Nehemia 6:11 - Bibl Koad 21: Ar Bibl e Brezhoneg evit ar Vretoned

¹¹ Hag e lavaris: Un den eveldon, ha tec'hout a rafe? Peseurt den eveldon a c'hellfe mont en templ ha bevañ? Ned in ket ennañ.

Nehemia 6:11 Referencias Cruzadas

Nehemia 6:12

Hag ec'h anavezis ne oa ket Doue a gase anezhañ, met en doa lavaret ar brofediezh-se a-enep din, dre ma oa paeet gant Tobija ha Samballad.

Nehemia 6:3

Met e kasis dezho da lavarout: Ober a ran ul labour bras, ha ne c'hellan ket diskenn. Perak e vefe paouezet al labour, e-pad ma en lezfen evit diskenn d'ho kavout?

Nehemia 6:9

A-dra-sur, int holl a glaske hor spontañ en ur lavarout: O daouarn a skuizho o labourat, en doare na vo ket graet an oberenn. Bremañ eta, kreñva va daouarn!

Salmoù 112:6

Ne vo biken brañsellet, eñvor an den reizh a vo peurbadus.

Salmoù 112:8

E galon, harpet mat, n'he devo ket aon, betek ma en devo diskuizhet e sell war e enebourien.

Krennlavarioù 28:1

An hini drouk a dec'h hep ma'z eer den war e lerc'h, met an den reizh en deus fiziañs evel ul leon.

Ar Prezeger 10:1

Ar c'helien marv a vrein hag a laka da verviñ eoul ar fronder; evel-se e ra un nebeud a follentez e-keñver an hini a zo prizet evit e furnez hag e c'hloar.

Izaia 10:18

hag a guzumo e goadeg hag e liorzh frouezhus, ene ha korf. Bez' e vo evel p'en deus ar c'hlañvour ur fallaenn.

Niveroù 3:10

Lakaat a ri en o c'harg Aaron hag e vibien evit ma virint o servij a aberzhourien. Mar tosta un diavaeziad, e vo lakaet d'ar marv.

Actou an Ebestel 20:24

Met n’en em lakaan e poan eus netra ha va buhez n’eo ket prizius din, gant ma peurechuin gant levenez va redadenn hag ar ministrerezh am eus resevet digant an Aotrou Jezuz evit prezeg an Aviel eus gras Doue.

Actou an Ebestel 21:13

Met Paol a respontas: Petra a rit o ouelañ hag o c’hlac’hariñ va c’halon? Rak me a zo prest nann hepken da vezañ ereet, met ivez da vervel e Jeruzalem evit anv an Aotrou Jezuz.

Actou an Ebestel 8:1

Saol a roas e asant d’ar marv-se. Bez’ e voe en deiz-se un heskinadeg vras a-enep Iliz Jeruzalem. Hag e voent holl stlabezet, nemet an ebestel, dre vroioù Judea ha Samaria.

Filipiz 2:17

Ha zoken ma’z on skuilhet war an aberzh hag ar servij eus ho feiz, em eus levenez a gement-se, hag en em laouenaan ganeoc’h holl.

Filipiz 2:30

Rak bet eo tost d’ar marv evit labour Krist, o vezañ risklet e vuhez evit sikour ac’hanon er servij na c’hellec’h ket reiñ din hoc’h-unan.

Hebreed 11:27

Dre ar feiz e kuitaas an Ejipt hep kaout aon rak kounnar ar roue, rak derc’hel a reas start, evel o welout an hini a zo diwelus.

1 Samuel 19:5

Lakaet en deus e vuhez war var ha lazhet ar Filistin, hag an AOTROU en deus graet drezañ un dieubidigezh vras evit holl Israel. Gwelet ec'h eus hag ec'h eus bet levenez. Perak pec'hiñ a-enep ar gwad didamall o lakaat David d'ar marv hep abeg?