Nehemia 4:21 - Bibl Koad 21: Ar Bibl e Brezhoneg evit ar Vretoned

²¹ Evel-se eo e labouremp. An hanter eus an dud a zouge goafioù, adalek gouloù-deiz betek ma en em ziskoueze ar stered.

Nehemia 4:21 Referencias Cruzadas

Nehemia 4:20

E pelec'h bennak ma klevot son ar shofar, eno en em zastumot d'hor c'havout. Hon Doue a stourmo evidomp.

Nehemia 4:22

En amzer-se e lavaris d'ar bobl: Ra dremeno pep hini an noz e Jeruzalem gant e servijer, evel-se da noz e raint ged, ha war an deiz e labourimp.

1 Korintiz 15:10

Met dre c’hras Doue ez on ar pezh ma’z on, hag e c’hras em c’heñver n’eo ket bet difrouezh. Met labouret em eus kalz muioc’h egeto holl, n’eo ket me koulskoude, met gras Doue a zo ganin.

1 Korintiz 15:58

Evel-se, va breudeur karet-mat, bezit start, divrall, o labourat muioc’h-muiañ en oberenn an Aotrou, oc’h anavezout penaos n’eo ket didalvoud ho labour en Aotrou.

Galated 6:9

N’en em skuizhomp ket oc’h ober ar mad, rak e vedimp en amzer dereat, ma n’en em zistardomp ket.

Koloseiz 1:29

Evit-se ivez eo e labouran, o stourm gant skoazell e vertuz a labour ennon gant nerzh.