Mazhev 12:41 - Bibl Koad 21: Ar Bibl e Brezhoneg evit ar Vretoned

⁴¹ Tud Ninive a savo e deiz ar varn gant ar rummad-mañ hag a gondaono anezhañ, abalamour m’o deus bet keuz goude prezegenn Jona, ha setu, ez eus amañ brasoc’h eget Jona.

Testamant Nevez 1897 (Jenkins)

⁴¹ Tud Niniv a zavo er varn a‐enep ar generation‐man, hag a gondaono anezhi, rag ar re‐ze a zistroaz gant predication Jonas; hag aman ez euz mui eged Jonas.

Aviel revé St. Maheu troeit é Brehonec Guénet 1858

⁴¹ Tud Ninive e zàüou, é dé er varn, guet er Rumad‐tud‐men, hag hou tamallein e reint, dré ma quæ ind ou dès bet én ou galonneu, goudé en doé Jonas perdéguet; ha chetu a‐men muioh aveid Jonas.

Mazhev 12:41 Referencias Cruzadas

Izaia 54:17

Arm ebet goveliet a-enep dit ne zeuio da vat, ha pep teod a savo er varn ez enep a gondaoni. Evel-se eo hêrezh servijerien an AOTROU, diganin o devo o reizhder, eme an AOTROU.

Jeremiaz 3:11

Evel-henn e komz an AOTROU: Israel an adfeilherez a zo en em ziskouezet reishoc'h eget Juda ar c'hanazez.

Jonaz 1:2

Sav, kae da Ninive ar gêr vras, ha kri a-enep dezhi, rak o drougiezh a zo pignet betek ennon.

Jonaz 3:4

Jonaz en em lakaas da vont tre e kêr, hed un devezh bale. Hag e krie o lavarout: Daou-ugent devezh c'hoazh, ha Ninive a vo distrujet!

Mazhev 12:39

Eñ a respontas dezho: Ur rummad fall hag avoultr a c’houlenn ur mirakl, ne vo roet mirakl ebet dezhañ, nemet mirakl ar profed Jona.

Mazhev 12:42

Rouanez ar C’hreisteiz a savo e deiz ar varn gant ar rummad-mañ hag a gondaono anezhañ, abalamour ma teuas eus penn pellañ an douar evit klevout furnez Salomon, ha setu, ez eus amañ brasoc’h eget Salomon.

Mazhev 12:45

Neuze ez a, e kemer gantañ seizh spered all gwashoc’h egetañ, ez eont hag e chomont ennañ, ha stad diwezhañ an den-se a zeu gwashoc’h eget an hini gentañ. Evel-se e c’hoarvezo gant ar rummad fall-mañ.

Mazhev 12:6

Met me a lavar deoc’h, bez’ ez eus amañ un dra bennak brasoc’h eget an templ.

Mazhev 16:4

Ur rummad fall hag avoultr a c’houlenn ur mirakl, ne vo roet mirakl ebet dezhañ, nemet mirakl ar profed Jona. Hag, o vezañ o lezet, ez eas kuit.

Mazhev 17:17

Jezuz a respontas: O rummad diskredik ha fall, betek pegeit e vin ganeoc’h? Betek pegeit e c’houzañvin ac’hanoc’h? Degasit eñ amañ din.

Mazhev 23:36

Me a lavar deoc’h e gwirionez, kement-se holl a gouezho war ar rummad-mañ.

Sant Lucas 11:32

Tud Ninive a savo e deiz ar varn gant ar rummad-mañ hag a gondaono anezhañ, abalamour m’o deus bet keuz dre brezegenn Jona, ha setu, ez eus amañ brasoc’h eget Jona.

Sant Ian 3:31

An hini a zeu eus an nec’h a zo dreist an holl. An hini a zeu eus an douar a zo eus an douar hag e lavar a zeu eus an douar. An hini a zeu eus an neñv a zo dreist an holl,

Sant Ian 4:12

Ha brasoc’h out eget hon tad Jakob, en deus roet deomp ar puñs-mañ hag en deus evet e-unan anezhañ, kenkoulz evel e vibien hag e loened?

Romaned 2:27

Ha mar mir al lezenn an hini n’eo ket amdroc’het dre natur, ha ne varno ket ac’hanout, te hag a dorr al lezenn gant da lizherenn ha da amdroc’h?

Hebreed 11:7

Dre ar feiz Noe, aliet a-berzh Doue eus an traoù na weled ket c’hoazh, a voe leuniet a zoujañs, hag a reas un arc’h evit silvidigezh e diegezh. Drezi e kondaonas ar bed hag e teuas da vezañ heritour eus ar reizhder a zo hervez ar feiz.