Mika 3:7 - Bibl Koad 21: Ar Bibl e Brezhoneg evit ar Vretoned

⁷ Ar welerien a vo mezhek, hag an diouganerien a ruzio gant an dismegañs, an holl a c'holoio o barv, rak ne vo respont ebet a-berzh Doue.

Mika 3:7 Referencias Cruzadas

Salmoù 74:9

Ne welomp ken hon arouezioù, n'eus ken a brofed, na den ganeomp hag a oufe betek pegoulz...

Ermaeziadeg 9:11

Ar strobinellerien ne c'helljont ket en em zerc'hel dirak Moizez en abeg d'ar goulioù. Rak ar goulioù a oa war ar strobinellerien evel war an holl Ejipsianed.

Izaia 44:25

Me a ra c'hwitañ arouezioù ar c'haouiaded, me a laka da ziskiantaat an divinourien, me a ra kilañ ar re fur, me a dro o anaoudegezh da follentez,

Jeremiaz 18:18

Hag e lavaront: Deuit, ijinomp a-enep Jeremiaz un irienn, rak al lezenn ne vo ket kollet e ti an aberzhour, nag ar c'huzul e ti ar fur, nag ar gomz e ti ar profed. Deuit, skoomp warnañ gant an teod, ha na reomp van ebet ouzh e holl lavaroù.

Ezekiel 24:17

Hirvoud er sioulded, na zoug ket ar c'hañv evel ma vez graet d'an ordinal d'ar re varv, stag da dulban warnout, laka da votoù ouzh da dreid, na guzh ket da varv, na zebr ket bara ar re all.

Ezekiel 24:22

Neuze e reot evel m'em eus graet, ne guzhot ket ho parv, ne zebrot ket bara ar re all,

Leviegezh 13:45

An den lovr hag a vo gouliet en devo e zilhad roget hag e benn en noazh; goloet e vo e varv hag e krio: Dic’hlan! Dic’hlan!

Amoz 8:11

Setu, an deizioù a zeu, eme an Aotrou AOTROU, ma kasin an naonegezh er vro, ne vo ket naonegezh a vara na sec'hed a zour, met an hini a glevout komzoù an AOTROU.

Mika 3:4

Krial a raint neuze d'an AOTROU, met ne responto ket dezho, kuzhat a raio e zremm outo en amzer-se, dre ma'z eo bet fall o oberoù.

Mika 7:16

Ar broadoù en gwelo ha mezh o devo gant o holl c'halloud. Lakaat a raint o dorn war o genoù, hag o divskouarn a vo bouzar.

Zakaria 13:4

En deiz-se e vo mezhek ar brofeded, pep hini eus e weledigezh, pa ro e brofediezh; ha ne wiskint ken ur vantell a vlev evit lavarout gevier.

1 Samuel 14:37

Saül a c'houlennas kuzul digant Doue: Hag e tiskennin war-lerc'h ar Filistined? O lakaat a ri etre daouarn Israel? Met ne respontas ket dezhañ en deiz-se.

1 Samuel 28:15

Samuel a lavaras da Saül: Perak ec'h eus va zrubuilhet, ouzh va lakaat da bignat? Saül a respontas: Nec'het bras on, rak ar Filistined a ra brezel ouzhin, ha Doue a zo aet diganin ha n'en deus ket respontet din, na dre ar brofeded na dre an huñvreoù. Da c'halvet em eus, evit ma roi din da c'houzout ar pezh am eus d'ober.

1 Samuel 28:6

Saül a c'houlennatas an AOTROU , met an AOTROU ne respontas ket dezhañ na dre huñvreoù na dre an urim na dre ar brofeded.

1 Samuel 9:9

Gwechall en Israel, pa'z aed da c'houlennata Doue, e veze lavaret evel-henn: Deuit, eomp da gavout ar gweler; rak an hini a vez anvet hiziv ar profed a veze anvet gwechall ar gweler.