Leviegezh 26:30 - Bibl Koad 21: Ar Bibl e Brezhoneg evit ar Vretoned

³⁰ me a zistrujo hoc’h uhellec’hioù hag e tiskarin ho peulioù, hag e lakain ho korfoù marv war gorfoù marv hoc’h idoloù, ha va ene en devo euzh ouzhoc’h.

Leviegezh 26:30 Referencias Cruzadas

Geneliezh 19:13

Rak emaomp o vont da zistrujañ al lec'h-mañ, dre ma'z eo bras dirak an AOTROU ar c'hri a-enep tud al lec'h-mañ. An AOTROU en deus hon degaset evit e zistrujañ.

1 Rouaned 13:2

Hag e krias a-enep an aoter, a-berzh komz an AOTROU, hag e lavaras: Aoter, aoter, evel-henn e komz an AOTROU: Setu, ur mab a vo ganet e ti David, e anv a vo Jozia, lazhañ a raio warnout aberzhourien an uhellec'hioù a laka da vogediñ warnout, ha devet e vo warnout eskern tud.

1 Rouaned 13:32

rak sevenet e vo a-dra-sur ar gomz en deus kriet, a-berzh an AOTROU, a-enep an aoter a zo e Betel hag a-enep an holl diez uhellec'hioù a zo e kêrioù Samaria.

2 Rouned 23:16

Ha Jozia, o vezañ en em droet, a welas ar bezioù a oa er menez, hag e kasas da gerc'hat eskern ar bezioù, hag o devas war an aoter. Evel-se e saotras anezhi, hervez komz an AOTROU bet disklêriet dre zen Doue en doa lavaret an traoù-se dirak an holl.

2 Rouned 23:20

Hag ec'h aberzhas war an aoterioù holl aberzhourien an uhellec'hioù, hag e tevas eskern tud warno. Goude e tistroas da Jeruzalem.

2 Rouned 23:8

Hag e reas dont eus kêrioù Juda an holl aberzhourien, hag e saotras an uhellec'hioù e-lec'h m'o doa lakaet da vogediñ an aberzhourien, adalek Geba betek Beer-Sheba. Diskar a reas uhellec'hioù an dorojoù, an hini a oa war dreuzoù dor Jozue rener kêr, hag a oa a-gleiz en ur vont dre zor kêr.

2 Danevelloù 23:17

An holl bobl a yeas da di Baal, hag e tiskarjont anezhañ, e torrjont e aoterioù hag e skeudennoù, e lazhjont dirak an aoterioù Matan aberzhour Baal.

2 Danevelloù 31:1

Pa voe echu kement-se, holl re Israel hag en em gave eno a yeas dre gêrioù Juda, hag e torrjont an delwennoù, hag e tiskarjont an Asheraoù, hag e tispennjont an uhellec'hioù hag an aoterioù a oa en holl Juda, Benjamin, Efraim ha Manase, ken na voe holl distrujet. Hag holl vibien Israel a zistroas, pep hini d'e zalc'h, pep hini d'e gêr.

Salmoù 106:40

Kounnar an AOTROU en em danas a-enep e bobl, euzh en doe ouzh e hêrezh.

Salmoù 89:38

Evel al loar e pado da viken. Feal eo an test a zo en neñvoù.

Izaia 27:9

Evel-se e vo dic'haouet direizhder Jakob, ha setu frouezh pardon e bec'hed: lakaet e vo e poultrenn evel mein-raz holl vein an aoterioù, hag an Asheraoù ha peulioù an heol ne vint ket ken en o sav.

Jeremiaz 14:19

Ha distaolet ez pefe Juda evit biken? Ha bez' en defe da ene heug ouzh Sion? Perak e skoez warnomp hep ma vefe yec'hed ebet evidomp? Gortoz a reomp ar peoc'h, met n'eus netra vat, amzer ar yec'hed, met setu ar spont.

Jeremiaz 16:18

Hag e roin dezho da gentañ an daougement eus o direizhder hag eus o fec'hed, dre ma o deus saotret va douar ha leuniet va hêrezh gant korfoù marv o zraoù kasaus ha gant o euzhusterioù.

Ezekiel 16:39

Da lakaat a rin etre o daouarn, hag e tiskarint da dosennoù, hag e tisc'hraint da uhellec'hioù. Diwiskañ a raint da zilhad, lemel a raint kuit da draoù hollgaer, hag e vi lezet en noazh, noazh-bev.

Ezekiel 43:7

Hag e lavaras din: Mab an den, amañ emañ lec'h va zron, lec'h solioù va zreid, ma vin o chom ennañ da viken, e-touez mibien Israel. Ti Israel ne saotro ken va anv santel, nag int nag o rouaned, dre o gastaouerezh, na dre gorfoù marv o rouaned war o uhellec'hioù.

Ezekiel 6:13

Hag e ouiot ez on me an AOTROU pa vo o lazhidi gourvezet e-touez o idoloù, en-dro d'o aoterioù, war bep krec'hienn uhel, war bep lein menez, dindan pep gwezenn c'hlas, dindan pep dervenn dev, e pep lec'h ma kinnigent c'hwezh-vat d'o holl idoloù.

Ozea 10:2

O c'halon a zo lodennet, hag e vint disklêriet kablus. Eñ a ziskaro o aoterioù hag a zistrujo o feulioù.

Leviegezh 20:23

Ne gerzhot ket hervez boazioù ar pobloù a gasan kuit dirazoc’h, rak graet o deus an holl draoù-se hag em eus euzh outo.

Leviegezh 26:11

hag e lakain va chomlec’h en ho touez, ha va ene n’en devo ket euzh ouzhoc’h;

Leviegezh 26:15

mar disprizit va reolennoù, mar en deus hoc’h ene euzh ouzh va barnedigezhioù, evit tremen hep heuliañ va gourc’hemennoù hag evit terriñ va emglev,

Amoz 6:8

An Aotrou AOTROU en deus touet drezañ e-unan, eme an AOTROU, Doue an armeoù: Euzh am eus ouzh lorc'h Jakob, kasaat a ran e balezioù, dereiñ a rin ar gêr hag ar pezh a zo enni,

Amoz 7:9

Lec'hioù uhel Izaak a vo gwasted, santualioù Israel a vo distrujet, hag e savin a-enep ti Jeroboam gant ar c'hleze.

Adlezenn 32:19

An AOTROU a welas kement-se, hag e voe hegaset, imoret dre e vibien hag e verc'hed.