Nehemia 8:12 - Bibl Koad 21: Ar Bibl e Brezhoneg evit ar Vretoned

¹² Hag an holl bobl a yeas da zebriñ ha da evañ, da gas lodennoù, ha da ober ur fest vras, rak komprenet o doa ar c'homzoù a oa roet da anavezout dezho.

Nehemia 8:12 Referencias Cruzadas

1 Danevelloù 29:22

Debriñ hag evañ a rejont en deiz-se dirak an AOTROU gant ul levenez vras. Hag ec'h embannjont roue evit an eil gwech Salomon mab David. E oleviñ a rejont dirak an AOTROU evel rener, ha Zadok evel aberzhour.

Nehemia 8:10

Hag e lavarjont dezho: Kit, debrit kig lart hag evit traoù dous, kasit lodennoù d'ar re n'o deus aozet netra, rak an deiz-mañ a zo santelaet d'hon Aotrou; na vezit ket eta glac'haret, rak levenez an AOTROU eo ho nerzh.

Nehemia 8:11

Hag al Levited a rae tevel an holl bobl o lavarout: Chomit peoc'h, rak an deiz-mañ a zo santel, na vezit ket eta glac'haret.

Nehemia 8:13

D'an eil deiz, pennoù tadoù an holl bobl, an aberzhourien hag al Levited en em zastumas e-kichen Ezdra ar skrib, evit meizañ komzoù al lezenn.

Ester 9:22

evel deizioù m'o doa diskuizhet ar Yuzevien eus o enebourien, hag evel ar miz ma voe kemmet o enkrez e levenez hag o c'hañv e devezh gouel, hag ober anezho devezhioù fest ha levenez, ma kaser profoù an eil d'egile ha ma reer donezonoù d'ar beorien.

Levr Job 23:12

N'on ket pellaet diouzh gourc'hemenn e vuzelloù, miret em eus gerioù e c'henoù muioc'h eget na oa ret.

Salmoù 119:111

Kemeret em eus da destenioù evel un hêrezh peurbadus, rak ez int levenez va c'halon.

Salmoù 119:127

Setu perak e karan da c'hourc'hemennoù, muioc'h eget an aour, muioc'h zoken eget an aour glan.

Salmoù 119:130

Diskuliadur da gomzoù a ro sklêrijenn, reiñ a ra skiant d'ar re zinerzh.

Salmoù 119:14

Laouenaat a ran en hent eus da destenioù, evel ma vefe ganin holl binvidigezhioù.

Salmoù 119:16

Kavout a rin va flijadur ez reolennoù, ha n'ankounac'hain ket da gomzoù.

Salmoù 119:171

Va muzelloù a embanno da veuleudi, pa ez po desket din da reolennoù.

Salmoù 119:174

AOTROU, huanadiñ a ran war-lerc'h da silvidigezh, da lezenn a zo va flijadur.

Salmoù 119:72

Lezenn da c'henoù a zo priziusoc'h din eget milieroù a bezhioù aour hag arc'hant.

Salmoù 119:97

Pegement e karan da lezenn! Komz a ran diwarni a-hed an deiz.

Jeremiaz 15:16

En em gavet eo da gomzoù, hag o debret em eus, ha da gomz a zo evidon joa ha levenez va c'halon. Rak da anv a zo galvet warnon, AOTROU, Doue an armeoù.

Sant Lucas 24:32

Hag e lavarjont an eil d’egile: Hor c’halon ha ne domme ket ennomp, pa gomze ouzhimp en hent ha pa zisklêrie deomp ar Skriturioù?

Romaned 7:18

Rak gouzout a ran penaos ar mad ne chom ket ennon, da lavarout eo em c’hig; c’hoant am eus d’ober ar mad, met ne gavan ket ar galloud d’henn ober.

Apocalyps 11:10

Tud an douar en em laouenaio diwar o fenn hag en em roio d’al levenez, hag e kasint profoù an eil d’egile abalamour m’o devo an daou brofed-se trubuilhet tud an douar.