Sant Lucas 6:49 - Bibl Koad 21: Ar Bibl e Brezhoneg evit ar Vretoned

⁴⁹ Met an hini a selaou ha ne sent ket, a zo heñvel ouzh un den a sav e di war an douar, hep diazez. An doureier o vezañ skoet gant nerzh a-enep dezhañ, kouezhet eo kerkent ha diskar an ti-se a zo bet bras.

Testamant Nevez 1897 (Jenkins)

⁴⁹ Mes an hini a zelaou, ha na laka ket en pratic, a zo henvel ouz eun den hag hen deuz savet he di var an douar, hep fondamant; an dour braz a zo en em daolet gant fulor ouz an ti‐ze, ha kerkent ez eo kwezet, ha spountus eo bet rivin an ti‐ze.

Sant Lucas 6:49 Referencias Cruzadas

Krennlavarioù 28:18

An hini a gerzh en eeunder a vo salvet, met an hini a zistro dioutañ evit heuliañ daou hent a gouezho en unan anezho.

Ezekiel 33:31

Hag e teuont da'z kavout a-vostad, va fobl a azez dirazout, hag e selaouont da gomzoù. Met ne reont ket hervezo, o c'hontañ a reont en o genoù, met o c'halon a ya war-lerc'h o gwallc'hoantoù.

Ozea 4:14

Ne gastizin ket ho merc'hed dre ma c'hastaouont, nag ho merc'hed-kaer dre ma'z avoultront, rak ar wazed o-unan en em denn gant gisti hag a aberzhont gant ribodezed. Hag ar bobl, diboell, a gouezho.

Mazhev 23:3

Grit eta ha mirit kement a lavaront deoc’h da virout, met na rit ket hervez o oberoù. Rak e lavaront met ne reont ket.

Mazhev 24:10

Neuze meur a hini a gouezho, en em drubardo hag en em gasaio an eil egile.

Sant Marc 4:17

met n’o deus ket a wrizienn enno o-unan, ne badont ket pell ha, pa zeu ur glac’har pe un heskinerezh abalamour d’ar ger, e kavont kerkent un abeg da gouezhañ.

Sant Lucas 12:47

Ar serrvijer hag a anavez bolontez e vestr, ha n’eo ket en em zalc’het prest ha n’en deus ket graet hervez e volontez, a vo skoet warnañ kalz a daolioù.

Sant Lucas 19:14

Met tud e vro a gasae anezhañ hag a kasas ur c’hannadur war e lerc’h da lavarout: Ne fell ket deomp e renfe hemañ warnomp.

Sant Lucas 19:27

E-keñver va enebourien, ar re n’eo ket fellet dezho e renjen warno, degasit int amañ ha lazhit int dirazon.

Sant Lucas 6:46

Perak eta e c’halvit ac’hanon Aotrou, Aotrou, ha ne rit ket ar pezh a lavaran?

Sant Lucas 6:48

Heñvel eo ouzh un den a sav un ti, hag o vezañ kleuzet ha toullet don, en deus lakaet an diazez war ar roc’h. An doureier o vezañ deuet ha skoet gant nerzh a-enep an ti-se, n’o deus ket gellet e ziskar dre ma oa diazezet war ar roc’h.

Sant Lucas 7:1

Goude m’en doa peurlavaret ar c’homzoù-mañ dirak ar bobl a oa ouzh e selaou, ez eas da Gafarnaoum.

Sant Ian 15:2

Lemel a ra kuit kement brank ennon na zoug ket a frouezh hag e tivarr kement brank a zoug frouezh, evit ma tougo c’hoazh muioc’h a frouezh.

Actou an Ebestel 20:29

Gouzout a ran penaos, goude ma vin aet kuit, ez aio en ho touez bleizi kriz ha n’espernint ket an tropell,

Actou an Ebestel 26:11

Ouzh o c’hastizañ alies en holl sinagogennoù, em eus lakaet anezho da vallozhiñ. Leuniet gant ur gounnar vras a-enep dezho, em eus heskinet anezho betek er c’hêrioù estren.

1 Tesalonikiz 3:5

O vezañ ne c’hellen ket gortoz pelloc’h, em eus da glevout diwar-benn ho feiz, gant aon n’en dije an tempter touellet ac’hanoc’h ha na vije deuet hol labour da vezañ difrouezh.

2 Pêr 2:20

Goude bezañ tec’het diouzh hudurniezh ar bed dre anaoudegezh an Aotrou ha Salver Jezuz-Krist, mar deuont d’en em reiñ a-nevez e-barzh ha da vezañt trec’het, o stad diwezhañ a vo gwashoc’h eget an hini kentañ.

1 Yann 2:19

Aet int er-maez eus hon touez, met ne oant ket eus hor re, rak ma vijent bet eus hor re, e vijent chomet ganeomp. Met aet int er-maez evit ma vije diskouezet ne oant ket holl eus hor re.