Mazhev 4:3 - Bibl Koad 21: Ar Bibl e Brezhoneg evit ar Vretoned

³ An tempter, o vezañ tostaet outañ, a lavaras dezhañ: Mar d-out Mab Doue, gourc’hemenn d’ar mein-se dont da vezañ bara.

Testamant Nevez 1897 (Jenkins)

³ Hag an tentatour, o veza tosteat outhan, a lavaraz: Mar d’oud Mab Doue, lavar ma teui ar vein‐ze da veza bara.

Aviel revé St. Maheu troeit é Brehonec Guénet 1858

³ Hag en diaul e dostas dehou, én ul laret: Mar d’oh Mab Doué, gourhemennet ma troei er mein‐men de vara.

Mazhev 4:3 Referencias Cruzadas

Ermaeziadeg 16:3

Mibien Israel a lavaras: Perak n'omp ket bet marvet dre zorn an AOTROU e bro Ejipt, pa oamp azezet e-kichen podadoù kig, pa zebremp bara hor gwalc'h? Rak hon degaset hoc'h eus er gouelec'h-mañ evit lakaat da vervel an holl vodadenn-mañ gant an naon.

Mazhev 14:33

Ar re a oa er vag a zeuas hag a azeulas anezhañ, o lavarout: Te eo evit gwir Mab Doue.

Mazhev 16:16

Simon-Pêr a respontas: Te eo ar C’hrist, Mab an Doue bev.

Mazhev 26:63

Met Jezuz a davas. Ar beleg-meur a lavaras dezhañ: Da bediñ a ran sart en anv an Doue bev da lavarout deomp mar d-out ar C’hrist, Mab Doue.

Mazhev 3:17

Ha setu, ur vouezh eus an neñvoù a lavare: Hemañ eo va Mab karet-mat, ennañ em eus lakaet va holl levenez.

Sant Marc 1:1

Penn-kentañ Aviel Jezuz-Krist, Mab Doue.

Sant Marc 3:11

Pa en gwele an speredoù hudur, e taoulinent dirazañ hag e krient: Te eo Mab Doue!

Sant Marc 5:7

hag e lavaras o krial a vouezh uhel: Petra a zo etre te ha me, Jezuz, Mab an Doue Uhel-Meurbet? Da bediñ a ran dre anv Doue, na boagn ket ac’hanon.

Sant Lucas 1:35

An ael a respontas dezhi: Ar Spered-Santel a zeuio warnout ha galloud an Uhel-Meurbet a c’holoio ac’hanout gant e skeud. Dre-se ar bugel santel a vo ganet ac’hanout a vo galvet Mab Doue.

Sant Lucas 22:70

Lavarout a rejont holl: Te eo eta Mab Doue? Hag e respontas dezho: C’hwi henn lavar, rak bez’ ez on.

Sant Lucas 4:3

Neuze an diaoul a lavaras dezhañ: Mar d-out Mab Doue, gourc’hemenn d’ar maen-mañ dont da vezañ bara.

Sant Lucas 4:41

An diaouled ivez a yae er-maez eus kalz a dud, o krial hag o lavarout: Te eo ar C’hrist, Mab Doue. Met eñ o gourdrouzas ha ne lezas ket anezho da gomz, dre ma ouient e oa ar C’hrist.

Sant Lucas 4:9

Kas a reas anezhañ ivez da Jeruzalem, hag e lakaas anezhañ war lein an templ, hag e lavaras dezhañ: Mar dout Mab Doue, en em daol ac’hann d’an traoñ, rak skrivet eo:

Sant Ian 1:34

Hag em eus gwelet, hag em eus roet testeni eo eñ Mab Doue.

Sant Ian 1:49

Natanael a respontas dezhañ: Mestr, te eo Mab Doue, te eo roue Israel.

Sant Ian 20:31

met an traoù-mañ a zo skrivet evit ma kredot penaos Jezuz a zo ar C’hrist, Mab Doue, hag o krediñ ma ho po ar vuhez en e anv.

Sant Ian 9:35

Jezuz a glevas o doa e gaset kuit hag, o vezañ en em gavet gantañ, e lavaras dezhañ: Ha krediñ a rez e Mab Doue?

Actou an Ebestel 9:20

Ha kerkent e prezegas er sinagogennoù ez eo Krist Mab Doue.

2 Korintiz 1:19

Rak Jezuz-Krist, Mab Doue, an hini a zo bet prezeget deoc’h ganeomp, ganin-me, gant Silvan, gant Timote, n’eo ket bet “ya” ha “nann”, met bet eo “ya” ennañ.

Galated 2:20

Kroazstaget on bet asambles gant Krist ha, mar bevan, n’eo ket me ken a vev met Krist eo a vev ennon. Mar bevan c’hoazh er c’hig, e vevan dre ar feiz e Mab Doue en deus va c’haret hag a zo en em roet e-unan evidon.

1 Tesalonikiz 3:5

O vezañ ne c’hellen ket gortoz pelloc’h, em eus da glevout diwar-benn ho feiz, gant aon n’en dije an tempter touellet ac’hanoc’h ha na vije deuet hol labour da vezañ difrouezh.

Hebreed 12:16

ha ra ne vo gastaouer ebet na zisakr ebet evel Ezaü, a werzhas e zroed a vab henañ evit ur meuz.

Hebreed 4:14

Peogwir eta hon eus ur beleg meur en deus treuzet an neñv, Jezuz Mab Doue, dalc’homp start hon anzavadenn a feiz.

Hebreed 7:3

a zo hep tad, hep mamm, hep lignez, hep deroù a zeizioù na ziwezh a vuhez, met a zo rentet heñvel ouzh Mab Doue, a chom beleg da viken.

1 Yann 3:8

An hini a ra ar pec’hed a zo eus an diaoul, rak an diaoul a bec’h adalek ar penn-kentañ. Evit kement-mañ eo en em ziskouezet Mab Doue: evit distrujañ oberoù an diaoul.

Apocalyps 2:10

Na’z pez ket aon rak netra eus an traoù az po da c’houzañv. Setu, an diaoul a ya da deurel hiniennoù ac’hanoc’h er prizon evit ma viot amprouet, hag ho po un trubuilh e-pad dek devezh. Bez feal betek ar marv, hag e roin dit ar gurunenn a vuhez.