Sant Marc 13:11 - Bibl Koad 21: Ar Bibl e Brezhoneg evit ar Vretoned

¹¹ Pa gasint ac’hanoc’h evit ho lakaat etre o daouarn, na vezit ket en poan a-raok eus ar pezh ho po da lavarout ha na rakprederit ket anezhañ, met lavarit ar pezh a vo roet deoc’h war an eur-se, rak ne vo ket c’hwi a gomzo met ar Spered-Santel.

Testamant Nevez 1897 (Jenkins)

¹¹ Hogen, pa gassint ac’hanoc’h evit ho livra, na vezit ket en poan da c’houzoud araog petra ho pezo da lavaret, ha na choumit ket da zonjal e kement‐se; mes livirit ar pez a vezo roet deoc’h da lavaret en heur‐ze; rag n’eo ket c’houi a gomzo, mes ar Spered‐Santel.

Sant Marc 13:11 Referencias Cruzadas

2 Samuel 23:2

Spered an AOTROU en deus komzet drezon, e gomz a zo bet war va zeod.

Izaia 50:4

An Aotrou AOTROU en deus roet din un teod a ziskibl, ma c'hellin kennerzhañ dre ar gomz an hini a zo glac'haret. Bep mintin e tihun ac'hanon, e tihun va skouarn, ma selaouin evel un diskibl.

Mazhev 10:17

Diwallit diouzh an dud, rak ho kas a raint dirak al lezioù-barn hag e skourjezint ac’hanoc’h en o sinagogennoù.

Sant Marc 13:12

Ar breur a roio e vreur d’ar marv, hag an tad e vugel. Ar vugale en em savo a-enep o zud hag o lakaint d’ar marv.

Sant Marc 13:9

Met diwallit ouzhoc’h hoc’h-unan, rak ho kas a raint dirak al lezioù-barn hag ho skourjezañ a raint er sinagogennoù, mont a reot dirak ar c’houarnourien ha dirak ar rouaned abalamour din, evit reiñ testeni dirazo.

Sant Lucas 21:12

Met a-raok an holl draoù-se, e lakaint o daouarn warnoc’h hag e wallgasint ac’hanoc’h, ho kasint er sinagogennoù hag ho lakaint er prizon, ho kasint dirak rouaned ha dirak gouarnourien abalamour da’m anv.

Sant Ian 3:27

Yann a respontas: Den ne c’hell resev tra ebet, nemet roet e vefe bet dezhañ eus an neñv.

Actou an Ebestel 2:4

Leuniet e voent holl gant ar Spered-Santel hag en em lakajont da gomz e yezhoù all, hervez ma roe ar Spered dezho da gomz.

Actou an Ebestel 3:13

Doue Abraham, Izaak ha Jakob, Doue hon tadoù, en deus roet gloar d’e vugel Jezuz, an hini hoc’h eus droukroet ha dinac’het dirak Pilat, petra bennak m’en doa hemañ barnet e tlee bezañ laosket kuit.

Actou an Ebestel 4:31

P’o doe pedet, al lec’h ma oant dastumet ennañ a grenas. Leuniet e voent holl gant ar Spered-Santel hag e tisklêrjont ger Doue gant hardizhegezh.

Actou an Ebestel 6:10

Ne c’helljont ket herzel ouzh ar furnez hag ar Spered a rae dezhañ komz.

Actou an Ebestel 6:15

Evel m’o doa ar re holl a oa azezet er sanedrin o daoulagad dalc’het warnañ, e zremm en em ziskouezas dezho heñvel ouzh hini un ael.

Actou an Ebestel 7:55

Met, leun eus ar Spered-Santel hag e zaoulagad savet war-zu an neñv, e welas gloar Doue ha Jezuz en e sav a-zehou da Zoue,

1 Korintiz 2:13

Ha komz a reomp diwar o fenn, nann gant al lavarioù a zesk furnez an dud, met gant ar re a zesk ar Spered-Santel, o tisplegañ traoù speredel d’ar re a zo speredel.

Efeziz 3:5

ha n’eo ket bet disklêriet da vugale an dud en amzer tremenet evel ma’z eo disklêriet bremañ dre ar Spered d’e ebestel santel ha d’e brofeded,

S. Jakes 1:5

Ma vank furnez da unan bennak ac’hanoc’h, ra c’houlenno digant Doue a ro d’an holl gant largentez hep rebech, hag e vo roet dezhañ.

1 Pêr 1:12

Diskuliet e voe dezho penaos ne oa ket evito o-unan met evidomp-ni e oant ministred eus an traoù-se, a zo bet disklêriet deoc’h bremañ gant ar re o deus prezeget an Aviel deoc’h dre ar Spered-Santel degaset eus an neñv, traoù hag a garfe an aeled o gwelout betek ar foñs.