Levr Rud 2:16 - Bibl Koad 21: Ar Bibl e Brezhoneg evit ar Vretoned

¹⁶ hag ivez e lezot a-ratozh un nebeud dornadoù eviti, hag hi a c'hello o zañvouezañ ha ne c'hourdrouzot ket anezhi. 17 Tañvouezañ a reas eta er park betek an abardaez, hag e tornas ar pezh he doa dastumet, hag e voe war-dro un efa heiz.

Levr Rud 2:16 Referencias Cruzadas

Salmoù 112:9

Skuilhet en deus, roet en deus d'ar beorien, e reizhder a bad da viken hag e benn a sav gant gloar.

Krennlavarioù 19:17

An hini en deus truez ouzh ar paour a brest d'an AOTROU, hag eñ a rento dezhañ e vadober.

Mazhev 25:40

Hag ar Roue a responto hag a lavaro dezho: Me a lavar deoc’h e gwirionez, bep gwech ma hoc’h eus graet kement-se e-keñver unan eus ar re zisterañ eus va breudeur, hoc’h eus graet an dra-se din.

Romaned 12:13

Kemerit lod en ezhommoù ar sent. Bezit buan da reiñ degemer en ho ti.

Filemon 1:7

Rak, va breur, da garantez he deus roet deomp ul levenez vras hag ur frealz mat, dre ma ec’h eus laouenaet kalonoù ar sent.

Hebreed 6:10

Rak Doue n’eo ket direizh evit ankounac’haat hoc’h oberoù ha labour ho karantez hoc’h eus diskouezet evit e anv, o vezañ sikouret hag o sikour c’hoazh ar sent.

Levr Rud 2:15

Neuze e savas da dañvouezañ. Boaz a roas an urzh-mañ d'ar baotred yaouank: Ra dañvouezo etre an dremmen zoken, ha na zizarbennit ket anezhi,

Levr Rud 2:17

Tañvouezañ a reas eta er park betek an abardaez, hag e tornas ar pezh he doa dastumet, hag e voe war-dro un efa heiz.