Nehemia 6:6 - Bibl Koad 21: Ar Bibl e Brezhoneg evit ar Vretoned

⁶ ma oa skrivet ennañ: Klevout a ran e-touez ar broadoù, ha Gashmu en lavar ivez, ez oc'h e sell d'en em sevel, te hag ar Yuzevien, hag evit-se eo ec'h adsavit ar voger; hag e vi o roue, hervez ar pezh a lavarer.

Nehemia 6:6 Referencias Cruzadas

Ezdra 4:12

Ra ouezo ar roue ez eo deuet e Jeruzalem ar Yuzevien a zo pignet eus da gichen d'hor c'havout, hag e savont ar gêr disent ha fall-se, hag ec'h adsavont ar mogerioù, hag o deus lakaet an diazezoù.

Ezdra 4:15

Ra vo klasket e levr eñvorioù da dadoù, hag e kavi e levr an eñvorioù, hag e ouezi ez eo ar gêr-se ur gêr disent ha fall ouzh ar rouaned hag ouzh ar proviñsoù, hag a bep amzer eo bet graet enni dispac'hoù; setu perak eo bet ar gêr-se distrujet.

Nehemia 2:19

Met Samballad an Horonad, Tobija ar servijer Ammonad, ha Geshem an Arab, o vezañ klevet-se, a rejont goap ouzhimp hag hon disprizas o lavarout: Petra a rit? En em sevel a rit a-enep ar roue?

Nehemia 6:13

Paeet o doa anezhañ evit lakaat ac'hanon d'ober evel-se dre aon ha da bec'hiñ. Hag o vezañ saotret va anv, o dije gellet va goleiñ a vezh.

Nehemia 6:5

Neuze Samballad a gasas da'm c'havout e servijer, evit lavarout din ar c'homzoù-se ur bempvet gwech, hag en doa en e zorn ul lizher digor,

Nehemia 6:7

Ha zoken ec'h eus lakaet profeded, evit embann ac'hanout e Jeruzalem, o lavarout: Roue eo e Juda! Ha bremañ e vo roet da c'houzout an traoù-se d'ar roue. Deus eta, ma en em guzuilhimp a-gevret.

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Mazhev 5:11

Eürus e viot pa zeuio an dud d’ho tismegañsiñ, d’ho kwallgas ha da lavarout dre c’haou pep seurt droug a-enep deoc’h abalamour din,

Sant Lucas 23:2

Hag en em lakajont d’e damall, o lavarout: Ni hon eus kavet an den-mañ o tromplañ ar vroad, o tifenn paeañ ar gwir da Gezar hag oc’h en em lavarout e-unan Krist, ar roue.

Sant Ian 19:13

Neuze Pilat, o klevout ar gomz-se, a gasas Jezuz er-maez hag a azezas war e gador-varn el lec’h galvet ar Pavez, en hebraeg Gabbata.

Romaned 3:8

Perak ne reomp ket an droug evit m’en em gavfe ar mad a gement-se, evel ma’z eus hiniennoù a dest e lavaromp, en ur zroukkomz ac’hanomp? Kondaonidigezh an dud-se a zo reizh.

2 Korintiz 6:8

e-kreiz ar gloar hag an dismegañs, e-kreiz ar vrud fall hag ar vrud vat, o vezañ kemeret evel tromplerien ha ni gwirion koulskoude,

1 Pêr 3:16

o kaout ur goustiañs vat, evit ma vo mezhekaet er pezh a lavar a-enep deoc’h ar re a zeu da damall ho kundu vat e Krist, evel pa vijec’h torfedourien.