Sant Lucas 23:13 - Bibl Koad 21: Ar Bibl e Brezhoneg evit ar Vretoned

¹³ Pilat, o vezañ dastumet ar veleien vras, mistri ar vro hag ar bobl, a lavaras dezho:

Testamant Nevez 1897 (Jenkins)

¹³ Neuze Pilat, o veza assamblet prinsed ar veleien, ar barnerien, hag ar bobl, a lavaraz dezhe:

Sant Lucas 23:13 Referencias Cruzadas

Sant Marc 15:14

Pilat a lavaras dezho: Met peseurt droug en deus graet? Hag e krijont c’hoazh kreñvoc’h: Ouzh ar groaz!

Sant Lucas 23:35

Ar bobl en em zalc’he eno hag a selle. Mistri ar vro a oa ivez ganto a rae goap anezhañ, o lavarout: Saveteet en deus ar re all, ra en em saveteo e-unan mar d-eo ar C’hrist, an hini dibabet gant Doue!

Sant Lucas 24:20

ha penaos ar veleien vras ha mistri hor bro o deus e zroukroet da vezañ kondaonet d’ar marv, hag o deus e staget ouzh ar groaz.

Sant Ian 12:42

Koulskoude, kalz e-touez ar re vras zoken a gredas ennañ, met n’anzavjont ket kement-se abalamour d’ar farizianed, gant aon da vezañ kaset kuit eus ar sinagogenn,

Sant Ian 18:38

Pilat a lavaras dezhañ: Petra eo ar wirionez? Ha goude m’en doa lavaret kement-se, ez eas a-nevez da gavout ar Yuzevien hag e lavaras dezho: Ne gavan torfed ebet ennañ.

Sant Ian 19:4

Pilat a yeas a-nevez er-maez hag a lavaras dezho: Setu, e tegasan anezhañ deoc’h er-maez evit ma ouiot penaos ne gavan torfed ebet ennañ.

Sant Ian 3:1

Hogen e oa un den e-touez ar farizianed, anvet Nikodem, unan eus re vras ar Yuzevien.

Sant Ian 7:26

Ha setu e komz frank ha ne lavaront netra dezhañ. Hag anavezet o defe ar mestroù ez eo e gwirionez ar C’hrist?

Sant Ian 7:48

Ha bez’ ez eus unan bennak eus ar mestroù pe eus ar farizianed hag en defe kredet ennañ?

Actou an Ebestel 13:27

Rak holl dud Jeruzalem hag o fennoù, o vezañ e zizanavezet, o deus peurc’hraet en ur gondaoniñ anezhañ komzoù ar brofeded a vez lennet bep deiz sabad.

Actou an Ebestel 3:17

Bremañ, breudeur, gouzout a ran hoc’h eus graet kement-se dre ziouiziegezh, kenkoulz hag ho pennoù.

Actou an Ebestel 4:5

Hag e c’hoarvezas antronoz ma en em zastumas e Jeruzalem pennoù ar bobl, an henaourien hag ar skribed,

Actou an Ebestel 4:8

Neuze Pêr, leun eus ar Spered-Santel, a lavaras dezho: Pennoù ar bobl hag henaourien Israel,