Mazhev 18:25 - Bibl Koad 21: Ar Bibl e Brezhoneg evit ar Vretoned

²⁵ Dre ma n’en doa ket peadra da baeañ, e vestr a roas urzh d’e werzhañ, eñ, e wreg, e vugale ha kement en doa, evit paeañ e zle.

Testamant Nevez 1897 (Jenkins)

²⁵ mes dre n’hen doa ket peadra da baea, he aotrou a c’hourc’hemenaz hen gwerza, hen, he vreg, he vugale, ha kement hen doa, evit paea he c’hle.

Aviel revé St. Maheu troeit é Brehonec Guénet 1858

²⁵ Hag el n’en doé quet er péh a dra d’ou faiein, er roué é hourhemennas er gùerhein, ean, é voés, é vugalé, hag ol er péh en doé, eid zisteurel é zélé.

Mazhev 18:25 Referencias Cruzadas

2 Rouned 4:1

Un intañvez, a-douez gwragez mibien ar brofeded, a grias da Elizea o lavarout: Da servijer va gwaz a zo marv, ha gouzout a rez penaos e touje da servijer an AOTROU. Hag ar c'hredour a zo deuet da gemer va daou vugel, evit ma vint sklaved.

Nehemia 5:5

Ha koulskoude hor c'hig a zo evel kig hor breudeur, hag hor mibien evel o mibien. Ha setu e lakaomp hor mibien hag hor merc'hed da vezañ sklaved, ha dija darn eus hor merc'hed a zo sujet, hag ez omp dic'halloud, rak hor parkeier hag hor gwini a zo da dud all.

Nehemia 5:8

Hag e lavaris dezho: Dasprenet hon eus, hervez hor galloud, hor breudeur Yuzev a oa bet gwerzhet d'ar broadoù, ha c'hwi a werzhfe hoc'h-unan ho preudeur? Ha deomp-ni e vefent gwerzhet? Hag e tavjont, ne ouezjont mui petra lavarout.

Ermaeziadeg 21:2

Mar prenez ur sklav hebreat, e servijo ac'hanout c'hwec'h vloaz, met d'ar seizhvet ez aio kuit frank hep reiñ netra.

Ermaeziadeg 22:3

mard oa savet an heol warnañ, kablus e vo a vuntrerezh. Al laer a zaskoro eta, ma n'en deus ket a beadra, e vo gwerzhet evit e laeroñsi.

Izaia 50:1

Evel-henn e komz an AOTROU: Pelec'h emañ ar skrid a dorr-dimeziñ eus ho mamm, am eus kaset kuit anezhi drezañ? Piv eo an hini eus va c'hredourien am eus gwerzhet ac'hanoc'h dezhañ? Setu, en abeg d'ho pec'hedoù ez oc'h bet gwerzhet, en abeg d'ho mankoù eo bet kaset kuit ho mamm.

Leviegezh 25:39

Mar deu da vreur da vezañ paour en da gichen hag en em werzh dit, ne lakai ket anezhañ da labourat evel ur sklavour.

Mazhev 18:24

P’en em lakaas da gontañ, e voe degaset dezhañ unan a dlee dek mil talant.

Sant Lucas 7:42

Evel n’o doa ket peadra da baeañ, e tiskargas anezho o-daou eus o dle. Lavar din eta pehini anezho en karo ar muiañ?