Mazhev 19:9 - Bibl Koad 21: Ar Bibl e Brezhoneg evit ar Vretoned

⁹ Met me a lavar deoc’h penaos piv bennak a gas kuit e wreg, nemet evit difealded, hag a zimez da unan all, a ra avoultriezh, hag an hini a zimez d’ur wreg a zo bet kaset kuit, a ra avoultriezh.

Testamant Nevez 1897 (Jenkins)

⁹ Mes me a lavar deoc’h penaos piou‐benag a gasso kuit he vreg, nemed evit avoultriach a vez, hag a zimezo da eun all, a ra avoultriach; ha piou‐benag a zimezo da eur vreg kasset kuit, a ra ive avoultriach.

Aviel revé St. Maheu troeit é Brehonec Guénet 1858

⁹ Eid on mé, m’el lare d’oh: Pihue‐benac e lausq é voés, nameit ha ean vehé dré en arben ma hé dès péhed gued unan benac, hag e zimé gued un arall, e zou un avoultr; hag en hani e zimé d’ur voés distaguet él‐cé doh hé frièd e zou ehué un avoultr.

Mazhev 19:9 Referencias Cruzadas

Geneliezh 20:3

Met Doue a zeuas da gavout Abimelek en noz dre un huñvre hag a lavaras: Setu, te a zo marv abalamour d'ar wreg ac'h eus kemeret, rak ur pried he deus.

2 Danevelloù 21:11

Ober a reas ivez uhellec'hioù war menezioù Juda, hag e lakaas tud Jeruzalem da c'hastaouiñ, hag e vountas ivez re Juda da gement-se.

Jeremiaz 3:1

Lavaret eo: Mar kas un den e wreg kuit, hag o vezañ aet digantañ, ma teu houmañ da vezañ d'ur gwaz all, hag e tistroio c'hoazh d'he c'havout? Ha ne vefe ket e gwirionez saotret ar vro? Ha te ac'h eus gastaouet gant meur a amourouz; koulskoude, distro ouzhin, eme an AOTROU.

Jeremiaz 3:8

Hag em eus gwelet penaos, petra bennak ma em eus kaset kuit Israel an adfeilherez en abeg d'hec'h avoultriezh, ha ma em eus roet dezhi he skrid a dorr-dimeziñ, Juda ar c'hanazez n'he deus ket bet aon, hag eo en em roet d'ar gasterezh hi ivez.

Ezekiel 16:15

Met fiziet ec'h eus en da gaerded ha gastaouet en abeg da'z anv, ha koufonet ec'h eus da c'hastaouerezh da bep tremeniad oc'h en em reiñ dezhañ.

Ezekiel 16:29

Liesaet ec'h eus da c’hastaouerezh e bro Ganaan, betek Kaldea, ha ne'c'h eus ket bet da walc'h c'hoazh.

Ezekiel 16:8

Evel ma tremenen en da gichen, e welis ac'hanout, ha setu, da oad a oa an oad da zimeziñ. Hag ec'h astennis warnout pleg va mantell, hag e c'holois da noazhder. Hag e touis dit, hag e ris un emglev ganit, eme an Aotrou AOTROU, ha din e oas.

Mazhev 19:10

E ziskibien a lavaras dezhañ: Mar d-eo evel-se doare an den gant e wreg, n’eo ket talvoudus dimeziñ.

Mazhev 19:8

Jezuz a respontas dezho: Abalamour da galeter ho kalon eo en deus Moizez roet galloud deoc’h da gas kuit ho kwragez, met er penn-kentañ ne oa ket evel-se.

Mazhev 5:32

Met me a lavar deoc’h penaos piv bennak a gas kuit e wreg, nemet evit difealded, a laka anezhi da vezañ avoultrerez, ha piv bennak a zimez d’ur wreg a zo bet kaset kuit, a ra avoultriezh.

Sant Lucas 16:18

Piv bennak a gas kuit e wreg hag a zimez da unan all, a ra avoultriezh, ha piv bennak a zimez d’ur wreg a zo bet kaset kuit gant hec’h ozhac’h, a ra avoultriezh.

1 Korintiz 5:1

Klevout a reer lavarout a bep tu ez eus en ho touez gadaliezh, hag ur c’hadaliezh ken bras ma n’eo ket anvet zoken e-touez ar baganed. Evel-se unan ac’hanoc’h en deus kemeret gwreg e dad.

1 Korintiz 7:39

Ur wreg a zo ereet dre al lezenn e-pad ma’z emañ hec’h ozhac’h o vevañ. Met ma varv hec’h ozhac’h, frank eo da zimeziñ gant an neb a fell dezhi, nemet ra vo en Aotrou.

1 Korintiz 7:4

Ar wreg n’eo ket mestr war he c’horf hec’h-unan, met an ozhac’h eo. En hevelep doare ivez an ozhac’h n’eo ket mestr war e gorf e-unan, met ar wreg eo.