Nehemia 12:39 - Bibl Koad 21: Ar Bibl e Brezhoneg evit ar Vretoned

³⁹ ha dreist dor Efraim, dreist an nor Gozh, dreist dor ar Pesked ha tour Hananeel ha tour Mea, betek dor an Deñved, evit chom a-sav e-tal dor an Toull-bac'h.

Nehemia 12:39 Referencias Cruzadas

2 Rouned 14:13

Ha Joaz roue Israel a dapas Amazia roue Juda, mab Joaz, mab Joakaz, e Bet-Shemesh. Goude e teuas da Jeruzalem hag e reas un toull-freuz war bevar c'hant ilinad e moger Jeruzalem, adalek dor Efraim betek dor ar C'horn.

Nehemia 12:40

Neuze an daou laz-kanañ a arsavas e ti Doue, ha me ivez, an hanter eus ar pennoù a oa ganin,

Nehemia 3:1

Eliashib an aberzhour-meur a savas gant e vreudeur an aberzhourien, hag ec'h adsavjont dor an Deñved, hag e santelajont anezhi. Lakaat a rejont he stalafioù, hag e santelajont anezhi betek tour Mea ha betek tour Hananeel.

Nehemia 3:25

Ha Palal mab Uzai, dirak ar c'horn hag an tour a zo en baleg eus ti uhel ar Roue, e-kichen porzh an toull-bac'h. War e lerc'h Pedaja mab Parosh.

Nehemia 3:3

Mibien Senaa a adsavas dor ar Pesked; he goleiñ a rejont, hag e lakajont he stalafioù, he morailhoù hag he frennoù.

Nehemia 3:6

Jehojada mab Paseak ha Meshullam mab Besodia a zresas an nor Gozh; he goleiñ a rejont, hag e lakajont he stalafioù, he morailhoù hag he frennoù.

Nehemia 8:16

Neuze ar bobl a yeas er-maez hag a zegasas ar skourroù, hag e rejont logelloù, pep hini war e doenn hag er porzhioù, ha war leurennoù ti Doue, ha war leurenn dor an Doureier, ha war leurenn dor Efraim.

Jeremiaz 31:38

Setu e teu an deizioù, eme an AOTROU, ma vo adsavet kêr d'an AOTROU, adalek tour Hananeel betek dor ar C'horn.

Jeremiaz 32:2

Neuze, arme roue Babilon a sezize Jeruzalem, hag ar profed Jeremiaz a oa dastumet e porzh an toull-bac’h, a oa e ti roue Juda.

Sofonia 1:10

En deiz se, eme an AOTROU, e vo klevet kriadennoù eus dor ar Pesked, yudadennoù eus an eil karter, hag un diskar bras eus ar c'hrec'hiennoù.

Sant Ian 5:2

Bez’ ez eus e Jeruzalem, tost ouzh dor an Deñved, ur stank galvet en hebraeg Betesda hag en deus pemp porched.