Mazhev 10:6 - Bibl Koad 21: Ar Bibl e Brezhoneg evit ar Vretoned

⁶ met it kentoc’h etrezek deñved kollet ti Israel.

Testamant Nevez 1897 (Jenkins)

⁶ ha na antreit ket en hini euz a geariou ar Samaritaned; mes it kentoc’h etrezeg an denved kollet a di Israel.

Aviel revé St. Maheu troeit é Brehonec Guénet 1858

⁶ Mæs quêrhet quentoh étré en devéd en dy Israël, péré e ya de goll.

Mazhev 10:6 Referencias Cruzadas

Salmoù 119:176

Dianket on evel un dañvad kollet: klask da servijer, rak ne'm eus ket ankounac'haet da c'hourc'hemennoù.

Izaia 53:6

Bez' e oamp holl dianket evel deñved, pep hini ac'hanomp a heulie e hent e-unan, hag an AOTROU en deus lakaet da vont warnañ hon direizhder deomp-ni holl.

Jeremiaz 50:17

Israel a zo evel un dañvadez dianket argaset gant al leoned. Da gentañ roue Asiria en deus he debret, ha da ziwezhañ Nebukadnezar roue Babilon en deus torret hec'h eskern dezhi.

Jeremiaz 50:6

Va fobl a zo bet evel deñved dianket, o mesaerien o deus kollet anezho, hag o deus graet dezho kantren dre ar menezioù. Aet int eus ur menez d'ur c'hrec'h, hag o deus disoñjet o c'hraou.

Ezekiel 34:16

Klask a rin an hini gollet, degas a rin en-dro an hini zianket, pakañ a rin an hini dorret hec'h ezel, nerzhañ a rin an hini glañv, met e tistrujin ar re lart ha nerzhus. O feuriñ a rin gant skiant.

Ezekiel 34:4

N'hoc'h eus ket nerzhet ar re zinerzh, n'hoc'h eus ket louzaouet an hini glañv, n'hoc'h eus ket paket an hini dorret hec'h ezel, n'hoc'h eus ket kerc'het an hini zianket, n'hoc'h eus ket klasket an hini gollet, met renet hoc'h eus warno gant kaleter ha rustoni.

Ezekiel 34:6

Va deñved a zo bet o kantreal war an holl venezioù ha war an holl grec'hioù, va deñved a zo bet stlabezet war holl c'horre an douar, ha n'eus bet den o klask pe o kerc'hat anezho.

Ezekiel 34:8

Me a zo bev, eme an Aotrou AOTROU, dre ma'z eo roet va deñved d'ar skrapadeg, hag ez int deuet ur preizh da holl loened ar parkeier, dre vank a vêsaerien, dre ma n'o deus ket klasket va mêsaerien va deñved, met o deus en em beuret o-unan va mêsaerien e-lec'h lakaat va deñved da beuriñ,

Mazhev 18:10

Diwallit da zisprizañ nikun eus ar vugaligoù-mañ, rak me a lavar deoc’h penaos o aeled en neñvoù a wel dalc’hmat dremm va Zad a zo en neñvoù.

Mazhev 18:11

Rak Mab an den a zo deuet da saveteiñ ar re a oa kollet.

Sant Lucas 24:47

Ha ret eo ma vo prezeget en e anv ar geuzidigezh ha pardon ar pec’hedoù e-touez an holl vroadoù, o vont da gentañ dre Jeruzalem.

Actou an Ebestel 13:46

Met Paol ha Barnabaz a lavaras dezho gant hardizhegezh: Deoc’h-c’hwi e oa ret da gentañ reiñ da anavezout ger Doue, met, pa daolit anezhañ kuit hag en em varnit hoc’h-unan dizellezek eus ar vuhez peurbadus, setu, ni en em dro war-zu ar baganed.

Actou an Ebestel 18:6

Met evel ma’c’h enebjont outañ ha ma vallozhjont, ec’h hejas e zilhad hag e lavaras dezho: Ra gouezho ho kwad war ho penn! Naet on anezhañ. Diwar vremañ ez in etrezek ar baganed.

Actou an Ebestel 26:20

met d’ar re a zo e Damask da gentañ, hag e Jeruzalem hag en holl Judea ha d’ar baganed, prezeget em eus da gaout keuz ha da zistreiñ ouzh Doue, oc’h ober traoù dereat eus ar geuzidigezh.

Actou an Ebestel 3:26

Evidoc’h eo da gentañ en deus Doue savet e vugel Jezuz hag en deus e gaset d’ho pennigañ, evit tennañ pep hini ac’hanoc’h eus e fallagriezh.

1 Pêr 2:25

Rak bez’ e oac’h evel deñved dianket, met bremañ ez oc’h distroet da vesaer ha diwaller hoc’h eneoù.