Nehemia 6:9 - Bibl Koad 21: Ar Bibl e Brezhoneg evit ar Vretoned

⁹ A-dra-sur, int holl a glaske hor spontañ en ur lavarout: O daouarn a skuizho o labourat, en doare na vo ket graet an oberenn. Bremañ eta, kreñva va daouarn!

Nehemia 6:9 Referencias Cruzadas

2 Danevelloù 15:7

C'hwi eta, bezit kreñv, ra ne vo ket dinerzhet ho taouarn, rak ur gopr a vo evit hoc'h oberoù.

2 Danevelloù 32:18

E servijerien a grie a vouezh uhel e yezh yuzevek da bobl Jeruzalem a oa war ar voger, evit ober aon dezho hag o spontañ, e-sell da dapout kêr.

Ezdra 1:6

An holl re a oa en-dro dezho a galonekaas anezho gant traoù arc'hant hag aour, madoù, loened, traoù prizius, en tu-hont d'ar profoù a youl vat.

Nehemia 6:14

O va Doue! Az pez soñj eus Tobija ha Samballad hervez ar pezh o deus graet, hag ivez eus Noadia ar brofedez hag eus ar brofeded all a glaske da'm spontañ.

Salmoù 138:3

En deiz ma em eus da bedet, ec'h eus va selaouet, dieubet ec'h eus ac'hanon ha nerzhet va ene.

Salmoù 56:3

A-hed an deiz e red va enebourien war va lerc'h, rak kalz a ra brezel a-enep din, o Doue uhel-meurbet!

Salmoù 68:35

Roit an nerzh da Zoue! E veurded a zo war Israel hag e nerzh er c'hoabrennoù.

Salmoù 71:1

AOTROU en em dennet on da'z kavout, ra ne vin ket mezhek, biken!

Izaia 40:29

Reiñ a ra nerzh d'an hini a zo skuizh, kreskiñ a ra kreñvder an hini dic'halloud.

Izaia 41:10

Na'z pez ket aon, rak me a zo ganit, na sellez ket nec'het, rak me eo da Zoue; da nerzhañ a rin, da sikour a rin, da zerc'hel a rin gant dorn dehou va reizhder.

Jeremiaz 38:4

Ar pennoù a lavaras d'ar roue: Ra vo lakaet an den-se d'ar marv, digalonekaat a ra an dud a vrezel a van er gêr hag an holl bobl, en ur gomz dezho evel-se. Rak an den-se ne glask ket ar mad met gwalleur ar bobl-mañ.

Ezekiel 30:24

Nerzhekaat a rin divrec'h roue Babilon, hag e lakain va c'hleze en e zorn, met e torrin divrec'h Faraon, a laosko hirvoudoù dirazañ evel un den gloazet d'ar marv.

Zakaria 10:12

O nerzhañ a rin en AOTROU, hag e kerzhint en e anv, eme an AOTROU.

2 Korintiz 12:9

ha lavaret en deus din: Va gras a zo a-walc’h evidout, rak va galloud en em ziskouez en dinerzded. Tennañ a rin gloar eta kentoc’h eus va dinerzhded, evit ma chomo galloud Krist ennon.

Efeziz 3:16

evit ma roio deoc’h, hervez pinvidigezhioù e c’hloar, da vezañ nerzhet gant galloud dre e Spered en den a-ziabarzh,

Efeziz 6:10

A-hend-all, va breudeur, en em greñvait en Aotrou ha dre e nerzh holl c’halloudek.

Filipiz 4:13

Gallout a ran pep tra dre Grist a nerzheka ac’hanon.

Hebreed 12:12

Kreñvait eta ho taouarn dinerzhet hag ho taoulin semplaet,

1 Pêr 5:10

Hag an Doue a bep gras, en deus hor galvet d’e c’hloar peurbadus e Jezuz-Krist, goude ma ho po gouzañvet un nebeudig, ho klokaio, ho kreñvaio, ho nerzho, ho lakaio da vezañ divrall.

1 Samuel 30:6

David a voe en un enkrez bras, rak ar bobl a gomze d'e veinata. Rak an holl bobl o doa an ene leun a c'hwervder, pep hini abalamour d'e vibien ha d'e verc'hed. Met David en em galonekaas en AOTROU e Zoue,