Mazhev 19:16 - Bibl Koad 21: Ar Bibl e Brezhoneg evit ar Vretoned

¹⁶ Setu, un den a dostaas outañ hag a lavaras: Mestr mat, peseurt mad a dlean d’ober evit kaout ar vuhez peurbadus?

Testamant Nevez 1897 (Jenkins)

¹⁶ Ha setu ma teuaz unan hag a lavaraz dezhan: Mestr mad, petra a dlean‐me da ober a vad evit kaoud ar vuez eternel?

Aviel revé St. Maheu troeit é Brehonec Guénet 1858

¹⁶ Unan ag er ré e oé ino, e dostas tehou hag e houlennas guet‐hou: Eutru Mad, petra e zelian mé gober eid en dout er vuhé padus de virhuiquin?

Mazhev 19:16 Referencias Cruzadas

Daniel 12:2

Ha kalz eus ar re a zo o kousket e poultr an douar a zihuno, darn evit ar vuhez peurbadus, ha darn evit an dismegañs hag ar vezh peurbadus.

Mazhev 19:15

Lakaat a reas e zaouarn warno hag ez eas kuit ac’hano.

Mazhev 19:26

Jezuz, o sellout outo, a lavaras: Dibosupl eo d’an dud, met pep tra a zo posupl da Zoue.

Mazhev 19:29

Ha piv bennak en devo kuitaet tiez, pe breudeur, pe c’hoarezed, pe tad, pe mamm, pe gwreg, pe bugale, pe douaroù, abalamour da’m anv, a resevo kant kemend all hag en devo ar vuhez peurbadus da hêrezh.

Mazhev 25:46

Hag ar re-mañ a yelo er c’hastiz peurbadus, met ar re reizh er vuhez peurbadus.

Sant Ian 10:28

Me a ro dezho ar vuhez peurbadus. Biken ne vint kollet ha den n’o lamo eus va dorn.

Sant Ian 12:25

An hini a gar e vuhez he c’hollo, hag an hini a gasa e vuhez er bed-mañ he miro evit ar vuhez peurbadus.

Sant Ian 3:15

evit na vo ket kollet piv bennak a gred ennañ, met m’en devo ar vuhez peurbadus.

Sant Ian 4:14

met an hini a evo eus an dour a roin dezhañ n’en devo biken mui sec’hed, hag an dour a roin dezhañ a zeuio ennañ ur vammenn-dour a strinko evit ar vuhez peurbadus.

Sant Ian 5:39

Furchal a rit ar Skriturioù, rak enno e kredit kaout ar vuhez peurbadus, hag int eo ar re a ro testeni ac’hanon.

Sant Ian 6:47

E gwirionez, e gwirionez, ma a lavar deoc’h, an hini a gred ennon en deus ar vuhez peurbadus.

Sant Ian 6:68

Simon-Pêr a respontas dezhañ: Aotrou, da biv ez afemp? Te ac’h eus gerioù ar vuhez peurbadus,

Actou an Ebestel 16:30

Hag, o tegas anezho er-maez, e lavaras: Aotrounez, petra eo ret din d’ober evit bezañ salvet?

Romaned 2:7

ar vuhez peurbadus d’ar re a gendalc’h en oberoù mat, a glask ar gloar, an enor hag an divreinadurezh,

Romaned 5:21

hag, evel m’en deus ar pec’hed renet er marv, e reno ar c’hras ivez dre ar reizhder evit reiñ ar vuhez peurbadus dre Jezuz-Krist hon Aotrou.

1 Timote 1:16

Hag abalamour da gement-mañ eo em eus kavet trugarez: evit ma tiskouezfe Jezuz-Krist da gentañ ennon e hirbasianted, hag evit servijout da skouer d’ar re a gredo ennañ evit ar vuhez peurbadus.

1 Timote 6:12

Stourm ar stourm mat eus ar feiz, krog er vuhez peurbadus ez out bet galvet dezhi, hag ec’h eus graet eviti un anzavadenn gaer dirak kalz a destoù.

1 Timote 6:19

ha ma tastumint evel-se evit an amzer da zont un teñzor lec’hiet war un diazez start evit kaout ar vuhez peurbadus.

Titus 1:2

en esperañs ar vuhez peurbadus he deus Doue prometet a-raok an amzerioù peurbadus, eñ ha ne c’hell ket gaouiadiñ,

Titus 3:7

evit, o vezañ reishaet dre e c’hras, ma vijemp heritourien hervez esperañs ar vuhez peurbadus.

1 Yann 1:2

rak ar vuhez a zo en em ziskouezet, hag hon eus he gwelet hag e roomp testeni anezhi, hag e prezegomp deoc’h ar vuhez peurbadus a oa e-kichen an Tad hag a zo en em ziskouezet deomp,

1 Yann 2:25

Kement-mañ eo ar bromesa en deus graet deomp: ar vuhez peurbadus.

1 Yann 5:20

Ha gouzout a reomp ez eo deuet Mab Doue, en deus roet deomp skiant evit anavezout an Hini gwirion, hag emaomp en Hini gwirion-se, en e Vab Jezuz-Krist. Eñ eo an Doue gwirion hag ar vuhez peurbadus.

S. Jud 1:21

en em zalc’hit e karantez Doue, o c’hortoz trugarez hon Aotrou Jezuz-Krist evit ar vuhez peurbadus.