Leviegezh 22:18 - Bibl Koad 21: Ar Bibl e Brezhoneg evit ar Vretoned

¹⁸ Komz da Aaron ha d’e vibien, ha da holl vibien Israel, ha lavar: Piv bennak eus ti Israel pe eus an diavaezidi o chom en o zouez a ginnigo un aberzh d’an AOTROU, evit ur gouestl pe evel prof a youl vat kinniget e loskaberzh d’an AOTROU,

Leviegezh 22:18 Referencias Cruzadas

2 Danevelloù 31:14

Al Leviad Kore mab Jimna, porzhier etrezek ar sav-heol, en doa mererezh ar profoù a-youl-vat kinniget da Zoue, evit lodennañ ar profoù savet d'an AOTROU hag an traoù santel-meurbet.

Salmoù 116:14

Seveniñ a rin va gouestloù d'an AOTROU dirak e holl bobl.

Salmoù 116:18

Seveniñ a rin va gouestloù d'an AOTROU dirak e holl bobl,

Salmoù 22:25

Rak n'en deus ket disprizet na dismegañset glac'har an hini glac'haret, n'en deus ket kuzhet e zremm outañ, met e selaouet en deus pa grie dezhañ.

Salmoù 56:12

E Doue e fizian ha ne'm eus aon rak netra. Petra a raio an dud din?

Salmoù 61:5

Chom a rin en da deltenn da viken. En em dennañ a rin dindan skeud da eskell.  Ehan

Salmoù 61:8

Ra azezo da viken dirak Doue! Ro dezhañ da vezañ miret gant da vadelezh ha da lealded.

Salmoù 65:1

D'ar mestr-kaner; salm David; kanaouenn.

Salmoù 66:13

Mont a rin ez ti gant loskaberzhoù, hag e sevenin va gouestloù,

Ermaeziadeg 12:5

Bez' ho po un oan disi, ur par, ganet er bloaz. E gemer a reot a-douez an deñved pe a-douez ar givri.

Ar Prezeger 5:4

Pa ez po graet ur gouestl da Zoue, na zale ket d'en seveniñ, rak ne gemer ket plijadur en tud diskiant. Seven eta ar gouestl az po graet.

Leviegezh 1:10

Mar d-eo e brof eus al loened bihan, oaned pe givri, evit ul loskaberzh, e kinnigo ur par disi.

Leviegezh 1:2

Komz da vibien Israel ha lavar: Pa raio unan bennak ac’hanoc’h ur prof d’an AOTROU, e raio e brof eus al loened, loened bras pe loened bihan.

Leviegezh 17:10

Piv bennak eus ti Israel pe eus an diavaezidi o chom en o zouez, a zebro ur gwad bennak, me a lakaio va dremm a-enep an hini en devo debret gwad, hag e lamin anezhañ a-douez e bobl,

Leviegezh 17:13

Piv bennak eus ti Israel pe eus an diavaezidi o chom en o zouez, a chaseo hag a gemero ul loen pe ul labous a c’hell bezañ debret, a skuilho e wad hag en goloio gant poultr,

Leviegezh 22:17

An AOTROU a gomzas da Voizez o lavarout:

Leviegezh 23:38

Ouzhpenn-se e virot sabadoù an AOTROU, e reot ho tonezonoù, ho kouestloù, ho profoù a youl vat a roit d’an AOTROU.

Leviegezh 7:16

Mar d-eo aberzh unan bennak ur prof evit ur gouestl pe ur prof a youl vat, debret e vo en deiz ma kinnigo e aberzh, hag an nemorant a vo debret betek an deiz war-lerc’h.

Amoz 4:5

Lakait da vogediñ un aberzh a veuleudi gant goell! Embannit ar profoù a youl vat hag o disklêriit! Rak eno emañ ar pezh a garit, mibien Israel, eme an Aotrou AOTROU.

Jonaz 1:16

Un doujañs vras e-keñver an AOTROU a grogas en dud-mañ, hag e kinnigjont aberzhoù d'an AOTROU hag e rejont gouestloù.

Jonaz 2:9

Ar re en em stag ouzh traoù aner ha touellus a zilez an hini a ra trugarez.

Nahum 1:15

Setu amañ war ar menezioù treid an hini a zegas keleier mat, hag a embann ar peoc'h. Lid da ouelioù, o Juda! Seven da ouestloù! Rak an hini drouk ne dremeno ken ez kreiz, lamet eo kuit a-zevri.

Malaki 1:14

Milliget eo an toueller, an hini en deus ur par en e dropell, hag a ouestl hag a aberzh ul loen dic'hlan d'an AOTROU. Rak me a zo ur roue bras, eme AOTROU an armeoù, ha va anv a zo doujet e-touez ar broadoù.

Niveroù 15:3

ha pa reot ur prof dre an tan d'an AOTROU, ul loskaberzh, un aberzh evit seveniñ ur gouestl pe ur prof a-youl-vat, pe en ho kouelioù, evit leuskel ur c'hwezh dudius d'an AOTROU gant loened bras pe gant loened bihan,

Actou an Ebestel 18:18

Paol, goude bezañ c’hoazh chomet e Korint pell a-walc’h, a gimiadas diouzh ar vreudeur hag a yeas dre vor war-zu Siria gant Prisilha hag Akilaz. E Kenkre e lakaas e vlev da vezañ troc’het rak graet en doa ur gouestl.

Adlezenn 12:17

Ne c'helli ket debriñ e-barzh da zorojoù deog da winizh, da win ha da eoul, na re gentañ-ganet da loened bras ha da loened bihan, na da aberzhoù evit seveniñ ur gouestl, na da brofoù a-youl-vat, nag ar profoù savet eus da zaouarn.

Adlezenn 12:6

Eno e tegasot ho loskaberzhoù, hoc'h aberzhoù, ho teogoù, ar profoù savet eus ho taouarn, hoc'h aberzhoù evit seveniñ ur gouestl, ho profoù a-youl-vat, re gentañ-ganet ho loened bras hag ho loened bihan.

Adlezenn 16:10

hag e ri gouel ar sizhunioù d'an AOTROU da Zoue, o kinnig eus da zorn ur prof a-youl-vat, hervez m'en devo benniget ac'hanout an AOTROU da Zoue.