Mazhev 9:23 - Bibl Koad 21: Ar Bibl e Brezhoneg evit ar Vretoned

²³ Pa voe erruet Jezuz e ti ar penn ha pa welas ar fleüterien hag un toullad dud oc’h ober trouz,

Testamant Nevez 1897 (Jenkins)

²³ Pa oe deuet Jesus e ti ar chef a zinagog, ha pa velaz ar fleüterien hag an dud a rea eun drouz vraz, e lavaraz dezhe:

Aviel revé St. Maheu troeit é Brehonec Guénet 1858

²³ A pe tas Jesus é ty en pentiec, ha ma huélas ino sônnerion ha tud péré e gassé ur saffar blahoahus.

Mazhev 9:23 Referencias Cruzadas

2 Danevelloù 35:25

Jeremiaz a reas ur werz war Jozia, hag an holl ganerien hag an holl ganerezed o deus komzet eus Jozia en o gwerzioù betek hiziv, ha graet o deus a gement-se ur reolenn en Israel. Ha setu, an traoù-se a zo skrivet er gwerzioù.

Jeremiaz 16:6

Ar re vras hag ar re vihan a varvo er vro-mañ, ne vint ket sebeliet, ne vint ket gouelet, den n'en em raio flañch ha den n'en em douzo evito.

Ezekiel 24:17

Hirvoud er sioulded, na zoug ket ar c'hañv evel ma vez graet d'an ordinal d'ar re varv, stag da dulban warnout, laka da votoù ouzh da dreid, na guzh ket da varv, na zebr ket bara ar re all.

Mazhev 11:17

o lavarout: Ni hon eus sonet deoc’h ar fleüt ha n’hoc’h eus ket dañset, ni hon eus kanet deoc’h hirvoudoù ha n’hoc’h eus ket douget kañv.

Sant Lucas 7:32

Heñvel int ouzh bugale azezet war al leurgêr hag a gri an eil d’egile, o lavarout: Ni hon eus sonet deoc’h ar fleüt ha n’hoc’h eus ket dañset, ni hon eus kanet deoc’h hirvoudoù ha n’hoc’h eus ket gouelet.

Actou an Ebestel 20:10

Met Paol a ziskennas, a stouas a-us dezhañ hag, o kemer anezhañ etre e zivrec’h, e lavaras: Na vezit ket nec’het, rak e ene a zo ennañ.

Actou an Ebestel 9:39

Pêr a savas hag a yeas ganto. Pa voe erruet, e tegasjont anezhañ d’ar gambr uhel. An holl intañvezed a dostaas outañ en ur ouelañ hag a ziskouezas dezhañ ar saeoù hag ar mantilli a rae Dorkas pa oa ganto.

Apocalyps 18:22

Sonioù an delennerien, ar vuzikerien, ar fleüterien hag an drompilherien ne vint ken klevet e-barzh da greiz. Micherour ebet a bep seurt micher bennak a c’hell bezañ ne vo kavet ennout. Trouz ar maen-milin ne vo ken klevet ennout.