Sant Marc 15:19 - Bibl Koad 21: Ar Bibl e Brezhoneg evit ar Vretoned

¹⁹ Hag e skojont war e benn gant ur gorzenn, e krañchjont outañ hag, o plegañ o glin, e stoujont dirazañ.

Testamant Nevez 1897 (Jenkins)

¹⁹ Hag e skoent var he ben gant eur gorzen, hag e cranchent outhan, hag o taoulina, e stouent dirazhan.

Sant Marc 15:19 Referencias Cruzadas

Geneliezh 24:52

Adalek m'en doa klevet servijer Abraham ar c'homzoù-se, e stouas d'an douar dirak an AOTROU.

Geneliezh 43:28

Lavarout a rejont: Da servijer, hon tad, a zo yac'h, bev eo c'hoazh. Hag e plegjont hag e stoujont.

1 Rouaned 19:18

Met miret em eus seizh mil den en Israel, an holl c'hlinoù n'o deus ket pleget dirak Baal, hag an holl c'henaouioù n'o deus ket poket outañ.

Levr Job 13:9

Ha mat ez afe ganeoc'h ma furchfe ac'hanoc'h? Evel ma toueller un den, hag e touellfec'h anezhañ?

Salmoù 69:12

Kemeret em eus ivez ar sac'h evit gwiskamant, met bet on an abeg d'o goap.

Izaia 45:23

Touet em eus drezon va-unan, hag ar gomz deuet eus va genoù a zo gwirion, ne vo ket torret: Pep glin a blego ha pep teod a douo dirazon.

Izaia 49:7

Evel-henn e komz an AOTROU, Dasprener Israel, e Sant, d'an hini a vo disprizet gant an dud, euzhus d'ar bobl, sklav ar renerien: Rouaned a welo anezhañ hag e savint, priñsed ivez hag e stouint dirazañ, abalamour d'an AOTROU a zo feal, ha da Sant Israel en deus da zibabet.

Izaia 50:6

Kinniget em eus va c'hein d'ar re a skoe ganin, ha va divjod d'ar re a denne va barv, ne'm eus ket harzet va dremm ouzh an dismegañsoù hag ar c'hrañchadoù.

Izaia 52:14

Evel ma'z eo bet souezhet kalz a dud ouzh da welout, kement e oa disneuziet e zremm e-keñver hini un den, hag e stumm e-keñver hini mab un den,

Mika 5:1

Bremañ dastum da vagadoù, merc'h ar bagadoù. Lakaet eo ar seziz a-enep deomp. Gant ar wialenn e skoont war jod barner Israel.

Mazhev 27:30

O vezañ krañchet outañ, e kemerjont ar gorzenn hag e skojont ganti war e benn.

Sant Marc 10:34

Goap a raint anezhañ, e skourjezañ a raint, e krañchint outañ hag e lakaint anezhañ d’ar marv, hag ec’h adsavo a varv d’an trede deiz.

Sant Marc 14:65

Hiniennoù en em lakaas da grañchat outañ, da c’holeiñ e zremm ha da reiñ dezhañ taolioù-dorn o lavarout dezhañ: Diougan! Hag ar vevelien a roe karvanadoù dezhañ.

Sant Marc 15:18

En em lakajont d’e saludiñ: Salud, Roue ar Yuzevien!

Sant Marc 15:20

Goude bezañ graet goap anezhañ, e lamjont al limestra diwarnañ, e wiskjont dezhañ e zilhad en-dro hag e kasjont anezhañ evit e stagañ ouzh ar groaz.

Sant Marc 9:12

Respont a reas dezho: Gwir eo penaos Elia a dle dont da gentañ hag adlakaat pep tra, ha penaos Mab an den, hervez ma’z eo skrivet diwar e benn, a dle gouzañv kalz a draoù ha bezañ disprizet?

Sant Lucas 22:63

An dud a zalc’he Jezuz a reas goap anezhañ hag a skoas warnañ.

Sant Lucas 23:11

Herodez gant tud e ward a zismegañsas anezhañ hag, evit ober goap anezhañ, e wiskas dezhañ ur sae splann hag en kasas en-dro da Bilat.

Sant Lucas 23:36

Ar soudarded ivez a rae goap anezhañ, o tostaat evit kinnig gwinegr dezhañ

Romaned 11:4

Met peseurt respont a reas Doue dezhañ? Miret em eus din seizh mil den n’o deus ket pleget o glin dirak Baal.

Filipiz 2:10

evit en anv Jezuz ma plego pep glin en neñvoù ha war an douar ha dindan an douar,

Hebreed 13:13

Deomp eta d’e gavout er-maez eus ar c’hamp, o tougen e zismegañs.