Nehemia 2:7 - Bibl Koad 21: Ar Bibl e Brezhoneg evit ar Vretoned

⁷ Hag e lavaris d'ar roue: Mar kav mat ar roue, ra vo roet din lizheroù evit gouarnourien an tu all d'ar stêr, evit ma lezint ac'hanon da dremen betek ma'c'h erruin e Juda,

Nehemia 2:7 Referencias Cruzadas

Ezdra 6:6

Bremañ eta, Tatnai gouarnour an tu all d'ar stêr, Shetar-Boznai, hag ho kenseurted Afarsatkiz eus an tu all d'ar stêr, pellait ac'hane,

Ezdra 7:21

Hag eus va ferzh, Artakserksez ar roue, eo roet an urzh-mañ d'an holl deñzorierien a zo en tu all d'ar stêr: Kement a c'houlenno diganeoc'h Ezdra an aberzhour, skrib lezenn Doue an neñvoù, ra vo graet end-eeun,

Ezdra 8:22

Rak mezh am bije bet o c'houlenn soudarded ha marc'hegerien evit hon difenn diouzh hon enebourien e-pad an hent, rak lavaret hor boa d'ar roue: Dorn hon Doue a zo war an holl re a glask anezhañ, met e nerzh hag e gounnar a zo a-enep an holl re a zilez anezhañ.

Ezdra 8:36

Hag e rojont urzhioù ar roue da ofiserien ar roue ha da c'houarnourien an tu-mañ d'ar stêr, a skoazellas ar bobl ha ti Doue.

Nehemia 2:9

Dont a ris eta da gavout ar c'houarnourien a zo en tu all d'ar stêr, hag e rois dezho lizheroù ar roue. Ar roue en doa kaset ganin ofiserien eus an arme ha marc'hegerien.

Nehemia 3:7

En o c'hichen e tresas Melatia ar Gabaoniad, Jadon ar Meronotiad, ha tud Gabaon ha Mizpa, a oa eus palez ar gouarnour eus an tu-mañ d'ar stêr.