Sant Marc 10:39 - Bibl Koad 21: Ar Bibl e Brezhoneg evit ar Vretoned

³⁹ Int a lavaras dezhañ: Ni a c’hell. Ha Jezuz a lavaras dezho: Gwir eo ec’h evot an hanaf am eus da evañ hag e viot badezet eus ar vadeziant am eus da vezañ badezet ganti,

Testamant Nevez 1897 (Jenkins)

³⁹ Hag e leverjont dezhan: Gallout a reomp. Ha Jesus a lavaraz dezhe: Eva a reot evit‐gwir ar c’halir a dlean da eva, ha badezet e veot gant ar vadiziant gant pehini e tlean beza badezet;

Sant Marc 10:39 Referencias Cruzadas

Mazhev 10:25

A-walc’h eo d’an diskibl bezañ evel e vestr ha d’ar mevel bezañ evel e aotrou. Mar o deus galvet mestr an tiegezh Beelzebul, pegement muioc’h ne c’halvint ket tud e diegezh.

Mazhev 3:6

hag e oant badezet gantañ er Jordan, oc’h anzav o fec’hedoù.

Sant Marc 14:31

Met eñ a lavare kreñvoc’h c’hoazh: Ha pa vefe ret din mervel ganit, ne zinac’hin ket ac’hanout. Hag ar re all holl a lavaras an hevelep tra.

Sant Marc 14:36

Hag e lavare: Abba, Tad, an holl draoù a c’hellez, pella an hanaf-se diouzhin! Koulskoude, n’eo ket evel ma fell din, met evel ma fell dit.

Sant Ian 13:37

Pêr a lavaras dezhañ: Aotrou, perak ne c’hellan ket da heuliañ bremañ? Me a rofe va buhez evidout.

Sant Ian 15:20

Ho pet soñj eus ar ger am eus lavaret deoc’h: Ar servijer n’eo ket brasoc’h eget e vestr. Ma o deus va gwallgaset, e wallgasint ivez ac’hanoc’h, ha ma o deus miret va ger, e virint ivez hoc’h hini.

Sant Ian 17:14

Roet em eus dezho da c’her hag ar bed en deus kasaet anezho, abalamour n’int ket eus ar bed, evel n’on ket va-unan eus ar bed.

Actou an Ebestel 12:2

Lazhañ a reas dre ar c’hleze Jakez breur Yann.

Koloseiz 1:24

En em laouenaat a ran bremañ em poanioù evidoc’h, hag e peurechuan em c’hig da c’houzañv an dilerc’h eus poanioù Krist evit e gorf hag a zo an Iliz,

Apocalyps 1:9

Me, ho preur Yann, unanet deoc’h en anken, er rouantelezh hag er c’hendalc’husted e Jezuz-Krist, edon en enezenn anvet Patmoz abalamour da c’her Doue hag abalamour da desteni Jezuz-Krist.