Leviegezh 7:12 - Bibl Koad 21: Ar Bibl e Brezhoneg evit ar Vretoned

¹² Mar kinnig unan bennak anezhañ evit trugarekaat, e kinnigo gant an aberzh gwestell hep goell mezet gant eoul, bignez hep goell strinket gant eoul ha gwestell flour bleud kemmesket mezet gant eoul.

Leviegezh 7:12 Referencias Cruzadas

2 Danevelloù 29:31

Ezekiaz a gomzas o lavarout: Bremañ hoc'h eus kensakret ho taouarn d'an AOTROU, tostait, degasit an aberzhoù hag aberzhoù a veuleudi da di an AOTROU. Hag ar vodadenn a zegasas an aberzhoù hag aberzhoù a veuleudi, hag an holl re o doa ur galon a-youl-vat a ginnigas loskaberzhoù.

2 Danevelloù 33:16

Hag ec'h adsavas aoter an AOTROU, hag e reas warni aberzhoù a drugarekadennoù hag a veuleudi, hag e lavaras da Juda servijañ an AOTROU Doue Israel.

Nehemia 12:43

Kinniget e voe en deiz-se aberzhoù bras, hag e voent laouenaet, rak Doue a laouenaas anezho gant ul levenez bras. Ar maouezed hag ar vugale a voe laouenaet ivez, ha levenez Jeruzalem a voe klevet a-bell.

Salmoù 107:8

Ra veulint an AOTROU evit e vadelezh, evit e vurzhudoù e-keñver mibien an dud!

Salmoù 116:17

Kinnig a rin dit an aberzh a drugarekadennoù, hag e pedin anv an AOTROU.

Salmoù 50:23

An hini a ginnig ar veuleudi da aberzh a ro gloar din, ha d'an hini a daol evezh ouzh e hent, me a ziskouezo silvidigezh Doue.

Jeremiaz 33:11

mouezh a joa ha mouezh a levenez, mouezh ar paotr-nevez ha mouezh ar plac'h-nevez, mouezh ar re a lavaro: Meulit AOTROU an armeoù, rak an AOTROU a zo mat, rak e drugarez a bad da viken, ha mouezh ar re a zegas aberzhoù a veuleudi da di an AOTROU. Rak re zalc'het ar vro a zegasin en-dro, evel diagent, eme an AOTROU.

Ozea 14:2

Kemerit ganeoc'h komzoù, ha distroit d'an AOTROU. Lavarit dezhañ: Pardon an holl zireizhder, hon degemer mat, kinnig a reomp dit evel aberzh koleoù meuleudi hor muzelloù.

Leviegezh 2:4

Mar degasez ur prof e donezon poazhet er forn, ra vo gwestell hep goell eus flour bleud mezet gant eoul ha bignez hep goell strinket gant eoul.

Leviegezh 2:5

Mar d-eo da brof un donezon poazhet war ar baelon, ra vo flour bleud hep goell mezet gant eoul.

Leviegezh 22:29

Pa ginnigot un aberzh a drugarekadennoù d’an AOTROU, e vo kinniget en un doare da vezañ degemeret mat.

Leviegezh 6:16

Aaron hag e vibien a zebro ar pezh a vo manet; e zebriñ a raint hep goell, el lec’h santel; war leurenn teltenn an engalv e tebrint.

Leviegezh 7:15

Kig an aberzh a drugarekadennoù evit trugarekaat a vo debret en deiz ma vo kinniget; ne vo lezet mann dioutañ betek ar beure.

Amoz 4:5

Lakait da vogediñ un aberzh a veuleudi gant goell! Embannit ar profoù a youl vat hag o disklêriit! Rak eno emañ ar pezh a garit, mibien Israel, eme an Aotrou AOTROU.

Niveroù 6:15

ur banerad bara hep goell, gwestell flour bleud mezet gant eoul, ha bignez hep goell strinket gant eoul, gant o donezon hag o evadkinnig.

Sant Lucas 17:16

En em daolas ouzh e dreid, e c’henoù d’an douar, o trugarekaat. Hag hemañ a oa ur Samaritan.

Sant Lucas 17:18

N’eus en em gavet nemet an diavaeziad-mañ hag a zo distroet da reiñ gloar da Zoue?

Romaned 1:21

rak, goude bezañ anavezet Doue, n’o deus ket roet gloar dezhañ evel da Zoue ha n’o deus ket e drugarekaet, met deuet int d’en em goll en o arguzennoù hag o c’halon dibourvez a zo bet leuniet a deñvalijenn.

Efeziz 5:20

Trugarekait bepred evit an holl draoù Doue an Tad, en anv hon Aotrou Jezuz-Krist.

Hebreed 13:15

Neuze drezañ, kinnigomp hep paouez da Zoue un aberzh a veuleudi, da lavarout eo frouezh ar muzelloù a anzav e anv.

1 Pêr 2:5

C’hwi ivez, evel mein bev, a zo savet evit bezañ un ti speredel, ur velegiezh santel, evit kinnig aberzhoù speredel kavet plijus gant Doue dre Jezuz-Krist.