Mika 7:1 - Bibl Koad 21: Ar Bibl e Brezhoneg evit ar Vretoned

¹ Gwalleur din, rak ez on evel pa vez dastumet ar frouezh hañv, evel pa vez raspaet goude ar vendem: n'eus ket a vlokadoù da zebriñ, eus ar frouezh kentañ-se a c'hoanta va ene.

Mika 7:1 Referencias Cruzadas

Salmoù 120:5

Gwalleürus on da chom e Meshek, da vezañ e-touez teltennoù Kedar!

Krennlavarioù 20:6

An darn vuiañ eus an dud a veul o madelezh, met piv a gavo un den leal?

Izaia 17:6

Met menel a raio eno un nebeud blokadoù bihan, evel pa hejer ur wezenn-olivez: chom a ra div pe deir olivenn e beg ar skourr uhelañ, ha peder pe bemp war ar brankoù ampletus, eme an AOTROU Doue Israel.

Izaia 24:13

Evel-se eo e-kreiz an douar, e-touez ar pobloù, evel pa vez hejet ar wezenn-olivez, hag evel pa vez raspaet goude ar vendem.

Izaia 24:16

Eus penn pellañ an douar hon eus klevet kanañ: Enor d'an Hini reizh! Met lavaret em eus: Kollet on! Kollet on! Gwalleur din! Ar c'hanazed a ra taolioù-ganas, ar c'hanazed a ra taolioù-ganas e-leizh!

Izaia 28:4

Hag ar bleuñv gweñvet a zo e wiskamant kaerañ hag a zo a-us d'an draonienn strujus, evel ur frouezhenn darev a-raok an hañv, a vo gwelet, ha kerkent ha ma vo en dorn, e vo lonket.

Izaia 6:5

Neuze em eus lavaret: Gwalleur din! Kollet on! Rak un den dic'hlan e vuzelloù ez on, hag emaon o chom e-kreiz ur bobl dic'hlan o muzelloù, ha va daoulagad o deus gwelet ar Roue, AOTROU an armeoù.

Jeremiaz 15:10

Gwalleur din, o va mamm, dre ma ec'h eus va ganet evit bezañ un den a stourm hag un den a dabut d'an holl vro! Ne brestan netra, n'amprestan netra, ha koulskoude pep hini a villig ac'hanon.

Jeremiaz 24:2

Unan eus ar paneroù he doa fiez mat-kenañ, evel ma'z eo fiez an dastum kentañ, hag ar baner all he doa fiez gwall fall, na c'helle ket bezañ debret, ken fall ma oant.

Jeremiaz 4:31

Klevet em eus evel kriadenn ur vaouez er poanioù, evel enkrez ur vaouez en he c'hentañ gwilioud, kriadenn merc'h Sion o huanadiñ, oc'h astenn he daouarn: A! Gwalleur din! Rak va ene a bleg dindan ar vuntrerien.

Jeremiaz 45:3

Lavaret ec'h eus: Gwalleur din! Rak an AOTROU a laka glac'har war va foan. Faezhet on bet o hirvoudiñ, ha ne'm eus ket kavet an diskuizh.

Jeremiaz 5:1

Kit da bourmen dre straedoù Jeruzalem, sellit, eveshait, klaskit war al leurennoù, mar kavit un den, unan hepken, oc'h ober ar reizhder hag o klask ar wirionez, e pardonin dezhi.

Ozea 9:10

Kavet em eus Israel evel rezin er gouelec'h, gwelet em eus ho tadoù evel ar frouezh kentañ eus ur fiezenn en e zeroù, met aet int da gavout Baal-Peor, en em ouestlet int d'un dra euzhus, deuet int da vezañ euzhus evel ar pezh o deus karet.

Niveroù 18:13

Kentañ frouezh o douar, hag a zegasint d'an AOTROU, a vo dit. Piv bennak a vo glan ez ti a zebro diouto.