Sant Lucas 23:2 - Bibl Koad 21: Ar Bibl e Brezhoneg evit ar Vretoned

² Hag en em lakajont d’e damall, o lavarout: Ni hon eus kavet an den-mañ o tromplañ ar vroad, o tifenn paeañ ar gwir da Gezar hag oc’h en em lavarout e-unan Krist, ar roue.

Testamant Nevez 1897 (Jenkins)

² Hag int a gommansaz tamal anezhan, en eur lavaret: Kavet hon euz an den‐man o trompla ar bobl hag o tifen paea an tribut da Cezar, hag o lavaret ez eo hen he‐unan ar C’hrist, ar roue.

Sant Lucas 23:2 Referencias Cruzadas

1 Rouaned 18:17

Kerkent ha ma welas Akab Elia, Akab a lavaras: Ha te eo, trubuilher Israel?

Salmoù 35:11

Falstestoù a sav, goulenn a reont ouzhin traoù n'ouzon netra diwar o benn,

Salmoù 62:4

Betek pegoulz en em daolot war un den, evit e zistrujañ holl asambles, evel ur voger gosteziet, evel ur c'hleuz brañsellet?

Jeremiaz 20:10

Rak klevet em eus kunujennoù a-berzh kalz a dud: Spouron a bep tu! Tamallit-eñ, hag e damall a raimp! An holl re a oa e peoc'h ganin a zo war spi evit gwelout hag e kouezhin: Marteze e vo paket ha neuze e trec'himp warnañ, hag en em veñjimp dioutañ!

Jeremiaz 38:4

Ar pennoù a lavaras d'ar roue: Ra vo lakaet an den-se d'ar marv, digalonekaat a ra an dud a vrezel a van er gêr hag an holl bobl, en ur gomz dezho evel-se. Rak an den-se ne glask ket ar mad met gwalleur ar bobl-mañ.

Amoz 7:10

Neuze Amazia aberzhour Betel a gasas da lavarout da Jeroboam roue Israel: Amoz en em sav en da enep e-kreiz ti Israel; ar vro ne c'hell ket gouzañv e holl gomzoù.

Zakaria 11:8

Hag e lamis kuit tri mêsaer en ur miz hepken, rak va ene en doa kollet pasianted ganto, hag o ene ivez a oa en em zic'houstet diouzhin.

Mazhev 17:27

Met, evit na roimp ket ur wallskouer dezho, kae d’ar mor, taol an higenn, tenn ar c’hentañ pesk a zeuio, digor e c’henoù hag e kavi ur stater. Kemer anezhañ ha ro eñ dezho evidon hag evidout.

Mazhev 22:21

Int a lavaras dezhañ: Eus Kezar. Neuze e lavaras dezho: Roit eta da Gezar ar pezh a zo da Gezar ha da Zoue ar pezh a zo da Zoue.

Mazhev 27:11

Jezuz a voe kaset dirak ar gouarnour. Ar gouarnour a reas ar goulenn-mañ outañ: Ha bez’ out roue ar Yuzevien? Ha Jezuz a lavaras dezhañ: Te en lavar.

Sant Marc 12:17

Ha Jezuz a respontas dezho: Roit eta da Gezar ar pezh a zo da Gezar ha da Zoue ar pezh a zo da Zoue. Hag e voent souezhet bras gantañ.

Sant Marc 15:2

Pilat a c’houlennas outañ: Ha bez’ out roue ar Yuzevien? Jezuz a respontas dezhañ: Te en lavar.

Sant Lucas 23:14

Degaset hoc’h eus din an den-se evel m’en dije savet ar bobl. Ha setu, goude bezañ graet goulennoù outañ dirazoc’h, ne’m eus ket e gavet kiriek da hini ebet eus an torfedoù a damallit dezhañ.

Sant Lucas 23:5

Met int a zalc’he o lavarout: Sevel a ra ar bobl, o kelenn dre holl Judea, o vezañ henn graet adalek Galilea betek amañ.

Sant Ian 18:29

Pilat eta, o vezañ aet d’o c’havout, a lavaras dezho: Petra a damallit d’an den-se?

Sant Ian 18:30

Respont a rejont dezhañ: Ma ne vije ket un torfedour, n’hor bije ket e lakaet etre da zaouarn.

Sant Ian 19:12

Adalek neuze Pilat a glaskas e leuskel. Met ar Yuzevien a grie: Mar laoskez an den-se, n’out ket mignon da Gezar. Piv bennak en em c’hra roue, en em laka a-enep Kezar.

Actou an Ebestel 24:13

ha ne c’hellont ket prouiñ an traoù a damallont din bremañ.

Actou an Ebestel 24:5

Kavet hon eus an den-mañ, ur vosenn anezhañ, hag a laka an dizunaniezh e-touez ar Yuzevien stlabezet er bed, hag a zo penn eus skol an Nazareidi,

Romaned 13:7

Rentit eta d’an holl ar pezh a zo dleet dezho: an tailh d’an neb eo dleet an tailh, ar gwir d’an neb eo dleet ar gwir, an doujañs d’an neb eo dleet an doujañs, an enor d’an neb eo dleet an enor.