Mazhev 5:3 - Bibl Koad 21: Ar Bibl e Brezhoneg evit ar Vretoned

³ Eürus ar re baour e spered, rak rouantelezh an neñvoù a zo dezho!

Testamant Nevez 1897 (Jenkins)

³ Eürus ar re baour er spered rag rouantelez an envou a zo dezhe.

Aviel revé St. Maheu troeit é Brehonec Guénet 1858

³ Eurus er ré berr a sperèd, rac Ranteleah en Nean e zou dehai.

Mazhev 5:3 Referencias Cruzadas

2 Danevelloù 33:12

Pa voe en enkrez, e c'halvas an AOTROU e Zoue, hag en em izelaas kalz dirak Doue e dadoù.

2 Danevelloù 33:19

E bedenn, penaos e voe selaouet, e holl bec'hedoù hag e dorfedoù, al lec'hioù m'en deus savet uhellec'hioù, ha lakaet Asheraoù ha skeudennoù kizellet enno, a-raok en em izelaat, kement-se a zo skrivet e komzoù ar welourien.

2 Danevelloù 33:23

N'en em izelaas ket dirak an AOTROU evel m'en doa en em izelaet Manase e dad, rak eñ, Amon, en em lakaas kablusoc'h-kablusañ.

2 Danevelloù 34:27

Dre ma'z eo bet tener da galon, ha ma ec'h eus en em izelaet dirak Doue pa ec'h eus klevet e gomzoù a-enep al lec'h-mañ hag a-enep e dud, dre ma ec'h eus en em izelaet dirazon, ha ma ec'h eus roget da zilhad, ha ma ec'h eus gouelet dirazon, me ivez am eus klevet, eme an AOTROU.

2 Danevelloù 7:14

mar en em izela va fobl, a zo galvet va anv warni, mar pedont ha mar klaskont va dremm, mar distroont eus o hentoù fall, me a selaouo anezho eus an neñvoù, hag e pardonin o fec'hedoù, hag e yac'hain o bro.

Levr Job 42:6

Setu perak em eus euzh ouzhin, hag em eus keuz war ar poultr hag al ludu.

Salmoù 1:1

Eürus an den na gerzh ket hervez ali ar re zrouk, ha n'en em zalc'h ket en hent ar bec'herien, ha n'azez ket war skaon ar c'hoapaerien,

Salmoù 112:1

Meulit an AOTROU! Eürus an den a zouj an AOTROU, hag a gav e blijadur en e c'hourc'hemennoù!

Salmoù 128:1

Kanaouenn ar "Maalod". Eürus an den a zouj an AOTROU, hag a gerzh en e hentoù!

Salmoù 146:5

Eürus an den a zo Doue Jakob e sikourer, hag a zo en gortoz eus an AOTROU e Zoue,

Salmoù 2:12

Enorit ar mab, gant aon na zeufe droug ennañ ha na marvfec'h en hoc'h hent, pa entano e gounnar a-greiz-holl. Eürus eo an holl re a laka o fiziañs ennañ!

Salmoù 34:18

Pa gri ar re reizh, an AOTROU a selaou anezho, hag e tieub anezho eus o holl enkrezioù.

Salmoù 41:1

D'ar mestr-kaner; salm David.

Salmoù 51:17

Aotrou, digor va muzelloù, ha va genoù a embanno da veuleudi.

Salmoù 84:12

rak an AOTROU Doue a zo un heol hag ur skoed, an AOTROU a ro gras ha gloar, ne zinac'h mad ebet d'ar re a gerzh en eeunded.

Krennlavarioù 16:19

Gwelloc'h eo bezañ izel a spered gant ar re vihan, eget lodennañ ar preizh gant ar re lorc'hus.

Krennlavarioù 29:23

Lorc'h an den a izela anezhañ, met an hini a zo izel a spered en devo gloar.

Krennlavarioù 8:32

Bremañ eta, va mibien, selaouit ac'hanon. Eürus ar re a viro va hentoù!

Izaia 30:18

Koulskoude an AOTROU a c'hortoz evit ober trugarez deoc'h, sevel a raio evit kaout truez ouzhoc'h. Rak un Doue reizh eo an AOTROU, eürus eo ar re holl a zo en gortoz anezhañ!

Izaia 57:15

Evel-henn e komz an Uhel-Meurbet, hag a zo o chom er beurbadelezh, hag a zo santel e anv: Emaon o chom en ul lec'h uhel ha santel, hag ivez gant an den glac'haret hag uvel a spered, evit bevaat spered ar re zilorc'h hag evit bevaat kalon ar re c'hlac'haret.

Izaia 61:1

Spered an Aotrou AOTROU a zo warnon, setu perak en deus va olevet an AOTROU evit prezeg ar c'heloù mat d'ar beorien. Kaset en deus ac'hanon evit yac'haat ar re o deus ar galon flastret, evit embann an dieubidigezh d'ar re zalc'het hag ar frankiz d'ar re doullbac'het,

Izaia 66:2

Rak an holl draoù-se, va dorn en deus graet anezho, hag an holl draoù-se a chom drezañ, eme an AOTROU. Met setu an hini a sellin outañ, an hini a zo glac'haret, an hini a zo dinerzh e spered, an hini a gren da'm c'homz.

Mika 6:8

Disklêriet en deus dit, o den, ar pezh a zo mat, hag ar pezh a c'houlenn an AOTROU diganit, nemet ober ar pezh a zo reizh, karout an drugarez, ha kerzhout izelek gant da Zoue.

Mazhev 11:25

En amzer-se Jezuz a gemeras ar gomz hag a lavaras: Da veuliñ a ran, o Tad, Aotrou an neñv hag an douar, ma ec’h eus kuzhet an traoù-mañ ouzh ar re fur hag ouzh ar re skiantek ha ma ec’h eus o diskuliet d’ar vugale!

Mazhev 11:6

Eürus eo an neb na gavo ket a abeg da gouezhañ ennon.

Mazhev 13:16

Eürus eo ho taoulagad abalamour ma welont, hag ho tivskouarn abalamour ma klevont.

Mazhev 19:14

Ha Jezuz a lavaras: Lezit ar vugale vihan ha na zifennit ket outo dont davedon, rak rouantelezh an neñvoù a zo d’ar re a zo heñvel outo.

Mazhev 24:46

Eürus ar mevel-se pa zeuio en-dro e aotrou, mar d-eo kavet gantañ oc’h ober evel-se.

Mazhev 25:34

Neuze ar Roue a lavaro d’ar re a vo a-zehou dezhañ: Deuit, c’hwi hag a zo benniget gant va Zad, bezit perc’henn war ar rouantelezh a zo bet kempennet evidoc’h adalek krouidigezh ar bed.

Mazhev 3:2

o lavarout: Ho pet keuz, rak rouantelezh an neñvoù a zo tost.

Mazhev 8:11

Evel-se e lavaran deoc’h penaos e teuio meur a hini eus ar sav-heol hag eus ar c’huzh-heol hag a vo ouzh taol e rouantelezh an neñvoù gant Abraham, Izaak ha Jakob,

Sant Marc 10:14

Jezuz, o welout-se, a yeas droug ennañ hag a lavaras dezho: Lezit ar vugale vihan da zont davedon ha na zifennit ket outo, rak rouantelezh Doue a zo d’ar re a zo heñvel outo.

Sant Lucas 11:28

Met eñ a lavaras: Nann, eürus eo kentoc’h ar re a selaou ger Doue hag a sent outañ!

Sant Lucas 18:14

Me a lavar deoc’h, hemañ a zistroas reishaet d’e di kentoc’h eget egile. Rak piv bennak en em uhela a vo izelaet, hag an hini en em izela a vo uhelaet.

Sant Lucas 22:29

ha me a c’hrata deoc’h ar rouantelezh, evel ma en deus an Tad grataet din,

Sant Lucas 22:30

evit ma tebrot ha ma’c’h evot ouzh va zaol em rouantelezh. Bez’ e viot azezet war dronioù o varn daouzek meuriad Israel.

Sant Lucas 4:18

Spered an Aotrou a zo warnon, dre-se en deus va olevet da brezeg ar c’heloù mat d’ar beorien. Kaset en deus ac’hanon da yac’haat ar re o deus ar c’halon flastret, da embann an dieubidigezh d’ar re zalc’het ha distro ar gweled d’ar re dall, da gas diere ar re gwasket,

Sant Ian 20:29

Jezuz a lavaras dezhañ: Abalamour ma ec’h eus va gwelet, Tomaz, ec’h eus kredet. Eürus ar re n’o deus ket gwelet hag o deus kredet!

Adlezenn 8:2

Az pez soñj eus an hent en deus lakaet ac'hanout da gerzhout ennañ an AOTROU da Zoue e-pad daou-ugent vloaz er gouelec'h, evit da izelaat ha da amprouiñ, evit gouzout petra a oa ez kalon ha ma virfes e c'hourc'hemennoù.

S. Jakes 1:10

hag an hini pinvidik pa vez izelaet, rak tremen a raio evel bleuñv ar geot.

S. Jakes 1:12

Eürus an den a c’houzañv an temptadur, rak goude bezañ bet amprouet, e resevo ar gurunenn a vuhez en deus an Aotrou prometet d’ar re a gar anezhañ.

S. Jakes 2:5

Selaouit, va breudeur karet-mat, ha Doue n’en deus ket dibabet ar re baour eus ar bed-mañ evit ma vint pinvidik er feiz hag heritourien ar rouantelezh en deus prometet d’ar re a gar anezhañ?

Apocalyps 19:9

Eñ a lavaras din: Skriv: Eürus ar re a zo galvet da bred-eured an Oan. Hag e lavaras din: Ar re-se eo gerioù gwirion Doue.

Apocalyps 22:14

Eürus ar re a vir e c’hourc’hemennoù, evit m’o devo lod er wezenn a vuhez hag e c’hellint mont e-barzh kêr dre an dorojoù.

Apocalyps 3:17

Rak e lavarez: Me a zo pinvidik, en em binvidikaet on ha ne’m eus ezhomm a netra, ha n’anavezez ket out gwalleürus, truezus, paour, dall hag en noazh,