Mazhev 21:19 - Bibl Koad 21: Ar Bibl e Brezhoneg evit ar Vretoned

¹⁹ O welout ur wezenn-fiez war an hent, e tostaas outi, met ne gavas enni nemet delioù, hag e lavaras dezhi: Ra ne zeuio biken frouezh ac’hanout! Raktal ar wezenn-fiez a sec’has.

Testamant Nevez 1897 (Jenkins)

¹⁹ hag o velet eur vezen‐fiez var an hent, e tostaaz outhi, mes ne gavaz netra enhi nemed deliou hep‐ken, hag e lavaraz dezhi: Ra na zeui biken frouezen e‐bed ouzid; ha rag‐tal ar vezen‐fiez a zec’haz.

Aviel revé St. Maheu troeit é Brehonec Guénet 1858

¹⁹ Hag e huélas ur figuézen arh é hent, hag e tostas dehou, ha ne gavas nitra arh‐n‐hi, meid deliàu hemp quin, hag ean e laras d’é zisciplèd: Re zei birhuiquin fréh ebed arh‐anoh, ha quentéh er figuézen e séhas.

Mazhev 21:19 Referencias Cruzadas

Izaia 5:2

He difontañ a reas, hag e lamas kuit ar vein, hag e plantas skodoù-gwini a-zibab, hag e savas un tour en he c'hreiz, hag e kleuzias enni ur veol. Gortoz a rae e rofe rezin, met blokadoù gouez a roas.

Jeremiaz 8:13

Me o lamo kuit holl, eme an AOTROU, n'eus rezinenn ebet er winienn, n'eus fiezenn ebet er wezenn-fiez, an delienn a zo gweñvet, ar pezh am eus roet dezho a vo lamet diganto.

Mazhev 21:20

An diskibien a welas kement-se hag a voe souezhet, o lavarout: Penaos eo deuet ar wezenn-fiez-se da vezañ sec’h raktal?

Sant Marc 11:14

Neuze Jezuz, o kemer ar gomz, a lavaras dezhañ: Ra ne zebro biken den eus da frouezh. Hag e ziskibien a glevas kement-se.

Sant Marc 11:20

Diouzh ar beure, evel ma tremenent, e weljont ar wezenn-fiez sec’het betek ar gwrizioù.

Sant Lucas 3:9

Ar vouc’hal a zo a-vremañ lakaet ouzh gwrizioù ar gwez. Pep gwezenn eta na ro ket frouezh mat, a ya da vezañ troc’het ha taolet en tan.

Sant Ian 15:2

Lemel a ra kuit kement brank ennon na zoug ket a frouezh hag e tivarr kement brank a zoug frouezh, evit ma tougo c’hoazh muioc’h a frouezh.

Sant Ian 15:6

Ma ne chom ket unan bennak ennon, taolet eo er-maez evel ar brank hag e sec’h. Neuze e tastumer anezho, o zaoler en tan hag e tevont.

2 Timote 3:5

o devo an diavaez a zoujañs-Doue met o devo dinac’het ar pezh a ra he nerzh. En em bella diouzh an dud-se.

Titus 1:16

Disklêriañ a reont anavezout Doue, met e zinac’h a reont dre o oberoù, o vezañ euzhus, disent, didalvez e-keñver pep ober mat.

S. Jud 1:12

Sklosennoù int en ho predoù a garantez pa zebront ganeoc’h oc’h en em vagañ o-unan hep dalc’hidigezh ebet. Int a zo koabrennoù hep dour kaset amañ hag ahont gant an avelioù, gwez difrouezh e dilerc’h an diskar-amzer marv div wech ha diwriziennet,

Apocalyps 22:11

An hini a zo direizh ra vo direizh c’hoazh, an hini a zo hudur ra en em huduraio c’hoazh, an hini a zo reizh ra vo reizh c’hoazh, an hini a zo santel ra en em santelaio c’hoazh.