Mazhev 28:5 - Bibl Koad 21: Ar Bibl e Brezhoneg evit ar Vretoned

⁵ Met an ael a lavaras d’ar gwragez: Evidoc’h, n’ho pet ket aon, rak gouzout a ran e klaskit Jezuz, an hini a zo bet staget ouzh ar groaz.

Testamant Nevez 1897 (Jenkins)

⁵ Hogen an eal, o komz outhe, a lavaraz d’ar gragez: Evidoc’h‐hu, n’ho pezet ket a aoun, rag gouzoud a ran penaos e klaskit Jesus pehini a zo bet crucifiet.

Aviel revé St. Maheu troeit é Brehonec Guénet 1858

⁵ Mæs en Æl e laras d’er merhèd: n’hou péet quet hui a eun, rac me houér é clasquet Jesus péhani e zou bet staguet arh er groéz.

Mazhev 28:5 Referencias Cruzadas

Izaia 35:4

Lavarit d'ar re nec'het o c'halon: Bezit kadarn, n'ho pet ket aon, setu ho Toue, ar veñjañs a zeuio, daskor Doue; dont a raio e-unan hag e tieubo ac'hanoc'h.

Izaia 41:10

Na'z pez ket aon, rak me a zo ganit, na sellez ket nec'het, rak me eo da Zoue; da nerzhañ a rin, da sikour a rin, da zerc'hel a rin gant dorn dehou va reizhder.

Izaia 41:14

Na'z pez ket aon, preñvig Jakob, nemorant eus Israel, da sikour a rin, eme an AOTROU, Sant Israel eo da zasprener.

Daniel 10:12

Hag e lavaras din: Na'z pez ket aon, Daniel, rak adalek an deiz ma ec'h eus kemeret a galon da gompren ha da nec'hiñ dirak da Zoue, da gomzoù a zo bet selaouet, hag en abeg da'z komzoù ez on deuet.

Daniel 10:19

Hag e lavaras din: Na'z pez ket aon, den karet-mat, ra vo ar peoc'h ganit! Kalon! Kalon! Evel ma komze ouzhin e voen kreñvaet hag e lavaris: Ra gomzo va aotrou, rak va c'hreñvaet ec'h eus.

Mazhev 14:27

Kerkent Jezuz a lavaras dezho: Ho pet fiziañs, me eo, n’ho pet ket aon!

Mazhev 28:10

Neuze Jezuz a lavaras dezho: N’ho pet ket aon, it ha lavarit da’m breudeur mont e Galilea, eno eo e welint ac’hanon.

Mazhev 28:4

Ar warded a grenas gant ar spont dirazañ hag a zeuas evel tud varv.

Sant Marc 16:6

Eñ a lavaras dezho: Na vezit ket spontet, c’hwi a glask Jezuz a Nazared a zo bet staget ouzh ar groaz. Adsavet eo a varv, n’emañ ket amañ, setu al lec’h m’o doa lakaet anezhañ.

Sant Lucas 1:30

An ael a lavaras dezhi: Na’z pez ket aon, Mari, rak kavet ec’h eus trugarez dirak Doue.

Sant Lucas 24:5

Evel ma oant spontet ha ma plegent o fenn war-zu an douar, e lavarjont dezho: Perak e klaskit e-touez ar re varv an hini a zo bev?

Actou an Ebestel 2:24

Doue en deus e adsavet a varv, o vezañ torret ereoù ar marv, dre ma ne oa ket posupl e vije dalc’het gantañ.

Hebreed 1:14

Ha n’int ket holl speredoù o vinistrañ, kaset da seveniñ ur servij e-keñver a re a dle kaout ar silvidigezh da hêrezh?