Mazhev 16:16 - Bibl Koad 21: Ar Bibl e Brezhoneg evit ar Vretoned

¹⁶ Simon-Pêr a respontas: Te eo ar C’hrist, Mab an Doue bev.

Testamant Nevez 1897 (Jenkins)

¹⁶ Simon Per a respontaz hag a lavaraz: Te eo ar C’hrist, Mab an Doue beo.

Aviel revé St. Maheu troeit é Brehonec Guénet 1858

¹⁶ Simon Pierre e laras quentéh: Hui e zou er Hrouist, Mab en Doué bihue.

Mazhev 16:16 Referencias Cruzadas

Salmoù 2:7

Embann a rin an dekred: An AOTROU en deus lavaret din: Te eo va Mab, hiziv em eus da c'hanet.

Salmoù 42:2

Evel ma hirvoud an heizez etrezek an doureier-red, evel-se, o va Doue, e hirvoud va ene davedout!

Daniel 6:26

Eus va ferzh ez eo roet an urzh-mañ: E-barzh va holl rouantelezh, ra vo doujañs ha spont e-keñver Doue Daniel, rak an Doue bev eo, hag e chom da virviken, hag e rouantelezh ne vo ket distrujet, hag e ren a bado betek an diwezh.

Mazhev 1:16

Jakob a voe tad da Jozef, pried Mari, eo bet ganet anezhi Jezuz, galvet Krist.

Mazhev 14:33

Ar re a oa er vag a zeuas hag a azeulas anezhañ, o lavarout: Te eo evit gwir Mab Doue.

Mazhev 16:15

Eñ a lavaras dezho: Ha c’hwi, piv a lavarit ez on?

Mazhev 26:63

Met Jezuz a davas. Ar beleg-meur a lavaras dezhañ: Da bediñ a ran sart en anv an Doue bev da lavarout deomp mar d-out ar C’hrist, Mab Doue.

Mazhev 27:54

Neuze ar c’hantener hag ar re a oa gantañ da ziwall Jezuz, o welout ar c’hren-douar ha kement a oa c’hoarvezet, a voe spontet bras hag a lavaras: E gwirionez, hemañ a oa Mab Doue.

Mazhev 4:3

An tempter, o vezañ tostaet outañ, a lavaras dezhañ: Mar d-out Mab Doue, gourc’hemenn d’ar mein-se dont da vezañ bara.

Sant Marc 14:61

Met e tavas ha ne respontas netra. Ar beleg-meur a reas c’hoazh outañ ar goulenn-mañ: Bez’ out-te ar C’hrist, Mab an Hini a zo benniget?

Sant Lucas 2:11

Rak ganet eo bet hiziv deoc’h e kêr David ur Salver, ar C’hrist hag an Aotrou eo.

Sant Ian 1:49

Natanael a respontas dezhañ: Mestr, te eo Mab Doue, te eo roue Israel.

Sant Ian 11:27

Hi a lavaras dezhañ: Ya Aotrou, me a gred ez out ar C’hrist, Mab Doue a dlee dont er bed.

Sant Ian 20:31

met an traoù-mañ a zo skrivet evit ma kredot penaos Jezuz a zo ar C’hrist, Mab Doue, hag o krediñ ma ho po ar vuhez en e anv.

Sant Ian 6:57

Evel m’en deus an Tad hag a zo bev kaset ac’hanon ha ma vevan dre an Tad, evel-se an hini a zebr ac’hanon a vevo drezon.

Sant Ian 6:68

Simon-Pêr a respontas dezhañ: Aotrou, da biv ez afemp? Te ac’h eus gerioù ar vuhez peurbadus,

Sant Ian 6:69

ha ni hon eus kredet hag hon eus anavezet ez out ar C’hrist, Mab an Doue bev.

Actou an Ebestel 14:15

O tud, perak e rit kement-se? N’omp nemet tud dalc’het d’an hevelep poanioù eveldoc’h. Prezeg a reomp deoc’h an Aviel evit ma tistroot eus an traoù didalvez-se ha m’en em droot war-zu an Doue bev, an hini en deus graet an neñv, an douar, ar mor hag an holl draoù a zo enno.

Actou an Ebestel 8:36

Evel ma’z aent dre an hent, ec’h errujont e-lec’h ma oa dour, hag an eunuk a lavaras: Setu dour, petra a vir na vefen badezet?

Actou an Ebestel 8:37

Filip a lavaras: Mar kredez eus da holl galon, e c’hell bezañ graet. Eñ a respontas: Krediñ a ran ez eo Jezuz-Krist Mab Doue.

Actou an Ebestel 9:20

Ha kerkent e prezegas er sinagogennoù ez eo Krist Mab Doue.

Romaned 1:4

disklêriet Mab Doue gant galloud hervez ar Spered a santelezh dre e adsavidigezh a-douez ar re varv, Jezuz-Krist hon Aotrou,

2 Korintiz 1:19

Rak Jezuz-Krist, Mab Doue, an hini a zo bet prezeget deoc’h ganeomp, ganin-me, gant Silvan, gant Timote, n’eo ket bet “ya” ha “nann”, met bet eo “ya” ennañ.

2 Korintiz 3:3

Anat mat eo penaos ez oc’h ul lizher eus Krist, ministret ganeomp, skrivet nann gant liv met gant Spered an Doue bev, nann war daolennoù maen met war daolennoù kig, war re ar galon.

2 Korintiz 6:16

Peseurt unvaniezh a zo etre templ Doue hag an idoloù? Rak c’hwi eo templ an Doue bev, evel m’en deus Doue lavaret: Chom a rin enno, hag e kerzhin en o zouez, me a vo o Doue hag int a vo va fobl.

Adlezenn 5:26

Piv eo an den hag en defe klevet mouezh an Doue bev o komz a-greiz an tan, hag a vefe chomet bev?

1 Tesalonikiz 1:9

Rak int a lavar o-unan pebezh degemer hon eus bet diganeoc’h ha penaos hoc’h eus en em zistroet diouzh an idoloù da Zoue, evit servijañ an Doue bev ha gwirion,

1 Timote 3:15

hag evit ma ouezi, mar dalean, penaos eo ret en em ren e ti Doue, a zo Iliz an Doue bev, kolonenn ha sol ar wirionez.

1 Timote 4:10

Gouzañv a reomp, a dra sur, kement a labourioù ha kement a zismegañs abalamour ma’c’h esperomp en Doue bev, an hini eo Salver an holl dud, dreist-holl ar gredourien.

Hebreed 10:31

Un dra euzhus eo kouezhañ etre daouarn an Doue bev.

Hebreed 12:22

C’hwi avat hoc’h eus tostaet ouzh Menez Sion, ouzh kêr an Doue bev, ouzh ar Jeruzalem neñvel, ouzh dekviliadoù a aeled,

Hebreed 3:12

Breudeur, diwallit n’en defe unan bennak ac’hanoc’h ur galon fall ha diskredik, hag na drofe kein d’an Doue bev.

Hebreed 9:14

pegement muioc’h gwad Krist, hag a zo dre ar Spered peurbadus en em ginniget e-unan dinamm da Zoue, a c’hlanaio ho koustiañs eus an oberoù marv, evit ma servijot an Doue bev.

1 Yann 4:15

Piv bennak a anzav ez eo Jezuz Mab Doue, Doue a chom ennañ, hag eñ e Doue.

1 Yann 5:20

Ha gouzout a reomp ez eo deuet Mab Doue, en deus roet deomp skiant evit anavezout an Hini gwirion, hag emaomp en Hini gwirion-se, en e Vab Jezuz-Krist. Eñ eo an Doue gwirion hag ar vuhez peurbadus.

1 Yann 5:5

Piv eo an hini a drec’h ar bed, nemet an hini a gred ez eo Jezuz Mab Doue?

Apocalyps 7:2

Hag e welis un ael all a bigne eus kostez ar sav-heol, o terc’hel siell an Doue bev. Gant ur vouezh kreñv e krias d’ar pevar ael o doa resevet ar galloud da noazout d’an douar ha d’ar mor