Sant Lucas 6:39 - Bibl Koad 21: Ar Bibl e Brezhoneg evit ar Vretoned

³⁹ Lavarout a reas ivez dezho ur barabolenn: Daoust hag un den dall a c’hell ren un den dall? Ha ne gouezhint ket o daou er poull?

Testamant Nevez 1897 (Jenkins)

³⁹ Lavaret a rea ive dezhe eur barabolen: Daoust hag eun den dall a hell ren eun den dall? Ha na gwezint‐hi ket ho daou er poull?

Sant Lucas 6:39 Referencias Cruzadas

Izaia 56:10

An holl gedourien a zo dall, n'anavezont netra. Holl ez int chas mut na c'hellont ket harzhal, emaint o huñvreal en ur chom gourvezet, plijout a ra dezho morediñ.

Izaia 9:16

Setu perak an AOTROU ne gavo ket a blijadur en o zud yaouank, ha n'en devo ket a druez ouzh o emzivaded nag ouzh o intañvezed, rak n'int holl nemet tud fall ha drouk, pep genoù a lavar euzhusted. Ha ne zigounnar ket, e zorn a zo atav astennet.

Jeremiaz 6:15

Hag o deus bet mezh da vezañ graet traoù euzhus? Nann, n'o deus bet mezh ebet a gement-se, ha n'ouzont ket petra eo ruziañ. En abeg da-se e kouezhint gant ar re a gouezh, ha pa rin war o zro e vint diskaret, eme an AOTROU.

Jeremiaz 8:12

Hag o deus bet mezh da vezañ graet traoù euzhus? Nann, n'o deus bet mezh ebet a gement-se, ha n'ouzont ket petra eo ruziañ. En abeg da-se e kouezhint gant ar re a gouezh, hag e vint diskaret da vare ma rin war o zro, eme an AOTROU.

Mazhev 13:3

Komz a reas dezho dre barabolennoù war galz a draoù hag e lavaras: Setu, un hader a yeas er-maez da hadañ.

Mazhev 15:14

Lezit anezho, tud dall int o ren tud dall. Mar ren un den dall un den dall all, e kouezhint o-daou er poull.

Mazhev 23:33

Naered, lignez a naered-gwiber! Penaos e tec’hot diouzh kastiz ar gehenn?

Romaned 2:19

a gred bezañ rener ar re dall, sklêrijenn ar re a zo en deñvalijenn,

2 Timote 3:13

Met an dud fall hag an douellerien a yelo en ur washaat, o touellañ hag o vezañ touellet.