Mazhev 12:42 - Bibl Koad 21: Ar Bibl e Brezhoneg evit ar Vretoned

⁴² Rouanez ar C’hreisteiz a savo e deiz ar varn gant ar rummad-mañ hag a gondaono anezhañ, abalamour ma teuas eus penn pellañ an douar evit klevout furnez Salomon, ha setu, ez eus amañ brasoc’h eget Salomon.

Testamant Nevez 1897 (Jenkins)

⁴² Rouanez ar c’hresteiz a zavo er varn, a‐enep ar generation‐man, hag a gondaono anezhi; abalamour ma teuaz euz ar pen pella euz an douar evit klevet furnez Salomon; hag aman ez euz mui eged Salomon.

Aviel revé St. Maheu troeit é Brehonec Guénet 1858

⁴² Er rouanés ag er hreisté e zàüou er varn guet er rumad‐tud‐men, hag e tamallou anehai, dré ma deit a ziarbell, de cleuein furnæz Salomon: ha chetu a‐men muioh aveid Salomon.

Mazhev 12:42 Referencias Cruzadas

1 Rouaned 10:24

Holl rouaned an douar a glaske dremm Salomon, evit klevout ar furnez en doa lakaet Doue en e galon.

1 Rouaned 3:12

setu, e ran hervez da gomzoù. Setu ma roin dit ur galon fur ha poellek, e doare ma ne vo ket bet unan heñvel ouzhit a-raok dit, ha ne vo ket unan heñvel ouzhit ez koude.

1 Rouaned 3:28

Hag holl Israel a anavezas ar varn en doa graet ar roue. Hag e voe doujañs e-keñver ar roue, rak gwelout a rejont e oa ennañ furnez Doue evit barn gant reizhder.

1 Rouaned 3:9

Ro da'z servijer ur galon boellek evit barn da bobl, evit merzout etre ar mad hag an droug. Rak piv a c'hellfe barn da bobl, hag a zo ken bras?

1 Rouaned 4:29

Ha Doue a roas da Salomon furnez, ur poell bras-meurbet, hag ur galon ken frank hag an traezh a zo war aod ar mor.

1 Rouaned 4:34

Hag eus an holl bobloù e teued da glevout furnez Salomon, a-berzh holl rouaned an douar o doa klevet komz eus e furnez.

1 Rouaned 5:12

An AOTROU a roas furnez da Salomon, evel m'en doa lavaret dezhañ. Hag e voe peoc'h etre Hiram ha Salomon, hag e rejont emglev.

Izaia 7:14

Setu perak an AOTROU e-unan a roio deoc'h ur sin: Setu, ar werc'hez a vo brazez hag a c'hano ur mab, a vo anvet Emmanuel.

Mazhev 12:41

Tud Ninive a savo e deiz ar varn gant ar rummad-mañ hag a gondaono anezhañ, abalamour m’o deus bet keuz goude prezegenn Jona, ha setu, ez eus amañ brasoc’h eget Jona.

Mazhev 12:6

Met me a lavar deoc’h, bez’ ez eus amañ un dra bennak brasoc’h eget an templ.

Mazhev 17:5

Komz a rae c’hoazh, pa zeuas ur goabrenn lugernus d’o goleiñ. Ha setu, ur vouezh a zeuas eus ar goabrenn o lavarout: Hemañ eo va Mab karet-mat, ennañ em eus lakaet va holl levenez. Selaouit eñ!

Mazhev 3:17

Ha setu, ur vouezh eus an neñvoù a lavare: Hemañ eo va Mab karet-mat, ennañ em eus lakaet va holl levenez.

Sant Ian 1:14

Ar Ger a zo bet graet kig hag en deus chomet en hon touez, leun a c’hras hag a wirionez, ha gwelet hon eus e c’hloar, ur gloar evel hini ar Mab nemetañ deuet eus an Tad.

Sant Ian 1:18

Den n’en deus biskoazh gwelet Doue. Ar Mab nemetañ a zo en askre an Tad, eo an hini en deus e roet da anavezout.

Adlezenn 30:13

N'emañ ket e tu all d'ar mor, evit ma lavari: Piv a dremeno d'an tu all d'ar mor d'e zegas deomp ha d'e reiñ deomp da glevout, evit ma raimp dioutañ?