Leviegezh 3:9 - Bibl Koad 21: Ar Bibl e Brezhoneg evit ar Vretoned

⁹ Kinnig a raio eus an aberzh a drugarekadennoù ur prof graet dre an tan dirak an AOTROU, al lard, al lost en e bezh a vo rannet tost d’ar mell-kein, al lard a c’holo ar bouzelloù hag al lard a zo a-us d’ar bouzelloù,

Leviegezh 3:9 Referencias Cruzadas

2 Samuel 6:17

Degas a rejont eta arc'h an AOTROU, hag e lakajont anezhi en e lec'h, e-kreiz an deltenn en doa savet David. Ha David a ginnigas loskaberzhoù hag aberzhoù a drugarekadennoù dirak an AOTROU.

1 Rouaned 3:15

Neuze Salomon a zihunas, ha setu e oa un huñvre. Hag e teuas da Jeruzalem, hag en em zalc'has dirak arc'h emglev an AOTROU. Kinnig a reas loskaberzhoù hag aberzhoù a drugarekadennoù, hag e reas ur fest d'e holl servijerien.

1 Rouaned 8:63

Ha Salomon a ginnigas un aberzh a drugarekadennoù a brofas d'an AOTROU, daou vil ejen warn-ugent ha kant ugent mil dañvad. Evel-se ar roue hag holl vibien Israel a reas dedi ti an AOTROU.

1 Rouaned 8:64

En deiz-se, ar roue a santelaas kreiz al leurenn a oa dirak ti an AOTROU, rak kinnig a reas eno al loskaberzhoù, an donezonoù ha lard an aberzhoù a drugarekadennoù, rak an aoter arem a oa dirak an AOTROU a oa re vihan evit kenderc'hel al loskaberzhoù, an donezonoù ha lard an aberzhoù a drugarekadennoù.

1 Danevelloù 16:1

Degas a rejont eta arc'h Doue, hag e lakajont anezhi e-kreiz an deltenn en doa savet David. Hag e voe kinniget loskaberzhoù hag aberzhoù a drugarekadennoù dirak Doue.

Ermaeziadeg 29:22

Kemer a ri lard an tourz, al lost, al lard a c'holo ar bouzelloù, ar flip a zo war an avu, an div lounezh gant al lard a zo warno, ar skoaz dehou rak un tourz a ouestladur eo,

Krennlavarioù 23:26

Va mab, ro din da galon, ha ra lakaio da zaoulagad evezh ouzh va hentoù.

Izaia 53:10

Plijet eo bet gant an AOTROU e vreviñ, e lakaet en deus er poanioù. Goude bezañ kinniget e ene evel aberzh a gablusted, e welo ul lignez, hiraat a raio e zeizioù, ha plijadur an AOTROU a raio berzh dre e zorn.

Leviegezh 17:5

evit ma vo degaset gant mibien Israel o aberzhoù a lazhont er parkeier d’an aberzhour dirak an AOTROU, ouzh digor teltenn an engalv, ha ma kinnigint anezho evel aberzh a drugarekadennoù.

Leviegezh 7:3

Kinniget e vo an holl lard, al lost, al lard a c’holo ar bouzelloù,

Leviegezh 8:25

Kemer a reas al lard, al lost, an holl lard a c’holo ar bouzelloù, ar flipezenn a zo war an avu, an div lounezhenn gant o lard hag ar skoaz dehou;

Leviegezh 9:19

Degas a rejont dezhañ lard ar c’hole hag an tourz, al lost, al lard a c’holo ar bouzelloù, al lounezhennoù hag ar flipezenn a zo war an avu,

Niveroù 7:88

An holl loened evit an aberzh a drugarekadennoù a oa: pevar ejen warn-ugent, tri-ugent tourz, tri-ugent bouc'h, tri-ugent oan eus ur bloaz. Setu ar pezh a zo bet evit dedi an aoter goude ma voe olevet.

1 Samuel 10:8

Hag e tiskenni a-raok din da C'hilgal. Ha setu e tiskennin da'z kavout evit kinnig loskaberzhoù hag evit aberzhiñ aberzhoù a drugarekadennoù. Gortoz a ri seizh deiz betek ma en em gavin ez kichen, hag e tisklêrin dit ar pezh az po d'ober.