Nehemia 13:10 - Bibl Koad 21: Ar Bibl e Brezhoneg evit ar Vretoned

¹⁰ Klevout a ris ivez ne oa ket bet roet d'al Levited o lodennoù, hag e oa tec'het al Levited hag ar ganerien a rae ar servij, pep hini d'e bark.

Nehemia 13:10 Referencias Cruzadas

2 Danevelloù 31:4

Hag e lavaras d'ar bobl, da dud Jeruzalem, reiñ lodenn an aberzhourien hag al Levited, evit mirout lezenn an AOTROU.

Nehemia 10:37

karget e oamp da zegas d'an aberzhourien e kambroù ti hon Doue, tammoù kentañ hon toaz, hor profoù savet, frouezh eus an holl wez, gwin, eoul, hag hor boa da zegas d'al Levited deog hon douar, rak al Levited a gemer an deog diwar an holl gêrioù eus hor gounidigezh.

Nehemia 10:39

Rak mibien Israel ha mibien Levi a zlee degas er c'hambroù ar profoù gwinizh, gwin hag eoul, e-lec'h m'emañ listri ar santual, ha m'en em zalc'h an aberzhourien oc'h ober ar servij, ar borzhierien hag ar ganerien. Evel-se ne zilezfemp ket ti hon Doue.

Nehemia 12:47

Hag an holl Israeliz, en amzer Zorobabel hag en amzer Nehemia, a roe lodennoù ar ganerien ha lodennoù ar borzhierien deiz dre zeiz. Reiñ a raent d'al Levited an traoù santelaet, hag al Levited a roe da vibien Aaron an traoù santelaet.

Izaia 43:23

Ne'c'h eus ket kinniget din oaned da loskaberzhoù, ne'c'h eus ket va enoret gant da aberzhoù, ne'm eus ket trubuilhet ac'hanout evit profoù, ne'm eus ket skuizhet ac'hanout evit ezañs,

Malaki 3:8

An den, ha touellañ a raio Doue? Rak va zouellañ a rit. Hag e lavarit: E petra hon eus da douellet? En deogoù hag er profoù!

Niveroù 35:2

Gourc'hemenn da vibien Israel reiñ d'al Levited, eus an hêrezh a zalc'hint, kêrioù evit chom enno. Reiñ a reot ivez d'al Levited douaroù tro-dro d'ar c'hêrioù-se.

Adlezenn 12:19

Diwall da zilezel al Leviad keit ha ma vevi war an douar.