Nehemia 13:25 - Bibl Koad 21: Ar Bibl e Brezhoneg evit ar Vretoned

²⁵ Gourdrouz a ris anezho, hag o milligis, hag e skois war hiniennoù, hag e tennis o blev dezho, hag o lakais da douiñ dre Zoue: Na roit ket ho merc'hed d'o mibien, na gemerit ket o merc'hed evit ho mibien nag evidoc'h.

Nehemia 13:25 Referencias Cruzadas

2 Rouned 2:24

O tistreiñ, e welas anezho hag o milligas en anv an AOTROU. Neuze div arzhez a zeuas eus ar c'hoad hag a ziframmas daou-ugent eus ar vugale-se.

Ezdra 10:5

Neuze e savas Ezdra, hag e reas touiñ pennoù an aberzhourien, al Levited hag Israel a-bezh d'ober hervez ar c'homz-se. Hag e toujont.

Ezdra 7:26

An holl re na virint ket lezenn da Zoue ha lezenn ar roue, ra vint barnet diouzhtu, pe d'ar marv pe d'ar forbannerezh pe d'un dell-gastiz war ar madoù pe d'an toull-bac'h.

Nehemia 13:11

Hag e c'hourdrouzis ar pennoù o lavarout: Perak eo dilezet ti Doue? Hag e tastumis al Levited hag ar ganerien, hag o adlakais en o c'hargoù.

Nehemia 13:17

Hag e c'hourdrouzis pennoù Juda o lavarout: Pebezh droug a rit, o tisakrañ evel-se deiz ar sabad?

Nehemia 13:24

O mibien, an hanter anezho, a gomze yezh an Asdodiz ha ne ouient ket komz yezh ar Yuzevien; komz a raent yezh ur bobl pe yezh ur bobl all.

Nehemia 5:13

Hag e hejis va dilhad, hag e lavaris: Ra hejo Doue evel-se eus e di hag eus e labour pep den na raio ket hervez ar gomz-se, ha ra vo evel-se hejet ha goullonderet. Hag ar vodadeg a-bezh a lavaras: Amen! Hag e veuljont an AOTROU. Hag ar bobl a reas hervez ar gomz-se.

Nehemia 5:6

Pa glevis o c'hlemm hag ar c'homzoù-se, e voen kounnaret-meurbet.

Salmoù 119:53

An droug a grog ennon a-enep ar re fall a zilez da lezenn.

Salmoù 15:4

an hini a sell gant fae an den disprizus, an hini a enor ar re a zouj an AOTROU, an hini na cheñch ket e le zoken pa vefe en e c'haou,

Ermaeziadeg 34:16

Ne gemeri eus e verc'hed evit da vibien, gant aon e verc'hed, oc'h en em reiñ d'ar gasterezh gant o doueoù, na lakaint da vibien d'en em reiñ d'ar gasterezh gant o doueoù.

Krennlavarioù 28:4

An dud a zilez al lezenn a veul ar re zrouk, met an dud a vir al lezenn a stourm outo.

Izaia 50:6

Kinniget em eus va c'hein d'ar re a skoe ganin, ha va divjod d'ar re a denne va barv, ne'm eus ket harzet va dremm ouzh an dismegañsoù hag ar c'hrañchadoù.

Adlezenn 6:13

Doujañ a ri an AOTROU da Zoue, hag e serviji anezhañ, hag e toui dre e anv.

Adlezenn 7:3

n'en em unani ket dezho dre zimeziñ, ne roi ket da verc'h d'e vab ha ne gemeri ket e verc'h evit da vab,

Jozue 23:12

Ma en em zistroit ha ma en em stagit ouzh an nemorant eus ar vroadoù-se a zo chomet en ho touez, ma en em unanit dre zimezioù dezho, ma en em veskit ganto hag int ganeoc'h,