Leviegezh 26:25 - Bibl Koad 21: Ar Bibl e Brezhoneg evit ar Vretoned

²⁵ Hag e kasin warnoc’h ar c’hleze a veñjo va emglev; pa en em zastumot en ho kêrioù, e kasin ar vosenn en ho touez hag e viot roet etre daouarn an enebour.

Leviegezh 26:25 Referencias Cruzadas

2 Samuel 24:15

Hag an AOTROU a gasas ar vosenn war Israel, adalek ar mintin betek an amzer merket, hag e varvas er bobl adalek Dan betek Beer-Sheba dek mil den ha tri-ugent.

1 Rouaned 8:33

Pa vo bet pilet da bobl Israel gant hec'h enebour, evit bezañ pec'het a-enep dit, mar distroont, mar roont gloar da'z anv, mar reont dit pedennoù ha goulennoù en ti-mañ,

1 Rouaned 8:37

Pa vo er vro an naonegezh pe ar vosenn pe ar mergl pe an intr pe ar c'hilheien-raden pe ar preñvedigoù, pa vint sezizet en o bro hag en o dorojoù gant o enebourien, pa vo ur gouli pe ur c'hleñved bennak,

2 Rouned 17:3

Salmanazar roue Asiria a bignas a-enep dezhañ, hag Ozea a voe e sujed, hag e kase un truaj dezhañ.

2 Danevelloù 24:24

Petra bennak ma oa deuet arme ar Siriz gant nebeut a dud, an AOTROU a roas etre o daouarn un arme bras-kenañ, dre m'o doa dilezet an AOTROU, Doue o zadoù. Evel-se e sevenjont ar varn a-enep Joaz.

Salmoù 94:1

Doue ar veñjañsoù, AOTROU, Doue ar veñjañsoù, laka da splannder da lugerniñ!

Ermaeziadeg 5:3

Int a lavaras: Doue an Hebreed a zo deuet a-raok deomp; lez ac'hanomp d'ober ur veaj a dri devezh er gouelec'h da aberzhiñ d'an AOTROU hon Doue, gant aon na skofe warnomp gant ar vosenn pe ar c'hleze.

Izaia 1:20

met ma ne fell ket deoc'h ha ma'z oc'h disent, e viot lonket gant ar c'hleze, rak genoù an AOTROU en deus komzet.

Izaia 65:12

e tiniverin ac'hanoc'h evit ar c'hleze, hag en em blegot evit bezañ lazhet. Rak galvet em eus ha n'hoc'h eus ket respontet, komzet em eus ha n'hoc'h eus ket selaouet, graet hoc'h eus ar pezh a zo drouk dirak va daoulagad, dibabet hoc'h eus ar pezh a zisplij din.

Jeremiaz 19:7

Hag e kasin da netra el lec'h-mañ kuzul Juda ha Jeruzalem, hag e rin dezho kouezhañ dre ar c'hleze dirak o enebourien, ha dre zorn ar re a glask o buhez, hag e roin o c'horfoù marv da voued da laboused an neñvoù ha da loened an douar.

Jeremiaz 24:10

Hag e kasin warno ar c'hleze, an naonegezh hag ar vosenn, betek ma vint distrujet a-ziwar an douar am boa roet dezho ha d'o zadoù.

Jeremiaz 50:28

Selaouit mouezh ar re a dec'h hag a ya kuit eus bro Vabilon, evit embann e Sion veñjañs an AOTROU hon Doue, veñjañs e dempl.

Jeremiaz 51:11

Lemmit ar biroù, kemerit ar skoedoù! An AOTROU en deus dihunet spered rouaned Media, dre ma fell dezhañ distrujañ Babilon, amañ emañ veñjañs an AOTROU, veñjañs e dempl.

Jeremiaz 9:16

O stlabezañ a rin e-touez ar broadoù n'o deus ket anavezet, nag int nag o zadoù, hag e kasin war o lerc'h ar c'hleze, betek ma em bo kuzumet anezho.

Klemmganoù 2:21

An den yaouank hag an den kozh a zo gourvezet war an douar er straedoù. Va gwerc'hezed ha va re zibabet a zo kouezhet dre ar c'hleze. Lazhet ec'h eus da zeiz da gounnar, mouget ec'h eus didruez.

Ezekiel 14:17

Pe ma kasfen ar c'hleze war ar vro-se ha ma lavarfen: Ra dremeno ar c'hleze dre ar vro, evit lemel diouti tud ha loened,

Ezekiel 20:37

Hag e lakain ac'hanoc'h da dremen dindan ar walenn, hag e tegasin ac'hanoc'h e ereoù an emglev.

Ezekiel 29:8

Setu perak evel-henn e komz an Aotrou AOTROU: Setu, e lakain ar c'hleze da zont warnout, hag e tilamin eus da greiz tud ha loened.

Ezekiel 33:2

Mab an den, komz ouzh mibien da bobl ha lavar dezho: Pa rin d'ar c'hleze dont war ur vro, ha ma tibabo pobl ar vro-se unan bennak evit e lakaat da c'hedour,

Ezekiel 5:17

Kas a rin a-enep deoc'h an naonegezh hag al loened fall, a lamo diganit da vugale. Ar vosenn hag ar gwad a dremeno dre da zouez, hag e lakain ar c'hleze da zont warnout. Me an AOTROU am eus komzet.

Ezekiel 6:3

Lavar: Menezioù Israel, selaouit komz an Aotrou AOTROU. Evel-henn e komz an Aotrou AOTROU d'ar menezioù ha d'ar c'hrec'hiennoù, d'ar stêrioù ha d'an traoniennoù: Setu me amañ, hag e lakain ar c'hleze da zont warnout, hag e tistrujin hoc'h uhellec'hioù.

Ozea 11:6

Ar c'hleze a gouezho war o c'hêrioù, a zistrujo o difennerien hag a lonko anezho, en abeg d'o mennozhioù.

Leviegezh 26:6

me a lakaio peoc’h er vro hag e kouskot hep bezañ spouronet, kas a rin kuit al loened fall eus ar vro hag ar c’hleze ne dremeno ket en ho pro;

Amoz 4:10

Kaset em eus en ho touez ar vosenn evel hini an Ejipt. Lakaet em eus da vervel gant ar c'hleze ho tud yaouank, ho kezeg a zo bet tapet, lakaet em eus da sevel flaeriadur ho kampoù betek ho tivfron. Ha n'oc'h ket distroet ouzhin, eme an AOTROU.

Habakuk 3:5

Ar vosenn a gerzh dirazañ, ha glaou-tan a heuilh e gammedoù.

Niveroù 14:12

Me a skoio anezho gant ar vosenn, hag e tistrujin anezho, hag e lakain ac'hanout da zont da vezañ ur bobl brasoc'h ha kreñvoc'h egeto.

Niveroù 16:49

Pevarzek mil ha seizh kant den a varvas dre ar gouli, en tu-hont d'ar re varvet abalamour da Gora.

Niveroù 31:3

Moizez a gomzas d'ar bobl o lavarout: Harnezit gwazed eus ho touez evit ar brezel, ha ra dagint Madian evit tennañ veñjañs a-berzh an AOTROU diwar Vadian.

Sant Lucas 21:11

Hag e vo krenoù-douar bras e meur a lec’h, naonegezhioù ha bosennoù. Traoù spouronus en em ziskouezo ha sinoù bras eus an neñv.

Adlezenn 28:21

An AOTROU a stago ar vosenn ouzhit, betek m'he devo kuzumet ac'hanout a-ziwar c'horre ar vro ma'z ez e-barzh d'he ferc'hennañ.

Adlezenn 32:25

Ar c'hleze a zistrujo er-maez, hag ar spouron e-barzh, o skeiñ an den yaouank hag ar werc'hez, ar poupig had an den gant blev gwenn.

Adlezenn 32:35

Din-me eo ar veñjañs ha me a rento, pa vrañsello o zroad! Rak deiz o foanioù a zo tost, hag hastañ a ra an traoù a dle c'hoarvezout.

Adlezenn 32:41

Mar lemman luc'hedenn va c'hleze, ha mar krog va dorn er varnedigezh, e tennin veñjañs eus va enebourien, hag e kastizin ar re a gasa ac'hanon,

Ar Varnerien 15:11

Tri mil den eus Juda a ziskennas da frailh roc'h Etam hag a lavaras da Samzun: Ha n'ouzout ket penaos ar Filistined a vestroni ac'hanomp? Perak ac'h eus graet-se deomp? Hag e respontas: Graet em eus dezho evel m'o deus graet din.