Sant Marc 2:12 - Bibl Koad 21: Ar Bibl e Brezhoneg evit ar Vretoned

¹² Kerkent e savas hag, o vezañ kemeret e wele, ez eas er-maez dirak an holl, en hevelep doare ma oant holl souezhet ha ma roent gloar da Zoue, o lavarout: Biskoazh n’hon eus gwelet kemend-all.

Testamant Nevez 1897 (Jenkins)

¹² Ha kerkent e savaz, hag o veza kemeret he vele, ez eaz er meaz dirag an holl, en hevelep doare ma oe souezet braz an holl, ha ma c’hlorifient Doue, o lavaret: Biskoas n’hon cuz gwelet kement all.

Sant Marc 2:12 Referencias Cruzadas

Mazhev 12:23

An holl bobl a voe souezhet bras hag a lavare: Ha n’eo ket hemañ Mab David?

Mazhev 15:31

en hevelep doare ma voe souezhet an dud pa weljont ar re vut o komz, ar re vac’hagnet yac’haet, ar re gamm o kerzhout, ar re dall o welout. Hag e roent gloar da Zoue Israel.

Mazhev 9:33

Pa voe kaset an diaoul kuit, an den mut a gomzas. Hag ar bobl souezhet a lavare: Biskoazh n’eo bet gwelet kemend-all en Israel.

Mazhev 9:8

Ar bobl, o vezañ gwelet kement-se, a voe souezhet hag a roas gloar da Zoue dre m’en doa roet un hevelep galloud d’an dud.

Sant Marc 1:27

Souezhet bras e voent holl, en hevelep doare ma en em c’houlennent etrezo: Petra eo kement-mañ? Petra eo ar gelennadurezh nevez-mañ? Rak gant galloud e c’hourc’hemenn d’ar speredoù hudur zoken, hag e sentont outañ.

Sant Marc 2:11

Me a lavar dit, sav, kemer da wele ha kae da’z ti.

Sant Lucas 13:13

Eñ a lakaas e zaouarn warni. Kerkent en em eeunas hag e roas gloar da Zoue.

Sant Lucas 17:15

Unan anezho, o welout e oa yac’haet, a zistroas o reiñ gloar da Zoue a vouezh uhel.

Sant Lucas 5:26

Hag e voent holl souezhet bras hag e rojont gloar da Zoue. Leuniet e voent a zoujañs hag e lavarjont: Traoù burzhudus hon eus gwelet hiziv.

Sant Lucas 7:16

Ar spont a grogas enno holl hag e rojont gloar da Zoue, en ur lavarout: Ur profed bras a zo savet en hon touez ha Doue en deus gweladennet e bobl.

Sant Ian 7:31

Met kalz eus ar bobl a gredas ennañ hag a lavaras: Pa zeuio ar C’hrist, hag ober a raio brasoc’h mirakloù eget ma ra hemañ?

Sant Ian 9:32

N’eo ket bet klevet betek vremañ penaos en defe den digoret e zaoulagad d’un den ganet dall.

Actou an Ebestel 4:21

Kas a rejont eta anezho kuit gant gourdrouzoù bras, o vezañ na gavent ket an tu d’o c’hastizañ, abalamour d’ar bobl, rak an holl a roe gloar da Zoue evit ar pezh a oa c’hoarvezet.