Mazhev 26:41 - Bibl Koad 21: Ar Bibl e Brezhoneg evit ar Vretoned

⁴¹ Beilhit ha pedit evit na gouezhot ket en temptadur, ar spered a zo buan met ar c’hig a zo dinerzh.

Testamant Nevez 1897 (Jenkins)

⁴¹ Beillit ha pedit, gant aoun ne zeufec’h da gweza en dentation; rag ar spered a zo pront, mes ar c’hig a zo sempl.

Aviel revé St. Maheu troeit é Brehonec Guénet 1858

⁴¹ En n’hum dalhet dihousquet ha pedet eit ne gouéhehèt quet én goal‐chongeu. Rag er sperèd e zou bean, hag er hicg e zou goann.

Mazhev 26:41 Referencias Cruzadas

Salmoù 119:1

Eürus ar re a zo eeun en o hent, a gerzh hervez lezenn an AOTROU!

Salmoù 119:115

Tud drouk, pellait diouzhin, ha me a viro gourc'hemennoù va Doue.

Salmoù 119:117

Va harp hag e vin salvet, hag e vo atav va daoulagad war da reolennoù!

Salmoù 119:32

Redek a rin en hent da c'hourc'hemennoù, pa ez po lakaet va c'halon er frankiz.

Mazhev 24:42

Beilhit eta, rak n’ouzoc’h ket da bet eur e teuio hoc’h Aotrou.

Mazhev 25:13

Beilhit eta, rak n’ouzoc’h nag an deiz nag an eur ma teuio Mab an den.

Mazhev 26:38

Neuze e lavaras dezho: Trist eo va ene betek ar marv, chomit amañ ha beilhit ganin.

Mazhev 6:13

ha n’hon lez ket da gouezhañ en temptadur, met hon diwall diouzh an droug, rak dit eo ar ren, ar galloud hag ar gloar da viken. Amen.

Sant Marc 14:38

Beilhit ha pedit evit na gouezhot ket en temptadur, ar spered a zo buan met ar c’hig a zo dinerzh.

Sant Lucas 11:4

pardon deomp hor pec’hedoù, rak ni a bardon ivez d’ar re holl o deus manket ouzhimp, ha n’hon lez ket da gouezhañ en temptadur, met hon diwall diouzh an droug.

Sant Lucas 21:36

Beilhit eta ha pedit e pep amzer, evit ma viot kavet din da dec’hout diouzh an holl draoù-se a dle c’hoarvezout, ha da badout dirak Mab an den.

Sant Lucas 22:40

Pa voe erruet el lec’h-se, e lavaras dezho: Pedit evit na gouezhot ket en temptadur.

Sant Lucas 22:46

hag e lavaras dezho: Perak e kouskit? Savit ha pedit evit na gouezhot ket en temptadur.

Sant Lucas 8:13

Ar re a zo war al lec’hioù meinek, eo ar re a glev ar ger, e zegemer gant levenez, met n’o deus ket a wrizienn, ne gredont nemet ur pennad ha pa zeu an temptadur, e kouezhont.

Romaned 8:3

Rak ar pezh a oa dibosupl d’al lezenn, abalamour ma oa dinerzh dre ar c’hig, Doue, en ur gas e Vab e-unan en ur c’hig heñvel ouzh hini ar pec’hed, hag en abeg d’ar pec’hed, a gondaonas ar pec’hed er c’hig,

1 Korintiz 10:13

Temptadur ebet n’eo deuet deoc’h ha na vefe ket kumun d’an dud. Met Doue a zo feal ha ne lezo ket ho temptañ en tu all d’ho nerzh ha, gant an temptadur, e tiskouezo ivez an hent da zont er-maez evit ma c’hellot e c’houzañv.

1 Korintiz 16:13

Beilhit, chomit start er feiz, en em renit evel tud, en em greñvait.

1 Korintiz 9:27

Met bloñsañ a ran va c’horf hag e lakaan anezhañ da blegañ din, gant aon na vefen taolet kuit va-unan goude bezañ prezeget d’ar re all.

Galated 5:24

Ar re a zo da Grist o deus kroazstaget ar c’hig gant e youloù drouk hag e c’hoantegezhioù.

Efeziz 6:18

o pediñ e pep amzer dre bep seurt pedennoù hag aspedennoù dre ar Spered, o veilhañ war gement-se gant dalc’husted hag o pediñ evit an holl sent,

1 Pêr 4:7

Diwezh an holl draoù a dosta. Bezit eta fur hag aketus er pedennoù.

1 Pêr 5:8

Bezit poellek, beilhit, rak hoc’h enebour an diaoul a dro war ho tro evel ul leon o yudal, o klask piv a c’hello lonkañ.

2 Pêr 2:9

an Aotrou a oar mirout eus an amprouenn ar re a zouj anezhañ ha derc’hel ar re zireizh da vezañ kastizet da zeiz ar varn,

Apocalyps 16:15

Setu, e teuan evel ul laer. Eürus an hini a veilh hag a ziwall e zilhad, evit na gerzho ket en noazh ha na vo ket gwelet e vezh.

Apocalyps 3:10

Abalamour ma ec’h eus miret ger va dalc’husted, me va-unan a viro ac’hanout en eur an temptadur a dle dont war ar bed holl evit amprouiñ ar re a chom war an douar.