lavarout a reas: An AOTROU a zo deuet eus ar Sinai, hag a zo savet a-us dezho e Seir. Lugernet en deus eus menez Paran, deuet eo gant dekviliadoù santel, eus e zehou e teuas evito ul lezenn entanet.

Adlezenn 4:33

Hag-eñ ez eus bet ur bobl o klevout mouezh Doue o komz a-greiz an tan evel ma ec'h eus klevet, hag a vefe chomet bev?

Adlezenn 4:36

Eus an neñvoù en deus graet dit klevout e vouezh evit da gelenn, war an douar en deus diskouezet dit e dan bras; klevet ec'h eus e gomzoù a-greiz an tan.

Adlezenn 4:8

Ha pehini eo ar vroad vras he defe reolennoù ha barnedigezhioù reizh evel an holl lezennoù-se a lakaan hiziv dirazoc'h?

Adlezenn 5:4

An AOTROU a gomzas ouzhoc'h dremm ouzh dremm war ar menez, a-greiz an tan.